Lêwi 13:46 - Sơ̆p Hlabơar Nơ̆r 'Bok Kei-Dei

⁴⁶ Lăm khei năr tơdrong jĭ, bơngai noh kơnê̆ 'mê̆-'mach sư athei oei hơdrô̆ 'nguaih kơ anih hơdrŭm.

Lêwi 13:46 ပူးပေါင်းရင်းမြစ်များ

II Sam 3:29

Thŭ pham Apner noh tuh tơ kơpal kơ̆l Jôap hăm đĭ-đăng adrĕch 'bă sư păng adrĕch sư ưh kơ đei bu huay kơ đei jĭ krơ, jĭ chin, jopo, mơ'nah lôch kơ đao, mơ'nah tơmam sa ưh mah”

II Pot 15:5

Kră Yang phak pơtao Amasia, pơm kơ sư jĭ chin dĭng truh tơ năr sư lôch, kơplah sư oei arih, sư oei tơ ataih kơ kon pơlei pơm hnam hơdrô̆ sư. Jôtham, kon drŏ-nglo pơtao ei wei-lăng hnam pơtao sư păng wei-lăng kon pơlei dêh char sư.

II Pot 7:3

'Bơ̆t 'măng dur đei puăn 'nu bơngai jĭ chin, lu sư pơma dơnuh băl: “Bơ̆n hrăn ngôi kơ kiơ 'bơ̆t dâu dĭng truh kơ lôch?”

II Ho 26:21

Usia jĭ chin dĭng truh tơ sư lôch hloi; mưh jĭ chin athei oei hnam hơdrô̆ pha, ưh pă gơh mơ̆t lăm hnam Kră Yang dơ̆ng boih. Jôthan kon drŏ-nglo sư wei hnam pơtao păng pơgơ̆r kon pơlei pơla lăm char sư.

Tơdrông Pơđơk 30:12

Đei bơngai mơ'nah tơchĕng khan lu sư rơgoh 'lơ̆ng. Mă-lei tam đei ôp mơgrĭ lu sư.

Nhom 1:1

Ơu, pơlei tih âu sơ̆ đei lơ kon pơlei dêh, to dang ei ngôi hơdrô̆! Sơ̆ pơm tih kơ lu kon pơlei, 'nâu dang ei thoi yă adro! Sơ̆ lu drŏ-kăn jing yŏng tơ'ngla kơ lu tơring, dang ei jing đĭch đam!

Nhom 1:8

Jêrusalem pơm yoch tih, yua kơ 'noh na mă jing kơnê̆ 'mê̆ brư̆. Dôm lu bơngai mă juăt kơ pơyom kơ sư dang ei pă đei boih, Yua kơ 'bôh sư hang-hông. Kơdih kâu lu sư tơtok, na kơdŭn tơ rŏng.

Nhom 4:15

Lu đe ôr khan kơ lu sư, weh bĕ, weh bĕ! 'Nĕ kơ pel 'bơm! Kơplah lu sư chă kơdâu thông mang, kon pơlei tơmoi khan, Lu sư ưh pă gơh oei tơ âu boih.

Lêwi 13:47

Tơdah đei hơbĕn ao 'bơm phơ̆ka thoi jĭ chin, hơbĕn ao hăm sŏk triu dah hơbĕn ao che,

Lêwi 14:3

'Bok soi gô lĕch tơ 'nguaih kơ kơđông na sư lăng bơngai noh. Tơdah rơka jĭ chin sư klaih bơih,

Lêwi 23:29

Lăm năr noh bu mă ưh kơ hơdrĭ kơ jơhngơ̆m pơmat akâu sư kơdih đe gô puh tơlĕch sư đơ̆ng kon pơlei pơla sư.

Luka 17:12

Lăp Yêsu mơ̆t tơ minh pôm pơlei ei, đei mơjĭt 'nu bơngai jĭ chin năm tơ Sư. Lu sư oei ataih 'biơ̆ kơ Yêsu,

I Kor 5:5

Na bơ̆n athei pơjao kơ yang Satan ăn tơdrong gleh kơ bơngai mă pơm yoch noh, wă kơ bơngai noh tơbral kơdih tơdrong yoch wă kơ 'Bok Kei-Dei iŏk sư kơplah năr Yêsu jur ning-mônh.

II Tes 3:14

Dah bơngai bu ưh kơ chu dôm nơ̆r nhôn chih bơtho lăm kơthơ âu, iĕm tơ'bôh akâu sư kơ lu bơngai lui păng 'nĕ pă pơm buăl hăm sư wă kơ sư mơlâu.

II Tes 3:6

Ơ lu 'nhŏng oh, Kră Yang bơ̆n Yêsu Krist wă kơ nhôn bơtho iĕm thoi âu: Iĕm athei weh ataih đơ̆ng lu 'nhŏng oh lui mơ̆n mă sư alah kơ jang. Nhôn kư̆m bơtho sư mơ̆n ki, athei sư jang pơnam 'nĕ kơ alah. Mă-lei dang ei sư oei alah 'mơ̆i.

I Tim 6:5

Đon lu sư jing ưh pă 'lơ̆ng boih, na lu sư pơjah pơjăng ling-lang. Lu sư ưh kơ hlôh tơdrong 'Bok Kei-Dei. Lu sư ưh kơ lui mă-lei lu sư pơma dih băl khan: “Bơ̆n pơm thoi bơngai lui, đơ̆ng noh na bơ̆n chă bơtho pơgŏ đe na gơh mơdrŏng.”

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Tơdrông Tơ'bôh 22:15

Lu bơngai pơm kơnê̆, lu bơngai pơm pơjâu chă sol đe, lu bơngai pơm pơyô kư̆ kă, lu bơngai pơlôch đe, lu bơngai kơkuh kơ yang nai păng dôm lu bơngai mă hơlĕnh kơ đe ưh kơ gơh mơ̆t ôh.