Lêwi 13:55 - Sơ̆p Hlabơar Nơ̆r 'Bok Kei-Dei

⁵⁵ Đang kơ pih bơih 'bok soi gô lăng lăng dơ̆ng tơmam mă đei tơdrong jĭ phơ̆k noh. Tơdah tơdrong jĭ phơ̆k noh ưh kơ tơkloh păng ưh kơ lanh jơ̆p, lei tơmam noh jơ̆ kơnê̆ 'mê̆-'mach bơih, ih athei soh lê̆ lăm ŭnh bĕ, yua kơ đei tơdrong jĭ sư sa tơ pah rŏng dah pah klak.

Lêwi 13:55 ပူးပေါင်းရင်းမြစ်များ

Êsêkiên 24:13

Tơdrong 'mê̆-'mach ih pơm pơyô kư̆ kă, Inh wă ôp rơgoh ih, mă-lei ih ưh kơ wă tơdrong 'mê̆-'mach ih ôp rơgoh, lei ih ưh pă gơh ôp rơgoh bơih dĭng layơ tơdrong inh hil ngach 'mơ̆i.

Lêwi 13:54

Thoi noh 'bok soi sư athei đe pih lê̆ tơmam mă 'bơm phơ̆k jĭ noh păng tah 'măn lê̆ sư wơ̆t mă 'bar lăm tơpơh năr dơ̆ng.

Lêwi 13:56

Mă-lei tơdah đơ̆ng rŏng kơ pih 'bok soi lăng lăng dơ̆ng mưh tơdrong jĭ phơ̆k yơ̆m bơih athei sư hek hŭt lê̆ 'bơ̆t đêl jĭ phơ̆k noh tơ che dah tơ akar, tơ brai tơdơ̆ng dah brai tơnanh.

II Pet 1:9

Mă-lei bu ưh kơ pơm kiơ̆ dôm tơdrong noh, bơngai noh sư thoi bơngai măt bơbul, ưh kơ 'bôh hơdah; păng sư thoi bơngai hiơt kơ 'Bok Kei-Dei dŏng pơklaih bơ̆n đơ̆ng tơdrong yoch.