Lêwi 10:17 - Sơ̆p Hlabơar Nơ̆r 'Bok Kei-Dei

¹⁷ Liơ măr iĕm ưh kơ sa 'nhĕm tơmam soi huai đơ̆ng yoch tơ anih 'lơ̆ng rơgoh? Yua kơ noh jing tơmam 'lơ̆ng rơgoh hloh mă đe ăn boih kơ lu iĕm, wă kơ lu iĕm pŭ đĭ-đăng tơdrong yoch kon pơlei pơla păng soi sơmah huai đơ̆ng yoch ăn kơ lu sư 'bơ̆t anăp Kră Yang.

Lêwi 10:17 ပူးပေါင်းရင်းမြစ်များ

Le 28:38

Plăk 'noh gô sĭt dan tơ kơpal klĕng Arôn; Arôn pŭ tơdrong yoch lu bơngai Isơrael pơm yoch kơplah lu sư pơyơ̆r tơmam soi 'lơ̆ng rơgoh; plăk 'noh gô pơklep tơ kơpal klĕng Arôn ling-lang wă Kră Yang lăp đon iŏk lu sư.

Le 28:43

Arôn hăm kon drŏ-nglo sư gô tah hơbĕn 'noh lăm kơplah lu sư mơ̆t tơ Bơsŭn Anih Akŭm dah năm jê̆ chơnang soi wă jang lăm anih rơgoh, kơnh hli kơ lu sư lôch yua kơ hang-hông, tơdrong noh jing tơdrong juăt kơ Arôn păng adrĕch adrung sư pơm ling-lang.

Lêwi 16:22

Kon bơbe noh gô pŭ tơ akâu sư dôm tơdrong yoch kon pơlei Isơrael, lĕch tơ bri brah ưh kơ đei bơngai, đe achăng bơbe noh tơ tơmăn glă.

Lêwi 21:22

Sư gơh sa tơmam sa Kră Yang 'Bok Kei-Dei sư, mă tơmam 'lơ̆ng rơgoh hloh păng tơmam 'lơ̆ng rơgoh.

Lêwi 22:16

Bu sa tơmam rơgoh đêl pơyơ̆r thoi noh gô pŭ iŏk tơdrong sư hlôi pơm glăi, yua kơ Inh boih Kră Yang pơm kơ lu sư jing rơgoh 'lơ̆ng.

Jo 18:1

Kră Yang khan kơ Arôn: Ih, lu kon drŏ-nglo ih păng adrĕch adrung ih kư̆m gô pŭ iŏk lu tơdrong yoch lăm anih rơgoh; gah ih lu kon drŏ-nglo ih gô pŭ tơdrong yoch lăm tơdrong jang 'bok soi.

Yo 1:29

Năr đơ̆ng rŏng dơning dơ̆ng, Yôhan 'bôh Yêsu thar năm tơ sư, na Yôhan khan kơ đe: “Iĕm lăng bĕ, 'Bok to 'noh boih Kon Triu 'Bok Kei-Dei, 'Bok 'noh boih pơklaih yoch bơngai jơ̆p-jang kơ teh đak.

II Kor 5:21

Yêsu Krist ưh kơ đei tơdrong yoch kiơ, mă-lei 'Bok Kei-Dei athei Sư pŭ tơdrong yoch bơ̆n. Thoi noh na bơ̆n athei gơnang kơ Yêsu, na 'Bok Kei-Dei jô̆ kơ bơ̆n bơngai 'lơ̆ng hăm Sư.

Hêbrơ 9:28

Kư̆m thoi noh Yêsu jur lôch minh 'măng noh sơ̆ wă pơrăm tôm tơdrong yoch hloi. Mă pă 'măng Sư jur Sư ưh pă pơrăm tơdrong yoch boih, Sư jur wă iŏk dôm lu bơngai mă oei chang gô Sư dang ei.

I Pet 2:24

Sư lôch pơmat tơ 'long pơglang yua kơ tơdrong yoch bơ̆n, wă kơ bơ̆n jing bơngai tơpăt, bơ̆n jing thoi bơngai lôch ưh kơ băt pơm tơdrong yoch kiơ, na bơ̆n iung arih jing bơngai 'nao pơm tôm tơdrong 'lơ̆ng. Sư chu iŏk tơdrong đe pơjĭ pơmat Sư wă kơ bơ̆n klaih 'lơ̆ng.