Lêwi 15:19 - Sơ̆p Hlabơar Nơ̆r 'Bok Kei-Dei

¹⁹ Tơdah minh 'nu bơngai drŏ-kăn 'bôh jơ̆ng, sư athei chu iŏk tơdrong 'mê̆ noh lăm tơpơh năr bu hơtŭt 'bơm sư gô jing kơnê̆ 'mê̆-'mach truh kơmăng.

Lêwi 15:19 ပူးပေါင်းရင်းမြစ်များ

Nhom 1:17

Siôn yơ̆r ti, mă-lei ưh kơ đei bu pơlung sư; Kră Yang đei roi boih gah Jakôp; Đei lu bơngai cheng sư pơm kơnê̆ hăm sư. Jêrusalem mă lu sư oei noh jing 'mê̆-'mach.

Êsêkiên 36:17

Ơ kon bơngai, kơplah adrĕch adrung Isơrael oei tơ lăm dêh char lu sư kơdih, lu adrĕch Isơrael pơm boih tơdrong 'mê̆-'mach kơ dêh char. Tơdrong mă lu sư pơm 'bơ̆t anăp Inh kư̆m kơnê̆ 'mê̆-'mach thoi drŏ-kăn 'bôh hơbĕn.

Lêwi 12:2

Khan bĕ kơ kon pơlei Isơrael, tơdah đei minh 'nu drŏ-kăn anăp păng hơiơch kơ minh 'nu kon hơ'lơ̆p drŏ-nglo, sư gô jing kơnê̆ 'mê̆-'mach lăm tơpơh năr; kư̆m thoi kơplah sư 'bôh jơ̆ng mơ̆n.

Lêwi 12:4

Đơ̆ng noh bơngai drŏ-kăn noh athei oei lăm pêng-jĭt pêng năr, wă kơ rơgoh lê̆ pham sư, ưh kơ gơh hơtŭt 'bơm tơmam kiơ mă rơgoh 'lơ̆ng, dah năm mơ̆t tơ anih 'lơ̆ng rơgoh, dĭng truh đĭ năr pơm rơgoh akâu sư 'mơ̆i.

Lêwi 15:20

Dôm tơmam sư yua 'bĭch kơplah sư đei tơdrong kơnê̆ 'mê̆-'mach jing kơnê̆ 'mê̆-'mach đĭ; păng tơmam sư kơtĭt oei kư̆m jing kơnê̆ 'mê̆-'mach.

Lêwi 20:18

Tơdah bơngai drŏ-nglo 'bĭch hăm bơngai drŏ-kăn kơplah oei 'bôh jơ̆ng; bơngai drŏ-nglo pơm kơ pham bơngai drŏ-kăn lĕch, na bơngai drŏ-kăn tơlĕch pham sư kơdih, 'bar 'nu sư noh, đe gô puh tơlĕch weh đơ̆ng kon pơlei lu sư.

Lêwi 22:5

tơdah hơtŭt 'bơm hơdrông kơep lep-ler, dah hơtŭt 'bơm minh 'nu bơngai đei tơdrong kơnê̆, pơm kơ sư kư̆m kơnê̆ 'mê̆-'mach. Mă tôm tơdrong kiơ nai kư̆m kơnê̆ 'mê̆-'mach lei-lăi.

Mathiơ 15:19

Yua kơ đơ̆ng jơhngơ̆m đon kon bơngai tơchĕng kơnê̆ na jing yoch: Sư pơlôch đe, kơtrŏ hăm akăn đe, sư pơm pơyô kư̆ kă, sư tơtông, sư oei pơma hơlĕnh, sư pơjăm pơjuă đe.

Markôs 5:25

Lăm ei đei minh 'nu bơngai drŏ-kăn sư jĭ tuh pham ling-lang đei mơjĭt-'bar sơnăm boih.