Lêwi 15:24 - Sơ̆p Hlabơar Nơ̆r 'Bok Kei-Dei

²⁴ Tơdah bơngai drŏ-nglo 'bĭch hăm bơngai drŏ-kăn, na tơdrong 'mê̆-'mach bơngai drŏ-kăn 'bôh jơ̆ng, 'bơm tơ drŏ-nglo, bơngai drŏ-nglo gô jing kơnê̆ 'mê̆-'mach lăm tơpơh năr; giơng đêl sư 'bĭch kư̆m gô jing kơnê̆ 'mê̆-'mach.

Lêwi 15:24 ပူးပေါင်းရင်းမြစ်များ

Êsêkiên 18:6

Sư ưh kơ sa 'nhĕm đe pơm yang tơ kơpal kông, ưh kơ wă lăng tơ rup yang adrĕch Isơrael. Ưh kơ pơm kư̆ kă hăm lu akăn đe, ưh kơ jê̆ lu drŏ-kăn oei 'bôh hơbĕn,

Êsêkiên 22:10

Lăm ih đei bơngai 'bĭch hăm akăn 'bă sư; đei bơngai pơm kơnê̆ hăm drŏ-kăn kơplah oei 'bôh hơbĕn.

Lêwi 15:23

Tơdah tơmam kiơ kơpal giơng sư, dah tơmam đêl sư hơ-oei na bu mă hơtŭt 'bơm gô jing kơnê̆ 'mê̆-'mach truh kơmăng.

Lêwi 15:33

Gah bơngai drŏ-kăn 'bôh jơ̆ng dah bơngai drŏ-nglo lĕch đak kơtăk păng gah bơngai drŏ-nglo 'bĭch hăm bơngai drŏ-kăn oei 'bôh jơ̆ng kơnê̆ 'mê̆-'mach.

Lêwi 18:19

Kơplah drŏ-kăn oei 'bôh jơ̆ng 'nĕ kơ năm jê̆ na 'bĭch hăm sư.

Lêwi 20:18

Tơdah bơngai drŏ-nglo 'bĭch hăm bơngai drŏ-kăn kơplah oei 'bôh jơ̆ng; bơngai drŏ-nglo pơm kơ pham bơngai drŏ-kăn lĕch, na bơngai drŏ-kăn tơlĕch pham sư kơdih, 'bar 'nu sư noh, đe gô puh tơlĕch weh đơ̆ng kon pơlei lu sư.

I Tes 5:22

Dah tơdrong glăi iĕm săi tŭk.

Hêbrơ 13:4

Bơ̆n athei pơyom kơ tơdrong ŭnh om, 'nĕ kơ pơ'brơh pơm kư̆ kă, yua kơ 'Bok Kei-Dei wă phak tơpă dôm lu bơngai mă pơm kư̆ kă thoi noh. Mă bơngai oei adruh tơdăm kư̆m lei-lăi.

I Pet 2:11

Ơ lu 'nhŏng oh mă inh 'mêm kơeng, bơ̆n bơngai lui oei tơ ala teh âu dang ei, lu bơ̆n thoi bơngai tơmoi đĕch; teh đak âu teh đak đe, ưh kơ trŏ kơ teh đak bơ̆n ôh. Thoi noh na inh apinh iĕm pơgơ̆t bĕ dôm tơdrong iĕm pơm ưh kơ lăp kơ măt lăng, jơhngơ̆m iĕm oei 'maih pơm, 'maih pơtuah akâu kơdih kuă ăn kiơ̆ tơdrong 'Bok Kei-Dei.