Le 6:25 - Sơ̆p Hlabơar Nơ̆r 'Bok Kei-Dei

²⁵ Êlêasar, kon drŏ-nglo Arôn, oei kơ kon adruh Phutiel; duch ei tơpŭ kơ sư Phinêhas. 'Noh boih lu kơdră lăm khŭl adrĕch bơngai Lêwi, kiơ̆ adrĕch adrung lu sư.

Le 6:25 ပူးပေါင်းရင်းမြစ်များ

Esơra 7:5

Usi kon drŏ-nglo Buki, Buki kon Abisua, Abisua kon Phinêhas, Phinêhas kon drŏ-nglo Êlêasar, Êlêasar kon drŏ-nglo Arôn boih 'bok soi tơm.

Jo 26:57

'Nâu adrĕch adrung Lêwi, kiơ̆ kơ đe đei jô̆ boih lu sư: Đơ̆ng Gersôn pơjing adrĕch adrung Gersôn; đơ̆ng Kôhat pơjing đei adrĕch adrung Kôhat; đơ̆ng Mêrari pơjing đei adrĕch adrung Mêrari;

Jo 31:6

Môis wơh mơjĭt-'bar rơbâu 'nu noh năm tơblah, wă khan wơh minh-rơbâu 'nu đơ̆ng lăm rim adrĕch, hơdai hăm Phinêhas, kon drŏ-nglo Êlêasar, 'bok soi, sư chĕp ba tơmam tơblah păng keng wă hlôm krao đơ̆ng lăm anih rơgoh.

Jôsuê 22:13

Thoi noh kon pơlei Isơrael wơh Phinêhas, kon drŏ-nglo 'Bok soi Êlêasar năm truh tơ adrĕch Rubên, adrĕch Gat păng minh puăt adrĕch Manase tơ char Gileat;

Jôsuê 24:33

Êlêasar, kon drŏ-nglo Arôn, kư̆m lôch, đe 'bŭ sư tơ Gibêah pơlei mă Phinêhas, kon drŏ-nglo sư, teh noh đe ăn kơ sư tơ tơring groi kông Êphraim.

Lu 20:28

Đei Phinêhas, kon drŏ-nglo Êlêasar sâu Arôn, bơ̆jang 'bơ̆t anăp hom pơgơ̆p noh. Lu sư krao apinh Kră Yang khan: Lu nhôn hăm wă năm tơblah hăm lu 'nhŏng oh nhôn Bênjamin dơ̆ng ưh; dah mă lu nhôn pơdơh 'mơ̆i? Kră Yang tơl: Năm bĕ, yua kơ lăm năr dơning Inh gô pơjao lu sư lăm tơpang ti iĕm,