Lêwi 1:17 - Sơ̆p Hlabơar Nơ̆r 'Bok Kei-Dei

¹⁷ Sư gô hek 'bar pah pơnăr, mă-lei lê̆ sư oei tơklep ưh kơ tơpleh. Đơ̆ng noh 'bok soi 'buh dan tơ kơpal chơnang soi, ŭnh sa oei khơ̆ng, noh tơmam soi 'buh, wă khan tơmam soi 'buh lăm ŭnh, wă pơyơ̆r đei 'bâu phu 'lơ̆ng ăn kơ Kră Yang.

Lêwi 1:17 ပူးပေါင်းရင်းမြစ်များ

Bl 15:10

Abram rôp tôm đĭ lu kon sem noh, blah phơ̆t tŏk-bŏk rĭ lê̆ tơklă băl; mă-lei sem păr sư ưh kơ đei blah asong ôh.

Bl 8:21

Kră Yang 'bâu phu păng tơchĕng khan: “Inh ưh pă hiap teh yua kơ kon bơngai dơ̆ng, yua kơ jơhngơ̆m kon bơngai yoch kơnê̆ tơpă đơ̆ng sơ̆, đơ̆ng oei 'lơ̆p.c Inh kư̆m ưh kơ wă pơrăm lu kon sem arih thoi Inh đei pơm.

Horiso 16:10

Yua kơ Ih ưh kơ achăng lê̆ bơhngol inh tơ lăm bơsat. Kŭm huay kơ ăn lu bơngai 'lơ̆ng rơgoh Ih 'bôh tơdrong ôm răm,

Lêwi 1:13

Mă-lei sư gô iŏk đak ôp klak păng tơkong. Đơ̆ng noh lu 'bok soi gô pơyơ̆r đĭ tơmam soi 'buh dan tơ kơpal chơnang soi noh pơm tơmam soi 'buh wă khan tơmam soi 'buh lăm ŭnh wă pơyơ̆r đei 'bâu phu 'lơ̆ng ăn kơ Kră Yang.

Lêwi 2:2

Sư gô ba ăn kơ lu 'bok soi kon drŏ-nglo Arôn; lu 'bok soi gô chup iŏk minh kơđôp tơpŭng mă hrâu hăm đak rơmă ôliwơ noh păng hơdai hăm đĭ-đăng tơmam 'bâu phu sư; păng wă soh đĭ tơmam soi noh tơ kơpal chơnang soi, pơm 'blŏk hơdơ̆r minh tơdrong soi pơyơ̆r 'buh soh hăm ŭnh wă kơ 'bâu phu 'lơ̆ng ăn kơ Kră Yang.

Lêwi 3:5

Lu kon drŏ-nglo Arôn gô 'buh pơyơ̆r dôm tơmam noh tơ kơpal chơnang soi tơ kơpal tơmam soi 'buh mă đei dan kơpal 'long ŭnh, ŭnh oei sa, noh jơ̆ tơmam soi ăn ŭnh sa 'bâu phu ăn kơ Kră Yang.

Lêwi 5:8

Sư gô chĕp ba minh hơgrop sem noh ăn kơ 'bok soi. 'Bok soi gô pơyơ̆r minh pôm adrol pơm tơmam soi huai đơ̆ng yoch wĕch kơ̆l sem noh 'bơ̆t hơko mă-lei ưh kơ ăn kơtĕch.

Lêwi 6:14

'Nâu jơ̆ tơdrong juăt tơmam pơyơ̆r phe 'ba, lu kon drŏ-nglo Arôn athei pơyơ̆r tơmam soi âu tơ anăp chơnang soi 'bơ̆t anăp Kră Yang.

Lêwi 8:21

Đang kơ đe iŏk đak ôp klak mot, lu tơkong, đơ̆ng noh Môis iŏk đĭ akâu kon bơbe tơno 'buh pơyơ̆r tơ kơpal chơnang soi, noh pơm tơmam soi 'buh đei 'bâu phu yua 'buh hăm ŭnh wă pơyơ̆r kơ Kră Yang kiơ̆ thoi đei tơtă kơ Môis boih.

Lêwi 9:13

Lu sư kư̆m ăn kơ Arôn lu 'nhĕm kăt lê̆ bơih păng kơ̆l sư hloi, na soh pơyơ̆r đĭ tơmam soi noh tơ kơpal chơnang soi.

Jo 15:3

lu iĕm pơyơ̆r kơ Kră Yang tơmam soi soh păng ŭnh dah tơmam soi 'buh, noh minh tơmam soi dah pơyơ̆r, dah tơmam soi wă pơsĭt nơ̆r pơkă, dah pơyơ̆r tơmam soi lăm năr kơ̆m tih, lu iĕm 'maih wă pơyơ̆r ăn kơ Kră Yang tơmam soi đei 'bâu phu păng rơmo dah triu,

Jo 28:8

Ih athei pơyơ̆r kon triu mă 'bar noh kơplah kơsơ̆ măng păng pơm tơmam soi phe 'ba păng tơmam huch thoi til pơgê hei, noh boih tơmam soi soh păng ŭnh pơyơ̆r 'bâu phu ăn kơ Kră Yang.

Mathiơ 27:50

Yêsu ôr pơret dơ̆ng, na pơjao bơhngol Sư kơ 'Bok Kei-Dei kơtĕch jơhngơ̆m hloi.

Yo 19:30

Trip sik 'nhŭ ei boih, Yêsu khan: “Dôm tơdrong đang boih.” Na Sư kŭp kơ̆l, pơjao bơhngol Sư kơ 'Bok Kei-Dei, kơtĕch jơhngơ̆m hloi.

Rom 4:25

Yêsu lôch tang yua kơ tơdrong yoch bơ̆n, 'Bok Kei-Dei tơiung arih Sư, wă ăn kơ bơ̆n jing 'lơ̆ng tơpăt hăm Sư.

I Pet 3:18

Yua kơ Yêsu Krist sơ̆ Sư kư̆m lôch pơmat yua kơ tơdrong yoch bơ̆n thoi noh mơ̆n wă kơ bơ̆n klaih đơ̆ng tơdrong yoch gơh oei hăm 'Bok Kei-Dei. Sư 'lơ̆ng dêh ưh kơ đei yoch kiơ, mă Sư lôch tang bơ̆n bơngai kơnê̆. Mă Sư lôch minh 'măng noh boih ưh pă layơ wă lôch dơ̆ng. Đe pơlôch akâu Sư, mă bơhngol Sư ưh kơ lôch ôh.