Le 8:20 - Sơ̆p Hlabơar Nơ̆r 'Bok Kei-Dei

²⁰ Đơ̆ng noh, Kră Yang khan kơ Môis, Pharaôn sư gô lĕch ngôi jê̆ đak krong, ih athei iung mă hrôih năm tơ'bơ̆p sư na roi tơbăt ăn kơ sư, Kră Yang khan thoi âu: Ăn kon pơlei inh năm, wă kơ lu sư gơh kơkuh kơ inh.

Le 8:20 ပူးပေါင်းရင်းမြစ်များ

Horiso 105:31

Sư pơma na đei hloi roi wŏng truh, Păng mur 'bĕnh-'bang kơ dêh lu sư,

Horiso 78:45

Sư ăn khŭl roi vŏng kăp lu sư; păng kit pơrăm lu sư;

Le 2:5

Na truh kon adruh pơtao Pharaôn năm jur hum tơ đak krong, dôm lu đam sư dăr ngôi kiơ̆ jih đak krong ei; kon adruh pơtao 'bôh bai hre noh tơ lăm 'nhĕt trang na sư krao lu đam sư ei pôk iŏk hơtŏk kơ sư.

Le 3:18

Kon pơlei gô chu kiơ̆ nơ̆r ih, lei na ih hăm lu kră bơngai Isơrael năm tơ'bơ̆p pơtao dêh Êyiptơ, na roi kơ sư khan: Kră Yang 'Bok Kei-Dei kon pơlei Hêbrơ, đei tơ'bôh kơ lu nhôn. Na dang ei, apinh ih ăn kơ lu nhôn lĕch năm tơ char glă, ataih dang pêng năr kơ trong, wă năm pơyơ̆r tơmam soi kơ Kră Yang 'Bok Kei-Dei lu nhôn.

Le 4:23

mă Inh đei khan hăm ih: Ăn kơ kon drŏ-nglo Inh năm, wă kơ lu sư kơkuh kơ Inh. Mưh ih ưh kơ chu ăn kơ lu sư năm. 'Nâu Inh gô pơlôch kon kơdră drŏ-nglo ih.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Le 5:3

Môis păng Arôn khan: Kră Yang 'Bok Kei-Dei kon pơlei Hêbrơ đei tơ'bôh kơ lu nhôn. Na dang ei apinh ih ăn kơ lu nhôn lĕch năm tơ char glă, ataih dang pêng năr kơ trong, wă pơyơ̆r tơmam soi ăn kơ Kră Yang 'Bok Kei-Dei lu nhôn, dah ưh kơnh hli kơ Kră Yang pơm kơ nhôn lôch hơbuh dah lôch kơ đao,

Le 7:15

Pơgê dơning Pharaôn sư gô lĕch ngôi tơ đak krong, ih athei năm 'bơ̆t anăp sư tơ cheng đak krong păng chĕp ba 'long jra mă jing 'bih noh.

Le 8:1

Kră Yang khan kơ Môis: Năm tơ'bơ̆p bĕ Pharaôn păng roi tơbăt kơ sư, Kră Yang đei khan thoi âu: Athei achăng kon pơlei inh năm, wă kơ lu sư awih awăn kơkuh kơ inh.

Le 8:21

Tơdah ih ưh kơ achăng ăn lu sư năm, lei Inh gô ăn roi wŏng truh lơ iam tơ ih, tơ đĭch đam ih, tơ kon pơlei păng tơ lăm hnam ih; tơ hnam bơngai Êyiptơ, roi wŏng iam 'bĕnh-'bang, jơ̆p-jang kơpal teh hloi.

Le 9:13

Kră Yang khan kơ Môis, ih athei iung mă hrôih năm tơ'bơ̆p Pharaôn na khan kơ sư: Kră Yang 'Bok Kei-Dei kon pơlei Hêbrơ, đei khan: Athei achăng lê̆ kon pơlei Inh năm, wă kơ lu sư kơkuh kơ inh,