Lêwi 13:52 - Sơ̆p Hlabơar Nơ̆r 'Bok Kei-Dei

⁵² Thoi noh sư athei soh hơbĕn ao noh phơ̆k 'bơm tơ brai tơdơ̆ng dah brai tơnanh, tơ hơbĕn ao hăm sŏk triu dah hơbĕn ao che, dah tơmam kiơ mă hăm akar, yua kơ noh tơdrong jĭ chin rai lanh; đe athei soh lê̆ tơmam noh tơ lăm ŭnh.

Lêwi 13:52 ပူးပေါင်းရင်းမြစ်များ

Êsai 30:22

Lu iĕm gô tŭk hŭt lê̆ rup iĕm traih lom hăm hu păng rup man bah hăm maih, na lu iĕm klơ̆m lê̆ sư tơ ataih thoi tơmam 'mê̆-'mach. Păng khan: “Lĕch bĕ đơ̆ng anih âu!”

Lêwi 11:33

Tơdah akâu noh huŏng lăm ge, dôm tơmam tah lăm noh jing kơnê̆ 'mê̆-'mach đĭ iĕm athei teh pơchah lê̆ ge noh.

Lêwi 11:35

Dôm tơmam dah đei akâu lôch huŏng 'bơm tŏ sĕt sư gô kơnê̆ đĭ. Mă tơnuh gŏ mă chơđah gŏ athei teh pơchah lê̆; sư jing kơnê̆ 'mê̆-'mach bơih, iĕm athei lăng sư kơnê̆ 'mê̆-'mach bơih.

Lêwi 13:47

Tơdah đei hơbĕn ao 'bơm phơ̆ka thoi jĭ chin, hơbĕn ao hăm sŏk triu dah hơbĕn ao che,

Lêwi 13:48

tơ brai tơdơ̆ng dah brai tơnanh, b tơ ao sŏk triu dah ao che, dah tơmam kiơ hăm akar.

Lêwi 13:51

Sư gô lăng lăng tơdrong phơ̆k noh lăm năr mă tơpơh. Tơdah tơdrong phơ̆k noh lanh tơ hơbĕn ao, tơ brai tơdơ̆ng dah tơnanh tơ akar dah tơmam kiơ mă hăm akar. Tơdrong phơ̆k noh jĭ chin rai lanh; tơmam noh jing kơnê̆ 'mê̆-'mach.

Lêwi 13:53

Na tơdah 'bok soi lăng boih ưh kơ 'bôh phơ̆k tơdrong jĭ noh lanh tơ hơbĕn ao tơ brai tơdơ̆ng dah tơnanh dah tơmam kiơ mă hăm akar.