Lêwi 11:24 - Sơ̆p Hlabơar Nơ̆r 'Bok Kei-Dei

²⁴ Yua kơ lu kon sem 'nâu bơih na lu iĕm jing 'mê̆-'mach, bu mă hơtŭt 'bơm akâu lôch lu kon sem âu gô đei 'mê̆-'mach truh kơmăng.

Lêwi 11:24 ပူးပေါင်းရင်းမြစ်များ

Êsai 22:14

Kră Yang Tih Hloh roi tơbăt lăm đon inh: “Tơdrong yoch 'nâu ưh kơ gơh mơnat ăn ôh dĭng truh năr lu iĕm lôch.” Kră Yang Tih Hloh khan thoi noh.

Lêwi 11:23

Đĭ-đăng lu kon sem nai, đei pơnăr nơnăm hăm puăn pah jơ̆ng jing tơmam mă lu iĕm areh lăng krưp.

Lêwi 11:25

Bu chĕp akâu lôch kon sem noh, athei pih hơbĕn ao tai sư păng jing kơnê̆ 'mê̆-'mach truh kơmăng.

Lêwi 11:31

Lăm lu adrĕch noh pơm kơ lu iĕm ưh kơ rơgoh, bu hơtŭt 'bơm akâu lôch sư gô đei kơnê̆ 'mê̆-'mach truh kơmăng.

Lêwi 11:8

Lu iĕm ưh kơ gơh sa 'nhĕm lu sem noh păng ưh kơ gơh hơtŭt 'bơm akâu lu kon sem brem noh dah sư lôch boih; ưh kơ rơgoh kơ iĕm ôh.

Lêwi 14:46

Bu mơ̆t lăm hnam mă đe tang lê̆ boih, bơngai noh jing kơnê̆ 'mê̆-'mach truh kơmăng.

Lêwi 15:10

Bu mă hơtŭt 'bơm dôm tơmam kiơ ala akâu bơngai đei tơdrong jĭ đuh, jing đei kơnê̆ 'mê̆-'mach truh kơmăng păng bu mă chĕp tơmam noh, athei pih hơbĕn ao sư, hum lăm đak păng jing kơnê̆ 'mê̆-'mach truh kơmăng.

Lêwi 15:11

Tơdah bơngai bu mă đêl bơngai đei tơdrong jĭ đuh lĕch đơ̆ng akâu pel 'bơm na ưh kơ ôp ti adrol, bơngai noh athei pih hơbĕn ao sư, hum lăm đak păng gô jing kơnê̆ 'mê̆-'mach truh kơmăng.

Lêwi 15:15

'Bok soi gô pơyơ̆r, minh pôm sem pơm tơmam soi huai đơ̆ng yoch minh pôm sem pơm tơmam soi 'buh, thoi noh 'bok soi gô soi sơmah wă kơ goh tơdrong yoch sư 'bơ̆t anăp Kră Yang yua kơ đei tơdrong jĭ lĕch đak đuh đơ̆ng akâu.

Lêwi 15:21

Bu hơtŭt 'bơm giơng sư tep, athei pih hơbĕn ao, hum lăm đak păng gô jing kơnê̆ 'mê̆-'mach truh kơmăng.

Lêwi 15:22

Bu hơtŭt 'bơm tơmam đêl sư kơtĭt oei, athei pih hơbĕn ao, hum lăm đak păng gô jing kơnê̆ 'mê̆-'mach truh kơmăng.

Lêwi 15:23

Tơdah tơmam kiơ kơpal giơng sư, dah tơmam đêl sư hơ-oei na bu mă hơtŭt 'bơm gô jing kơnê̆ 'mê̆-'mach truh kơmăng.

Lêwi 15:27

Bu hơtŭt 'bơm tơmam noh gô jing kơnê̆ 'mê̆-'mach athei pih hơbĕn ao sư hum lăm đak; păng gô jing kơnê̆ 'mê̆-'mach truh kơmăng.

Lêwi 15:5

Bu mă hơtŭt 'bơm giơng tep sư, athei pih hơbĕn ao sư, hum lăm đak păng sư jing kơnê̆ 'mê̆-'mach truh kơmăng.

Lêwi 15:6

Bu hơ-oei kơpal tơmam kiơ mă đêl bơngai đei tơdrong jĭ đuh lĕch đơ̆ng akâu hơ-oei bơih, sư athei pih hơbĕn ao sư, hum lăm đak păng sư gô jing kơnê̆ 'mê̆-'mach truh kơmăng.

Lêwi 15:7

Bu hơtŭt 'bơm akâu bơngai đei tơdrong jĭ đuh lĕch đơ̆ng akâu noh, athei pih hơbĕn ao sư, hum lăm đak păng jing kơnê̆ 'mê̆-'mach truh kơmăng.

Lêwi 15:8

Tơdah bơngai đei tơdrong jĭ đuh lĕch đơ̆ng akâu, gơsoh 'bơm kơ bơngai rơgoh, bơngai noh athei pih hơbĕn ao sư, hum lăm đak păng jing kơnê̆ 'mê̆-'mach truh kơmăng.

Lêwi 16:26

Bơngai mă dui tơlĕch bơbe tơno gah pŭ tơdrong yoch kon pơlei athei pih hơbĕn ao sư păng hum lăm đak, đơ̆ng noh sư gơh brŏk mơ̆t tơ gơđông.

Lêwi 16:28

Bơngai mă soh athei pih hơbĕn ao sư păng hum; đơ̆ng noh na gơh brŏk mơ̆t tơ gơđông.

Lêwi 22:4

Tơdah bơngai bu lăm kon drŏ-nglo Arôn jĭ chin dah jĭ lĕch đak kơtăk, ưh kơ gơh sa ôh tơmam đe 'măn lê̆ 'lơ̆ng rơgoh dĭng truh tơ sư rơgoh 'lơ̆ng 'mơ̆i. Tơdah bu đei hơtŭt 'bơm bơngai đei kơnê̆ 'mê̆-'mach yua kơ 'bơm akâu lôch, dah bơngai đei đak kơtăk lĕch,

Lêwi 22:5

tơdah hơtŭt 'bơm hơdrông kơep lep-ler, dah hơtŭt 'bơm minh 'nu bơngai đei tơdrong kơnê̆, pơm kơ sư kư̆m kơnê̆ 'mê̆-'mach. Mă tôm tơdrong kiơ nai kư̆m kơnê̆ 'mê̆-'mach lei-lăi.

Lêwi 22:6

Bu hơtŭt 'bơm dôm tơmam noh jing kơnê̆ 'mê̆-'mach truh kơmăng, ưh kơ gơh sa tơmam đe 'măn lê̆ rơgoh mă-lei đang kơ hum lăm đak.

Lêwi 5:2

Tơdah bơngai bu ưh kơ băt ôh hơtŭt 'bơm minh pôm tơmam 'mê̆-'mach đêl akâu sem bri lôch ưh kơ rơgoh dah akâu sem dơrong ưh kơ rơgoh, dah akâu 'bih kơep lep-ler ưh kơ rơgoh, mă khan kơdih sư ưh kơ băt ră, lei bơngai noh ưh kơ rơgoh mơ̆n păng kư̆m yoch bơih.

Lêwi 7:21

Tơdah bơngai bu hơtŭt 'bơm tơmam kơnê̆ 'mê̆-'mach dah đơ̆ng kon bơngai 'mê̆-'mach, đơ̆ng kon sem brem ưh kơ rơgoh dah đơ̆ng tơdrong kiơ mă Kră Yang areh na sa 'nhĕm tơmam soi 'blŏk bơnê pơyơ̆r kơ Kră Yang, bơngai noh đe gô puh tơlĕch sư đơ̆ng kon pơlei pơla.

Jo 19:7

Đơ̆ng noh, 'bok soi athei pih ao tai păng hum môch akâu tơ lăm đak, klaih kơ noh mơ̆t tơ kơđông, 'bok soi jing mơgrĭ 'mê̆ dĭng truh kơsơ̆ măng noh.

I Kor 15:33

Iĕm 'nĕ kơ lui kơ lu bơngai wă pơlung iĕm, khan 'Bok Kei-Dei ưh kơ wă tơiung arih bơngai lôch, kơnh đơ̆ng bơngai 'lơ̆ng oei hơdai bơngai kơnê̆ sư jing kơnê̆ lei-lăi.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Êphêsô 5:11

Iĕm 'nĕ pă kiơ̆ tơdrong măng mu, tơdrong noh tơdrong ưh kơ yua kơ bơ̆n. Bơ̆n athei tơbăt kơ đe tơdrong yoch noh mơ̆n.

Kôlôsê 2:20

Lu iĕm dang lôch hơdai hăm Yêsu Krist boih, thoi noh iĕm rơngei boih đơ̆ng yang nai pơgơ̆r, mă-lei lơliơ iĕm oei kiơ̆ thoi bơngai tơ ala teh?

Hêbrơ 9:26

Tơ̆ng Sư soi kơ 'Bok Kei-Dei akâu Sư lơ 'măng, lei Sư lôch pơmat rim sơnăm jô̆ đơ̆ng pơjing plĕnh teh sơ̆ khơ̆ dang ei ưh kơ băt hơdôm 'măng. Mă tơpă Sư jur minh 'măng sơ̆ đĕch, yua kơ trŏ năr hơtuch boih. Sư jur soi kơ 'Bok Kei-Dei akâu Sư, wă pơrăm đĭ dôm tơdrong yoch.

I Yo 1:7

Dah bơ̆n oei lăm hơdah Sư, kư̆m thoi Sư oei lăm hơdah, lei 'bơ̆r đon bơ̆n hiôk hơiă dih băl tơpă. Na pham Kon Sư Yêsu Krist 'nhao rơgoh bơ̆n tôm tơdrong yoch.