Lêwi 11:40 - Sơ̆p Hlabơar Nơ̆r 'Bok Kei-Dei

⁴⁰ Bu mă sa 'nhĕm lôch noh athei pih hơbĕn ao tai sư păng gô 'bơm 'mê̆-'mach truh kơmăng păng bu mă chĕp ba akâu lôch noh kư̆m athei pih hơbĕn ao sư gô đei 'mê̆-'mach truh kơmăng.

Lêwi 11:40 ပူးပေါင်းရင်းမြစ်များ

Le 22:31

Lu iĕm gô jing bơngai 'lơ̆ng rơgoh 'măn kơ Inh, yua kơ thoi noh 'nĕ kơ sa 'nhĕm mă đơ̆ng sem bri kăp tơ bri brah; athei klơ̆m ăn kơ kŏ sa.

Êsai 1:16

Hum hơrao bĕ mă rơgoh! 'Bơ̆t anăp Inh lu iĕm athei hŭt lê̆ đĭ dôm tơdrong kơnê̆. 'Nĕ pă pơm tơdrong kơnê̆ dơ̆ng.

Êsêkiên 36:25

Inh gô ruh đak rơgoh hlăng tơ lu iĕm, lu iĕm gô; rơgoh lu iĕm gô rơgoh đĭ đơ̆ng dôm tơdrong kơnê̆ 'mê̆-'mach păng rơgoh đơ̆ng tơdrong kơkuh kơ rup yang lu iĕm.

Êsêkiên 4:14

Na inh khan: “Ơ! Kră Yang Tih Hloh; inh ưh kơ layơ pơm 'mê̆-'mach kơdih akâu đơ̆ng oei 'lơ̆p mă truh dang ei, inh kư̆m ưh kơ layơ sa tơmam lôch kơmăp dah đơ̆ng sem bri châu; păng ưh kơ đei 'nhĕm 'mê̆-'mach ayơ mă đei tah sa lăm 'bơ̆r inh.”

Êsêkiên 44:31

Lu 'bok soi ưh kơ gơh sa sem dơrong sem bri sem păr ayơ lôch kơmăp, dah mă đơ̆ng lu tơduă châu hek

Lêwi 11:25

Bu chĕp akâu lôch kon sem noh, athei pih hơbĕn ao tai sư păng jing kơnê̆ 'mê̆-'mach truh kơmăng.

Lêwi 11:28

Na bơngai bu mă chĕp ba akâu lôch lu kon sem brem noh athei pih hơbĕn ao tai sư păng gô kơnê̆ 'mê̆-'mach truh kơmăng, dôm lu adrĕch tơmam noh ưh kơ rơgoh kơ lu iĕm.

Lêwi 11:39

Tơdah minh pôm kon sem brem iĕm gơh sa na lôch hĭ, bu mă hơtŭt 'bơm akâu sư kư̆m jing kơnê̆ 'mê̆-'mach truh kơmăng.

Lêwi 14:46

Bu mơ̆t lăm hnam mă đe tang lê̆ boih, bơngai noh jing kơnê̆ 'mê̆-'mach truh kơmăng.

Lêwi 15:15

'Bok soi gô pơyơ̆r, minh pôm sem pơm tơmam soi huai đơ̆ng yoch minh pôm sem pơm tơmam soi 'buh, thoi noh 'bok soi gô soi sơmah wă kơ goh tơdrong yoch sư 'bơ̆t anăp Kră Yang yua kơ đei tơdrong jĭ lĕch đak đuh đơ̆ng akâu.

Lêwi 15:27

Bu hơtŭt 'bơm tơmam noh gô jing kơnê̆ 'mê̆-'mach athei pih hơbĕn ao sư hum lăm đak; păng gô jing kơnê̆ 'mê̆-'mach truh kơmăng.

Lêwi 16:26

Bơngai mă dui tơlĕch bơbe tơno gah pŭ tơdrong yoch kon pơlei athei pih hơbĕn ao sư păng hum lăm đak, đơ̆ng noh sư gơh brŏk mơ̆t tơ gơđông.

Lêwi 16:28

Bơngai mă soh athei pih hơbĕn ao sư păng hum; đơ̆ng noh na gơh brŏk mơ̆t tơ gơđông.

Lêwi 22:6

Bu hơtŭt 'bơm dôm tơmam noh jing kơnê̆ 'mê̆-'mach truh kơmăng, ưh kơ gơh sa tơmam đe 'măn lê̆ rơgoh mă-lei đang kơ hum lăm đak.

Lêwi 22:8

Sư ưh kơ gơh sa ôh kon sem bri lôch kơmăp, dah lôch đơ̆ng sem bri kăp, wă kơ sư huay kơ kơnê̆ 'mê̆-'mach, yua kơ Inh boih Kră Yang.

Sa 13:1

Lăm năr noh Inh gô pơchoh ăn minh pôm đak glung kơ hnam Đawit păng lu kon pơlei oei lăm Jêrusalem, yua kơ wă ôp tơdrong yoch kơnê̆ 'mê̆ brư̆.

Jo 19:19

Năr mă pêng păng năr mă tơpơh, bơngai mă rơgoh athei iŏk đak noh tơtraih tơ akâu bơngai mă hơtŭt 'bơm 'mê̆-'mach păng năr mă tơpơh bơngai rơgoh noh athei pơm ăn rơgoh; bơngai mă 'bơm 'mê̆ noh athei pih hơbĕn ao sư, hum tong akâu lăm đak păng dĭng truh tơ kơsơ̆ măng na gơh rơgoh.

I Kor 10:21

Bơ̆n 'nĕ sa et 'bar pang, sa et kơchŏk 'blŏk kơ Yêsu boih, na sa et dơ̆ng kơchŏk đe sơmah kơ yang kơnê̆. Sa et tơ gơ'bang Yêsu boih, na sa et dơ̆ng tơ anih đe sơmah kơ yang kơnê̆.

I Kor 6:11

Lu iĕm mơ'nah pơm thoi noh tơpă mơ̆n sơ̆, mă-lei dang ei 'Bok Kei-Dei ôp rơgoh tơdrong yoch iĕm boih, iĕm jing kon Sư 'lơ̆ng tơpăt boih, Sư jô̆ iĕm bơngai 'lơ̆ng yua kơ Kră Yang Yêsu Krist păng Yang Bơhngol 'Lơ̆ng 'Bok Kei-Dei tơgŭm bơ̆n.

Both 14:21

Lu iĕm 'nĕ kơ sa minh pôm kon sem brem lôch kơmăp, gơh ăn kơ lu bơngai tơmoi mă oei lăm pơlei ih, ăn kơ sư sa, kư̆m gơh tĕch ăn kơ bơngai tơmoi. Yua kơ ih jơ̆ adrĕch rơgoh 'lơ̆ng ăn kơ Kră Yang 'Bok Kei-Dei lu iĕm. 'Nĕ kơ pai hơbĭ 'nhĕm bơbe kon hăm đak toh mĕ sư.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.