Le 9:22 - Sơ̆p Hlabơar Nơ̆r 'Bok Kei-Dei

²² Kră Yang khan kơ Môis, athei yơ̆r ti ih tơ plĕnh, wă kơ 'mi prĕl đơ̆ng kơpal jruh jơ̆p-jang kơ dêh Êyiptơ, 'bơm tơ akâu bơngai 'bơm tơ sem dơrong păng đĭ-đăng hla 'nhot sa mă đe pơtăm tơ mir mă tơ jơ̆p-jang dêh Êyiptơ.

Le 9:22 ပူးပေါင်းရင်းမြစ်များ

Le 10:21

Kră Yang khan kơ Môis: Athei yơ̆r ti ih tơ plĕnh, wă kơ tơ jơ̆p-jang dêh Êyiptơ đei tơdrong măng mu hơ'bơ̆l gueo truh kơ lu sư chă hơbơ̆ pă bang,

Le 7:19

Đơ̆ng noh, Kră Yang khan kơ Môis, athei Arôn, iŏk 'long jra ih bĕ, yơ̆r ti ih tơ kơpal đak glung tih, tơ đak krong iĕ, đak dơnâu jơ̆p kơ anih đei đak lăm dêh Êyiptơ wă kơ đak jing pham ngăl; jơ̆p-jang lăm get mong đak sư pơm hăm 'long, hăm tơmo, kư̆m gô đei pham đĭ-đăng.

Le 8:16

Kră Yang khan kơ Môis: Athei Arôn: Yơ̆r bĕ 'long jra ih, tôn tơteh: Wă kơ 'mui teh noh jing sơmĕch jơ̆p-jang kơ dêh Êyiptơ.

Le 8:5

Na, Kră Yang khan kơ Môis: Khan bĕ kơ Arôn: Athei chĕp 'long jra yơ̆r ti tơ kơpal thong đak tih iĕ, đak dơnâu, wă kơ kit tŏk đơ̆ng noh năm tơ jơ̆p kơ dêh Êyiptơ.

Le 9:21

Mă-lei đei lu bơngai mơ'nah ưh kơ hiơ̆k ôh kơ nơ̆r Kră Yang khan, lê̆ lu đĭch đam păng sem dơrong lu sư oei tơ bri tơ mir tơ tơmăn glă noh.

Jôsuê 10:11

Kơplah lu linh ayăt kơdâu ôn kơ lu linh Isơrael, lu sư jur tơ krang đơ̆ng pơlei Bêt Hôrôn, truh tơ Asêka, Kră Yang ăn 'mi prĕl tih thoi tơmo đơ̆ng plĕnh, jur păng lu linh ayăt lôch kơ 'mi prĕl tih noh lơ hloh, kơ lu linh Isơrael pơlôch hăm đao gưm.

Tơdrông Tơ'bôh 16:21

Klaih kơ noh Sư pơm 'mi pru prĕl tih huŏng đơ̆ng plĕnh kơdŭk kơdăk trăp dang pơđăm-jĭt kĭ kơtĭt kon bơngai tơ teh. Kon bơngai blei hiap 'Bok Kei-Dei, yua kơ 'Bok Kei-Dei phak păng 'mi prĕl tih krưp ei.