Lêwi 14:14 - Sơ̆p Hlabơar Nơ̆r 'Bok Kei-Dei

¹⁴ 'Bok soi gô iŏk pham tơmam pơyơ̆r huai đơ̆ng tơdrong hơch 'bơm pơm yoch noh, na pik tơ đon gah 'ma bơngai mă wă kơ rơgoh, tơ hơnglâu yŏng ti gah 'ma păng hơnglâu yŏng jơ̆ng gah 'ma bơngai noh.

Lêwi 14:14 ပူးပေါင်းရင်းမြစ်များ

Le 29:20

klaih kơ noh pơlôch triu tơno 'noh iŏk pham pik tơ hla đon gah 'ma Arôn păng lu kon drŏ-nglo sư, tơ hơnglâu yŏng tơpang ti 'ma lu sư păng hơnglâu yŏng jơ̆ng; gah 'ma lu sư; pham oei rơkah noh săi tăp dăr chơnang soi.

Êsai 1:5

Lơliơ lu iĕm wă kơ oei teh hơnơ̆ng? Yua kơ kiơ lu iĕm oei 'maih blah plơ̆ ling-lang? Rim kơ̆l lu iĕm đĭ rơka, jơhngơ̆m lu iĕm đĭ jĭ bơih.

Lêwi 14:19

'Bok soi gô pơyơ̆r tơmam soi huai đơ̆ng yoch, wă soi sơmah ăn kơ bơngai noh, gơh rơgoh đơ̆ng tơdrong yoch sư. Đơ̆ng noh 'bok soi gô 'bet pơlôch sem dơrong tơmam soi, pơm tơmam soi 'buh.

Lêwi 14:25

Sư gô 'bet pơlôch kon triu pơm tơmam soi huai đơ̆ng hơch 'bơm pơm yoch; 'bok soi iŏk pham pik tơ hla đon gah 'ma bơngai mă wă kơ rơgoh tơ hơnglâu yŏng ti gah 'ma tơ hơnglâu yŏng jơ̆ng 'ma sư.

Rom 12:1

Ơ lu 'nhŏng oh, bơ̆n băt boih 'Bok Kei-Dei 'mêm kơ bơ̆n tôch bơneh dang noh, na bơ̆n athei pơjao akâu bơ̆n kơ Sư, 'nĕ pă pơm yoch, pơm kiơ̆ kơ Sư đĕch, noh na Sư lăp đon kơ bơ̆n.

Rom 6:13

Bơ̆n 'nĕ pă ăn akâu bơ̆n pơm yoch, bơ̆n athei pơjao akâu bơ̆n kơ 'Bok Kei-Dei đĕch, wă kơ 'Bok Kei-Dei wei-lăng chăl arih bơ̆n tơpăt ling-lang dang bơ̆n iung arih đơ̆ng lôch.

Rom 6:19

Tơdrong pơm đĭch noh ưh kơ sĭ iĕm jing đĭch tơpă ôh, inh pơtih gia wă kơ iĕm hlôh đĕch. Yua kơ sơ̆ iĕm dang pơjao akâu iĕm pơm kơnê̆ kư̆ kă khŏm khŏm rai tih, na dang ei iĕm pơjao akâu iĕm kơ 'Bok Kei-Dei pơm 'lơ̆ng tơpăt thoi Sư boih.

I Kor 6:20

yua kơ 'Bok Kei-Dei huai iŏk bơ̆n păng tơmam gĭt Sư tơpă. Thoi noh na bơ̆n dah pơyơ̆r bĕ akâu bơ̆n kơ Sư wă pơư pơang anăn Sư.

II Kor 7:1

Ơ lu 'nhŏng oh mă inh 'mêm kơeng, yua kơ 'Bok Kei-Dei wă ăn kơ bơ̆n jing kon Sư thoi noh boih, na bơ̆n athei tŭk lê̆ đĭ dôm tơdrong kơnê̆ 'mê̆-'mach đơ̆ng akâu bơ̆n juăt kơ pơm, hăm đơ̆ng jơhngơ̆m đon bơ̆n tơchĕng kơnê̆; bơ̆n athei adrin pơm mă tơpăt lăm tôm tơdrong, yua kơ bơ̆n băt hli kơ 'Bok Kei-Dei.

Both 24:8

Lăm tơdrong jĭ chin kren, athei kơchăng pơm kiơ̆ mă tơpă dôm tơdrong mă 'bok soi bơtho adrĕch Lêwi pơkă boih lu iĕm athei kơchăng pơm kiơ̆ thoi inh đei bơtho pơkă boih hăm 'bok soi.

Philip 1:20

Inh adrin wă kơ inh huay kơ mơlâu kơ đe, na jơhngơ̆m inh oei nuih mă đơ̆ng sơ̆ khơ̆ dang ei. Inh pơư pơang anăn Yêsu kơ đe ling-lang; mă đe pơlôch inh kơnh pơgê, noh kư̆m yua kơ tơdrong inh pơư pơang anăn Yêsu, na inh huay kơ mơlâu kơ đe ôh.

I Pet 2:5

Sư ăn kơ bơ̆n arih, na tơdrong arih lu bơ̆n kư̆m thoi lĕ kơ tơmo noh mơ̆n, bơ̆n thoi tơmo 'Bok Kei-Dei yua wă pơjing hnam Sư. Păng bơ̆n kư̆m thoi lu bơngai soi kơ 'Bok Kei-Dei sơ̆, lu sư pơyơ̆r kơ 'Bok Kei-Dei tơmam. Gah lu bơ̆n dang ei, bơ̆n gơnang kơ Yêsu Krist bơ̆n kư̆m pơyơ̆r kơ 'Bok Kei-Dei tơdrong mă Sư lăp đon mơ̆n.