Lêwi 14:20 - Sơ̆p Hlabơar Nơ̆r 'Bok Kei-Dei

²⁰ 'Bok soi gô pơyơ̆r tơ kơpal chơnang soi tơmam soi 'buh păng tơmam soi tơpŭng. Thoi noh 'bok soi gô pơm rơgoh ăn tơdrong yoch sư na tơdrong yoch bơngai âu gơh rơgoh.

Lêwi 14:20 ပူးပေါင်းရင်းမြစ်များ

Lêwi 14:10

Truh năr mă tơhngam, sư gô rôp 'bar tŏ kon triu tơno ưh kơ đei jĭ kiơ, b minh pôm kon triu akăn mă tơ'bưh kơ đêl, ưh kơ đei jĭ kiơ, iŏk pêng lăm mơjĭt tơpŭng hĕch, tuh hrâu đak rơmă ôliwơ.c

Lêwi 14:8

Bơngai wă kơ đei rơgoh noh athei pih hơbĕn ao tai sư, hơkôih đĭ sŏk sư, hum lăm đak na sư gơh rơgoh, đơ̆ng noh sư gơh mơ̆t lăm kơđông, mă-lei gô oei 'nguaih kơ bơsŭn lăm tơpơh năr.

Lêwi 14:9

Truh năr mă tơpơh sư gô hơkôih đĭ sŏk sop, sŏk kơ̆l, sŏk kang, gơnur măt sư, pih hơbĕn ao sư păng hum lăm đak, na gơh jing rơgoh.

Êphêsô 5:2

Păng bơ̆n athei băt 'mêm mơnat kơ bôl buăl, thoi Yêsu Krist 'mêm mơnat kơ bơ̆n mah ăn akâu Sư kơdih lôch tang bơ̆n. Sư pơyơ̆r akâu Sư kơ 'Bok Kei-Dei jur lôch tang bơ̆n tơ 'long pơglang kiơ̆ thoi 'Bok Kei-Dei lăp đon, thoi lu bơngai soi sơmah kơ 'Bok Kei-Dei lu sư pơyơ̆r dôm tơmam 'bâu phu.