Le 7:20 - Sơ̆p Hlabơar Nơ̆r 'Bok Kei-Dei

²⁰ Na, Môis păng Arôn pơm kiơ̆ thoi nơ̆r Kră Yang tơtă ăn kơ bre sư. 'Bơ̆t anăp Pharaôn păng đam sư; Arôn hiŏng 'long jra tơ kơpal na teh đak krong Nil na đak krong Nil jing pham hloi.

Le 7:20 ပူးပေါင်းရင်းမြစ်များ

II Pot 4:29

Êlisê khan kơ Gêhasi: “Iŏk tơlei tơ̆n, tơ̆n tơ kơiĕng ih, chĕp ba 'long jra inh 'nâu păng năm hloi dang ei, dah ih tơ'bơ̆p bu ih 'nĕ kơ pơma dơnuh, dah bu bu pơma dơnuh hăm ih, ih 'nĕ kơ tơl hŏ! Truh tơ ei ih dan 'long jra inh 'nâu 'bơ̆t muh măt 'lơ̆p ei.”

Horiso 105:29

Sư tơplih đak lu đe noh jing pham, Păng pơlôch đĭ ka lăm đak.

Horiso 78:44

Tơplih lu đak krong Êyiptơ jing pham lei lu sư pă gơh nhă dơ̆ng đơ̆ng tu đak.

Le 4:9

Tơdah kon pơlei ưh kơ lui kơ đĭ 'bar tơdra 'nâu păng ưh kơ chu kiơ̆ nơ̆r ih, lei chhŏ đak krong Nil tuh tơ teh hrĕng kro; đak mă ih iŏk đơ̆ng đak krong noh gô jing pham jơ̆p kơ teh hrĕng kro noh.

Le 7:10

Na, Môis păng Arôn năm 'bơ̆t anăp Pharaôn păng pơm kiơ̆ thoi nơ̆r Kră Yang tơtă boih. Arôn klơ̆m 'long jra sư 'bơ̆t anăp măt Pharaôn păng lu đam sư, 'long jra noh jing minh dăng 'bih.

Le 7:21

Ka lăm đak krong Nil lôch đĭ-đăng, đak krong jing 'bâu ôm, lu bơngai Êyiptơ ưh kơ gơh nhă; đei pham tơ jơ̆p-jang kơ đak lăm dêh Êyiptơ hloi.

Le 7:6

Môis păng Arôn pơm kiơ̆ lei-lăi thoi nơ̆r Kră Yang đei tơtă kơ bre sư.

Habakuk 3:8

Ơ Kră Yang hăm trŏ kơ Ih blĕk hil kơ lu đak krong ưh? Tơdrong hil Ih tuh kơ đak glung ưh? Hăm trŏ tơdrong hil Ih blah đak dơsĭ, kơplah Ih hao aseh hao gre aseh Ih năm wă dŏng pơklaih?

Tơdrông Tơ'bôh 8:8

Đơ̆ng rŏng kơ noh đei minh 'nu linh jang mă 'bar hlôm keng, na inh 'bôh minh pôm kơtuŏl ŭnh tih tŏ kông huŏng đơ̆ng plĕnh hơtat tơ đak dơsĭ.