Lêwi 11:31 - Sơ̆p Hlabơar Nơ̆r 'Bok Kei-Dei

³¹ Lăm lu adrĕch noh pơm kơ lu iĕm ưh kơ rơgoh, bu hơtŭt 'bơm akâu lôch sư gô đei kơnê̆ 'mê̆-'mach truh kơmăng.

Lêwi 11:31 ပူးပေါင်းရင်းမြစ်များ

Bl 1:20

Kră Yang 'Bok Kei-Dei khan dơ̆ng thoi âu: “Athei đei pơjing lu kon sem brem arih lăm đak mă lơ. Păng lu sem păr tơ kơpal teh păr tơ anê̆ rơwơ̆ng tơ plĕnh ti.”

Lêwi 11:30

Păkkê, morkung, chŭ-chă, makuey păr.

Lêwi 11:32

Dôm lu adrĕch tơmam 'nâu, akâu lôch sư mă huŏng 'bơm tơ kơpal tơmam kiơ, pơm kơ tơmam noh jing kơnê̆ 'mê̆-'mach, lu tơmam pơm hăm 'long, hơbĕn ao, tơmam pơm păng akar, kơdŭng wă khan tơmam mă bơ̆n juăt kơ yua, athei tong tơmam noh lăm đak, sư gô kơnê̆ 'mê̆-'mach truh kơmăng păng đơ̆ng noh gô jing rơgoh dơ̆ng.

Lêwi 11:8

Lu iĕm ưh kơ gơh sa 'nhĕm lu sem noh păng ưh kơ gơh hơtŭt 'bơm akâu lu kon sem brem noh dah sư lôch boih; ưh kơ rơgoh kơ iĕm ôh.

Lêwi 14:46

Bu mơ̆t lăm hnam mă đe tang lê̆ boih, bơngai noh jing kơnê̆ 'mê̆-'mach truh kơmăng.

Lêwi 15:15

'Bok soi gô pơyơ̆r, minh pôm sem pơm tơmam soi huai đơ̆ng yoch minh pôm sem pơm tơmam soi 'buh, thoi noh 'bok soi gô soi sơmah wă kơ goh tơdrong yoch sư 'bơ̆t anăp Kră Yang yua kơ đei tơdrong jĭ lĕch đak đuh đơ̆ng akâu.

Lêwi 16:26

Bơngai mă dui tơlĕch bơbe tơno gah pŭ tơdrong yoch kon pơlei athei pih hơbĕn ao sư păng hum lăm đak, đơ̆ng noh sư gơh brŏk mơ̆t tơ gơđông.

Lêwi 17:15

Bơngai bu đơ̆ng pơlei kơtă dah đơ̆ng tơmoi, na sa 'nhĕm sem brem lôch kơmăp kơdih dah lôch đơ̆ng đêl sem bri kăp bơngai noh athei pih hơbĕn ao sư, hum lăm đak păng gô đei kơnê̆ 'mê̆-'mach truh kơmăng, klaih kơ noh sư jing rơgoh.

Lêwi 22:6

Bu hơtŭt 'bơm dôm tơmam noh jing kơnê̆ 'mê̆-'mach truh kơmăng, ưh kơ gơh sa tơmam đe 'măn lê̆ rơgoh mă-lei đang kơ hum lăm đak.

Jo 19:7

Đơ̆ng noh, 'bok soi athei pih ao tai păng hum môch akâu tơ lăm đak, klaih kơ noh mơ̆t tơ kơđông, 'bok soi jing mơgrĭ 'mê̆ dĭng truh kơsơ̆ măng noh.