Le 40:35 - Sơ̆p Hlabơar Nơ̆r 'Bok Kei-Dei

³⁵ dĭng mah Môis ưh kơ gơh kơ mơ̆t lăm Bơsŭn Anih Akŭm, yua kơ hơmơ̆l tơdrong hơdah rang mơnhal Kră Yang 'bĕnh kơ Bơsŭn.

Le 40:35 ပူးပေါင်းရင်းမြစ်များ

I Pot 8:10

Kơplah lu 'bok soi lĕch đơ̆ng anih rơgoh đei hơmơ̆l gom 'bĕnh lăm Hnam Kră Yang.

I Pot 8:11

Lu 'bok soi ưh kơ gơh dơ̆ng 'bơ̆t anih noh wă jang, yua kơ tơdrong hơdah rang mơnhal păng hơmơ̆l 'bĕnh kơ Hnam akŭm Kră Yang.

II Ho 7:2

Lu 'bok soi ưh kơ gơh kơ mơ̆t tơ lăm hnam akŭm Kră Yang, yua kơ tơdrong ư-ang mơsêh mơyang rang mơnhal mơ̆t 'bĕnh jơ̆p-jang kơ hnam akŭm Kră Yang hloi.

Le 16:10

Kơplah Arôn oei pơma hăm kon pơlei Isơrael, lu sư lăng tơ gah tơmăn glă, 'bôh tơdrong ư-ang rang hơdah tih Kră Yang tơ hơmơ̆l.

Le 29:43

Tơ noh Inh kư̆m wă gô tơ'bơ̆p lu kon pơlei Isơrael: 'Bơ̆t anih 'noh hăm tơdrong ư-ang Inh wă pơm kơ anih noh jing rơgoh 'lơ̆ng.

Êsai 4:5

Tơ jơ̆p anih kơpal kông Siôn, tơ kơpal anih kon pơlei akŭm, Kră Yang pơm hơmơ̆l hăm 'nhui gom kơ 'năr păng pla ŭnh pơchrang hơdah kơmăng. Tơpă, thoi đei minh blah che gom jơ̆p-jang kơ tơdrong ư-ang.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 6:4

Yua kơ re jơwa ôr noh na đĭ-đăng lu jrăng 'măng tơdrŏ păng hnam akŭm 'bĕnh kơ 'nhui.

Êsêkiên 10:4

Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.

Êsêkiên 43:4

Tơdrong ư-ang rang mơnhal Kră Yang mơ̆t tơ lăm hnam akŭm trong 'măng jang gah hơlĕch.

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Jo 7:89

Kơplah Môis mơ̆t tơ lăm Bơsŭn Anih Akŭm wă pơma dơnuh hăm Kră Yang, na sư kơtơ̆ng nơ̆r pơma hăm sư đơ̆ng lăm Tơnglơ̆p Mơnat ăn dan kơpal Hom tơdrong Roi Tơbăt, tŏk-bŏk sơlam kơ 'bar tŏ chêrubim; Kră Yang pơma dơnuh hăm sư.

Jo 9:15

Lăm năr đei pơdơ̆ng tơiung Bơsŭn Anih Akŭm đei hơmơ̆l gom Bơsŭn noh, Bơsŭn Tơdrong Tơbăt; đơ̆ng drơ̆m kơsơ̆ đei ŭnh kơpal Bơsŭn Anih Akŭm dĭng truh pơgê dơning.

Tơdrông Tơ'bôh 15:8

Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.