Lêwi 13:59 - Sơ̆p Hlabơar Nơ̆r 'Bok Kei-Dei

⁵⁹ Noh jing tơdrong juăt gah tơdrong jĭ chin đei phơ̆k 'bơm tơ hơbĕn ao hăm sŏk triu dah hăm che, tơ brai tơdơ̆ng dah tơnanh dah tơ tơmam kiơ mă hăm akar. Wă lăng kiơ̆ kơ tơdrong juăt noh na jô̆ sư rơgoh 'lơ̆ng dah oei kơnê̆ 'mê̆-'mach.

Lêwi 13:59 ပူးပေါင်းရင်းမြစ်များ

Lêwi 13:47

Tơdah đei hơbĕn ao 'bơm phơ̆ka thoi jĭ chin, hơbĕn ao hăm sŏk triu dah hơbĕn ao che,

Lêwi 13:48

tơ brai tơdơ̆ng dah brai tơnanh, b tơ ao sŏk triu dah ao che, dah tơmam kiơ hăm akar.

Lêwi 13:58

Mă-lei hơbĕn ao, brai tơdơ̆ng dah brai tơnanh, dah tơmam kiơ mă hăm akar mă ih đei pih, tơdrong jĭ phơ̆k tơkloh bơih, ih athei pih dơ̆ng wơ̆t mă 'bar đơ̆ng noh sư gô rơgoh.

Lêwi 14:1

Kră Yang khan kơ Môis:

Lêwi 14:2

'Nâu bơih tơdrong juăt lu bơngai jĭ chin lăm năr wă pơm rơgoh sư đe gô chông ba sư tơ 'bok soi.

Lêwi 14:32

Noh minh tơdrong juăt gah bơngai jĭ chin dơnuh hin ưh kơ đei tơmam pơyơ̆r, wă kơ rơgoh đơ̆ng tơdrong jĭ sư.

Lêwi 14:57

Bơtho tơ'bôh wă kơ băt, liơ mă jing kơnê̆ 'mê̆-'mach păng liơ mă jing rơgoh 'lơ̆ng, noh jơ̆ khôi juăt tơdrong jĭ phơ̆k.

Lêwi 15:31

Thoi noh ih athei klah lê̆ lu bơngai Isơrael ataih đơ̆ng lu tơdrong kơnê̆ 'mê̆-'mach lu sư, kơnh hli kơ lu sư lôch lăm tơdrong kơnê̆ 'mê̆-'mach lu sư noh na pơm 'mê̆-'mach kơ Bơsŭn Anih Akŭm Inh mă oei tŏk-bŏk lu sư.

Lêwi 15:32

Noh jing tơdrong juăt gah bơngai drŏ-nglo mă đei tơdrong jĭ đuh lĕch đơ̆ng akâu sư păng bơngai drŏ-nglo lĕch đak kơtăk jing kơnê̆ 'mê̆-'mach.

Jo 30:16

Noh boih dôm tơdrong juăt mă Kră Yang đei khan ăn kơ Môis gah klo kăn, dah 'bă hăm kon drŏ-kăn sư, kơplah oei 'lơ̆p oei lăm hnam 'bă sư.

Jo 36:13

Noh boih nơ̆r đơ̆ng Kră Yang tơtă pơkă kơ Môis khan ăn kơ kon pơlei adrĕch Isơrael, tơ thŭng glă char Môap, jê̆ đak Krong Jôrđăn, tơklă anăp pơlei tih Jêrikô.

Jo 5:29

Noh boih tơdrong khôi juăt gah tơdrong gar lu bơngai drŏ-kăn. Klo sư pơgơ̆r sư, dah sư pơm kư̆ kă pơm nhŭng kŏ;