23 Tơdah tơmam kiơ kơpal giơng sư, dah tơmam đêl sư hơ-oei na bu mă hơtŭt 'bơm gô jing kơnê̆ 'mê̆-'mach truh kơmăng.
Yua kơ lu kon sem 'nâu bơih na lu iĕm jing 'mê̆-'mach, bu mă hơtŭt 'bơm akâu lôch lu kon sem âu gô đei 'mê̆-'mach truh kơmăng.
Bu hơtŭt 'bơm tơmam đêl sư kơtĭt oei, athei pih hơbĕn ao, hum lăm đak păng gô jing kơnê̆ 'mê̆-'mach truh kơmăng.
Tơdah bơngai drŏ-nglo 'bĭch hăm bơngai drŏ-kăn, na tơdrong 'mê̆-'mach bơngai drŏ-kăn 'bôh jơ̆ng, 'bơm tơ drŏ-nglo, bơngai drŏ-nglo gô jing kơnê̆ 'mê̆-'mach lăm tơpơh năr; giơng đêl sư 'bĭch kư̆m gô jing kơnê̆ 'mê̆-'mach.
Mă tơmam kiơ bơngai 'bơm 'mê̆ hơtŭt 'bơm gô apoh 'mê̆-'mach; dah bu hơtŭt 'bơm bơngai noh gô apoh 'mê̆-'mach truh kơsơ̆ măng.