Lêwi 13:45 - Sơ̆p Hlabơar Nơ̆r 'Bok Kei-Dei

⁴⁵ Bơngai jĭ chin đei tơdrong jĭ noh gô hrŭk hơbĕn ao hiah, ưh kơ chô̆ sŏk, gom lê̆ sŏk kang sư na athei ôr: 'Mê̆-'mach, 'mê̆-'mach.

Lêwi 13:45 ပူးပေါင်းရင်းမြစ်များ

Bl 37:29

Rubên hơlơ̆k dơ̆ng tơ sơlŭng đak lăng jua ưh pă 'bôh boih sư hek lê̆ ao sư kơdih.

II Sam 13:19

Tamar klă tơnuh kơpal kơ̆l sư, na hek ao ti tai mă sư oei hrŭk noh. Păng iŏk ti klơ̆p muh măt, nơnăm rah nhơ̆m ôr rah.

II Pot 7:3

'Bơ̆t 'măng dur đei puăn 'nu bơngai jĭ chin, lu sư pơma dơnuh băl: “Bơ̆n hrăn ngôi kơ kiơ 'bơ̆t dâu dĭng truh kơ lôch?”

Jop 1:20

Jop gruih iung hloi, hek ao sư hơkôih kơ̆l 'ngôch, drap bon tơ teh kơkuh kơ Kră Yang.

Jop 42:6

Yua kơ thoi noh, inh mơlâu dêh kơ tơdrong inh pơma păng apinh tơbral lăm 'mui tơnuh.

Horiso 51:3

Yua kơ inh băt kơ inh đei pơm yoch, tơdrong yoch oei 'bơ̆t anăp inh ling-lang.

Horiso 51:5

Tơpă, tơpŭ kơ inh lăm tơdrong kơnê̆, mĕ inh anăp kơ inh lăm tơdrong yoch.

Êsai 52:11

Lu iĕm weh bĕ, weh bĕ, weh lĕch bĕ đơ̆ng anih noh. 'Nĕ hơtŭt 'bơm tơmam 'mê̆-'mach. Lĕch bĕ đơ̆ng noh pơm akâu kơdih mă rơgoh. Ơ lu bơngai chĕp tơmam Kră Yang.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Êsai 64:6

Lu nhôn đĭ-đăng jing nhen thoi bơngai 'mê̆-'mach bơih, dôm tơdrong tơpăt lu nhôn, nhen thoi ao mơgrĭ. Lu nhôn đĭ-đăng tă kơ nhen hla jô, păng tơdrong kơnê̆ lu nhôn nhen thoi kial pơđông đĭ lu nhôn.

Je 3:25

Ăn kơ nhôn oei 'bĭch lăm tơdrong mơlâu lu nhôn păng pŭ iŏk tơdrong đe pơjăm lu nhôn! Lu nhôn păng 'bok yă lu nhôn đei pơm yoch boih hăm Kră Yang 'Bok Kei-Dei lu nhôn, đơ̆ng oei 'lơ̆p sơ̆ khơ̆ dang ei; lu nhôn ưh kơ chu kiơ̆ nơ̆r Kră Yang 'Bok Kei-Dei lu nhôn.”

Je 36:24

Pơtao păng lu 'bok pơgơ̆r kơtơ̆ng dôm nơ̆r noh, mă-lei ưh kơ hli ưh kơ hek ao lu sư kơdih.

Nhom 4:15

Lu đe ôr khan kơ lu sư, weh bĕ, weh bĕ! 'Nĕ kơ pel 'bơm! Kơplah lu sư chă kơdâu thông mang, kon pơlei tơmoi khan, Lu sư ưh pă gơh oei tơ âu boih.

Êsêkiên 24:17

Hmoi bĕ, mă-lei 'nĕ kơ ôr re, 'nĕ pă hmoi ơh kơ bơngai lôch; chô̆ bĕ che tơ kơ̆l, 'bot bĕ chơkhŏ ih. 'Nĕ kơ gom 'bơ̆r ih păng 'nĕ sa 'bĕng đơ̆ng lu bơngai năm hơpong pơlung.”

Êsêkiên 24:22

Lu iĕm gô pơm thoi inh hlôi pơm; lu iĕm ưh kơ gom 'bơ̆r păng 'nĕ sa 'bĕng lu bơngai năm hơpong pơlung.

Jôel 2:13

Hek bĕ jơhngơ̆m lu iĕm, 'nĕ kơ hek hơbĕn ao lu iĕm.” Wih brŏk bĕ tơ Kră Yang 'Bok Kei-Dei lu iĕm, yua kơ Sư iơ̆m dim, păng băt mơnat hiơ̆ kơ hil, păng 'bĕnh kơ tơdrong 'mêm mơnat, păng Sư băt tơplih huay pă pơrăm.

Lêwi 10:6

Đơ̆ng noh Môis khan kơ Arôn păng 'bar 'nu kon sư Êlêasar păng Ithamar: Iĕm 'nĕ kơ achăng sŏk ôh păng 'nĕ kơ hek ao lu iĕm kơdih, kơnh hli kơ lu iĕm lôch păng kơnh tơdrong hil mĭl Kră Yang gô truh kơ đĭ-đăng kon pơlei oei akŭm, mă-lei 'nhŏng oh lu iĕm, adrĕch Isơrael iĕm, athei nhơ̆m kơ lu bơngai mă Kră Yang soh chhông hăm ŭnh.

Lêwi 13:44

Lei bơngai âu jĭ chin, 'bok soi gô jô̆ sư kơnê̆ 'mê̆-'mach rơka tơ kơ̆l.

Lêwi 21:10

'Bok soi tơm jing kră tơm hloh lăm lu 'nhŏng oh sư, đêl đei tuh đak rơmă bơih tơ kơ̆l sư, đe pôk sư gơh hrŭk ao rơgoh 'lơ̆ng, na kơ̆l sư ưh kơ lê̆ ôh sŏk ưh kơ păi, b kư̆m ưh kơ hek lê̆ ao sư mơ̆n.

Mi 3:7

Lu bơngai ngăl băt lê̆ adrol gô mơlâu păng lu bơngai khan lê̆ adrol gô mơlâu plơ̆m. Đĭ-đăng lu sư gô đơ̆p lê̆ 'bơ̆r lu sư, 'Bok Kei-Dei kư̆m pă đei tơl tơwih nơ̆r lu sư krao apinh.

Jo 5:2

Ih athei khan kơ adrĕch bơngai Isơrael puh tơweh lê̆ đĭ-đăng lu bơngai kơnê̆ 'mê̆-'mach lu đei jĭ apoh, lu bơngai đei jĭ jăn lĕch đak đuh păng lu bơngai mă đei hơtŭt 'bơm kơ akâu bơngai lôch bơngai ayơ mă 'mê̆-'mach noh.

Luka 17:12

Lăp Yêsu mơ̆t tơ minh pôm pơlei ei, đei mơjĭt 'nu bơngai jĭ chin năm tơ Sư. Lu sư oei ataih 'biơ̆ kơ Yêsu,

Luka 5:8

Lăp Simôn mă đe kư̆m anăn Pêtrôs 'bôh Yêsu pơm tơdrong mơsêh thoi noh boih na sư hơloh 'nap 'bơ̆t anăp Yêsu kơkuh kơ Sư khan hloi: “Ơ 'Bok, Ih weh đơ̆ng inh đĕch wăi, inh hli kơ Ih, yua kơ inh bơngai yoch.”