Le 9:27 - Sơ̆p Hlabơar Nơ̆r 'Bok Kei-Dei

²⁷ Pharaôn wơh đe krao hloi Môis păng Arôn khan: Wơ̆t 'nâu inh yoch boih; Kră Yang jơ̆ Tơ'ngla 'lơ̆ng tơpăt; inh păng kon pơlei inh yoch tơpă.

Le 9:27 ပူးပေါင်းရင်းမြစ်များ

II Sam 12:13

Đawit khan kơ Nathan: “Inh pơm yoch boih hăm Kră Yang.” Nathan tơl: “Mă-lei Kră Yang sŭt boih tơdrong yoch ih, ih huay kơ lôch ôh.

II Ho 12:6

Kră pơgơ̆r bơngai Isơrael păng pơtao lu sư tơjur akâu tơbral păng khan: “Kră Yang 'lơ̆ng tơpăt.”

Horiso 129:4

Kră Yang jơ̆ 'lơ̆ng tơpăt; Sư chơ̆ng lê̆ boih tơlei lu bơngai pơm kơnê̆ chô̆ inh.

Horiso 145:17

Kră Yang boih 'lơ̆ng tơpăt lăm rim trong Sư. Băt 'mêm kơ rim tơdrong jang Sư.

Horiso 9:16

Kră Yang pơdah boih Sư kơdih; đơ̆ng sek tơlang tơpăt; lu bơngai pơm kơnê̆, 'leh boih lăm hơnhuăl đơ̆ng ti lu sư dăng kơdih. Higaiôn Sêla

Le 10:16

Thoi noh Pharaôn hăt hot krao Môis păng Arôn na khan: Inh pơm yoch hăm Kră Yang 'Bok Kei-Dei lu iĕm păng hăm măr iĕm hai.

Le 10:17

Dang ei, apinh ih mơnat ăn kơ inh pă minh wơ̆t 'nâu; păng krao khan bĕ kơ Kră Yang 'Bok Kei-Dei lu iĕm, wă kơ sư iŏk lê̆ đơ̆ng inh tơdrong pơrăm krưp 'nâu.

Le 8:25

Pharaôn krao hloi Môis păng Arôn na khan: Năm bĕ pơyơ̆r tơmam soi kơ Kră Yang 'Bok Kei-Dei lu iĕm tơ lăm dêh âu:

Le 8:8

Pharaôn krao hloi Môis păng Arôn na khan: Krao khan bĕ kơ Kră Yang wă kơ Sư puh kit weh đơ̆ng inh păng đơ̆ng kon pơlei inh; na inh gô achăng kon pơlei Hêbrơ năm pơyơ̆r tơmam soi kơkuh kơ Kră Yang.

Nhom 1:18

Kră Yang jơ̆ tơpăt, yua kơ inh đei pơjah boih hăm nơ̆r Sư. Apinh iĕm mơ̆ng, ơ đĭ-đăng kon pơlei, lăng bĕ tơdrong inh blĕk! Kon adruh păng kon tơdăm inh jing bơnă đe boih.

Da 9:14

Yua kơ tơdrong noh, Kră Yang lăng păng tơjur ăn tơdrong gleh noh tơ lu nhôn; yua kơ Kră Yang 'Bok Kei-Dei lu nhôn tơpăt lăm tơdrong Sư pơm, mă-lei lu nhôn ưh kơ mơ̆ng kiơ̆ nơ̆r Sư.

Jo 21:7

kon pơlei kơdâu tơkan tơ Môis păng khan: Lu nhôn pơm glăi yoch boih pơma hil plơ̆ kơ Kră Yang păng ih. Krao khan apinh Kră Yang bĕ, wă kơ sư pơm kơ 'bih 'nâu weh tơ nai ataih đơ̆ng lu nhôn. Môis krao khan apinh ăn kơ kon pơlei.

Jo 22:34

Balaam tơl Linh jang Kră Yang khan: Inh pơm glăi boih, ưh kơ băt kơ ih dơ̆ng 'bơ̆t trong găn inh, na dang ei, tơdah ih ưh kơ wă kơ inh năm, inh wih brŏk.

Mathiơ 27:4

Sư roi kơ lu đe noh khan: “Inh yoch tơpă, inh jao ăn kơ iĕm wă pơlôch bơngai mă ưh kơ đei pơm yoch kiơ.” Lu đe noh khan: “Măk ai ih, nhôn jao ăn kơ ih jên đang boih.”

Rom 2:5

Iĕm arăng kơ̆l tơpă na ưh kơ jah tơbral kơdih tơdrong yoch, thoi noh na rai đunh rai đei tơdrong yoch tih, na mưh truh năr 'Bok Kei-Dei sek tơlang ning-mônh Sư phak iĕm kư̆m tih thoi tơdrong yoch iĕm pơm noh mơ̆n.

Rom 3:19

Bơ̆n băt boih tơdrong đe chih noh sơ̆ ưh kơ trŏ jô̆ kơ lu bơngai nai đĕch pơm yoch ôh. Sư jô̆ kơ lu bơngai Juđê kư̆m pơm yoch mơ̆n, yua kơ sơ̆p hla bơar 'Bok Kei-Dei wă chih bơtho lu sư. 'Noh na lu bơngai Juđê bơ̆n băt boih, đĭ-đăng kon bơngai ưh kơ đei bu gơh khan sư bơngai ưh kơ yoch. Đĭ-đăng kon bơngai lăm teh đak yoch hăm 'Bok Kei-Dei ngăl boih.

Jôsuê 7:20

Akan tơl Jôsuê: Trŏ tơpă, inh đei pơm tơdrong yoch hăm Kră Yang 'Bok Kei-Dei Isơrael. 'Nâu tơdrong inh đei pơm boih.

I Sam 15:24

Sôl chu iŏk nơ̆r Samuel khan: Inh đei pơm yoch boih ưh kơ wă chu nơ̆r Kră Yang tơtă păng đơ̆ng nơ̆r ih bơtho khan. Inh hli kơ lu kon pơlei na mơ̆ng pơm kiơ̆ nơ̆r lu sư.

I Sam 15:30

Sôl apinh lung: Inh đei yoch; mă-lei apinh ih pơyom kơ inh 'bơ̆t anăp lu đe kră wei-lăng kon pơlei inh păng 'bơ̆t anăp lu bơngai Isơrael; apinh ih wih jơ̆ inh dơ̆ng na inh gô kơkuh kơ Kră Yang 'Bok Kei-Dei ih.

I Sam 26:21

Sôl tơl: Inh đei tơdrong yoch tơpă Ơ Đawit, kon inh, wih brŏk bĕ! Inh ưh pă wă pơrăm kon dơ̆ng, yua kơ năr 'nâu, kon lăng gĭt kơ tơdrong arih inh. Tơpă, inh hlôi pơm boih thoi bơngai wơnh, pơm glăi tih dêh.