Le 40:34 - Sơ̆p Hlabơar Nơ̆r 'Bok Kei-Dei

³⁴ Hơmơ̆l gom Bơsŭn Anih Akŭm păng tơdrong hơdah rang mơnhal Kră Yang 'bĕnh kơ Bơsŭn,

Le 40:34 ပူးပေါင်းရင်းမြစ်များ

II Sam 7:6

Đơ̆ng năr Inh anhăk kon pơlei Isơrael lĕch đơ̆ng dêh Êyiptơ truh tơ dang ei, Inh ưh kơ đei oei tơ lăm hnam ayơ, mă-lei kơplah chă năm tơ âu tơ noh Inh oei lăm bơsŭn đĕch.

II Ho 5:13

Lu bơngai hlôm keng hăm lu bơngai hơri hơdai minh pôm nơ̆r tơ'nguơ̆ hrơ̆p hrơ̆p, na hơri bơnê ư-ang kơ Kră Yang, lu sư hơri hơdai hăm re keng, ot preh chhar reh brŏ dung hăm lu brŏ nai hơri ư-ang kơ Kră Yang khan: “Sư 'lơ̆ng 'mêm mơnat iơ̆m dim Sư oei oei ling-lang,” Kơplah noh hnam Kră Yang đei hơmơ̆l gom;

II Ho 7:2

Lu 'bok soi ưh kơ gơh kơ mơ̆t tơ lăm hnam akŭm Kră Yang, yua kơ tơdrong ư-ang mơsêh mơyang rang mơnhal mơ̆t 'bĕnh jơ̆p-jang kơ hnam akŭm Kră Yang hloi.

Horiso 26:8

Ơ Kră Yang, inh 'mêm kơ hnam Ih oei păng anih ư-ang mă Ih oei.

Le 14:24

Đơ̆ng noh lăp măng wă đĭ, Kră Yang đơ̆ng lăm jrăng hơmơ̆l păng jrăng ŭnh, lăng tơ khŭl linh bơngai Êyiptơ, pơm hloi kơ lu sư hli hơwơ̆l hơwang.

Le 16:10

Kơplah Arôn oei pơma hăm kon pơlei Isơrael, lu sư lăng tơ gah tơmăn glă, 'bôh tơdrong ư-ang rang hơdah tih Kră Yang tơ hơmơ̆l.

Le 25:8

Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư.

Le 29:43

Tơ noh Inh kư̆m wă gô tơ'bơ̆p lu kon pơlei Isơrael: 'Bơ̆t anih 'noh hăm tơdrong ư-ang Inh wă pơm kơ anih noh jing rơgoh 'lơ̆ng.

Le 33:9

Kơplah Môis mơ̆t boih lăm bơsŭn, anih krao apinh đei hơmơ̆l thoi jrăng jur gom 'bơ̆t 'măng bơsŭn, noh na Kră Yang pơma dơnuh hăm sư.

Êsai 57:15

Yua kơ Tơ'ngla Tih Hloh kơ đĭ-đăng, Tơ'ngla oei đei ling-lang. Anăn Sư Kră Yang 'Lơ̆ng Rơgoh, đei khan thoi âu: “Inh oei tơ anih kơpal hloh păng 'Lơ̆ng Rơgoh. Mă-lei kư̆m oei hơdai hăm bơngai đei jơhngơ̆m sơ'ngon tơbral tơdrong yoch, wă tơiung ming jơhngơ̆m lu bơngai băt tơjur akâu, wă pơlung jơhngơ̆m lu bơngai băt sơ'ngon kơdih yoch.

Êsai 6:4

Yua kơ re jơwa ôr noh na đĭ-đăng lu jrăng 'măng tơdrŏ păng hnam akŭm 'bĕnh kơ 'nhui.

Êsêkiên 10:4

Na tơdrong ư-ang rang mơnhal Kră Yang tŏk đơ̆ng chêrubim, tơ anăp 'măng hnam akŭm tơm. Na hnam akŭm tơm 'bĕnh kơ hơmơ̆l păng tơ cham hnam 'bĕnh kơ tơdrong hơdah ư-ang rang mơnhal Kră Yang.

Lêwi 16:2

Kră Yang khan kơ Môis thoi âu: Khan bĕ kơ Arôn 'nhŏng ih 'nĕ kơ mơ̆t ling-lang tơ anih 'lơ̆ng rơgoh tơ lăm kơ che đe pĕng 'bơ̆t anăp tơnglơ̆p mơnat ăn 'măn tơ kơpal kơ hom tơdrong pơgơ̆p, kơnh hli kơ sư lôch, yua kơ Inh gô oei lăm hơmơ̆l tơ'bôh tơ anih mơnat ăn.

Hagai 2:7

Inh kơgŭ đĭ-đăng dêh char gô tơdrŏ păng dôm tơdrong hơpơi wă lu dêh char gô truh păng Inh gô pơm 'bĕnh blai kơ hnam âu,’ Kră Yang Tih Hloh khan thoi noh.

Hagai 2:9

Tơdrong ư-ang kơ hnam đơ̆ng rŏng âu, gô tih hloh kơ ư-ang hnam adrol ki sơ̆, Kră Yang khan thoi noh păng Inh gô ăn tơdrong rơnŭk rơnua lăm anih 'nâu.’ Kră Yang Tih Hloh khan thoi noh.”

Jo 7:89

Kơplah Môis mơ̆t tơ lăm Bơsŭn Anih Akŭm wă pơma dơnuh hăm Kră Yang, na sư kơtơ̆ng nơ̆r pơma hăm sư đơ̆ng lăm Tơnglơ̆p Mơnat ăn dan kơpal Hom tơdrong Roi Tơbăt, tŏk-bŏk sơlam kơ 'bar tŏ chêrubim; Kră Yang pơma dơnuh hăm sư.

Rom 9:4

Lu sư boih đe anăn bơngai Isơrael, lu sư boih 'Bok Kei-Dei jô̆ khan kon Sư; 'Bok Kei-Dei oei hơdai hăm lu sư, pơkă khan wă tơgŭm lu sư. 'Bok Kei-Dei pơkă kơ lu sư tơdrong juăt wă kơ lu sư kiơ̆ păng bơtho lu sư soi sơmah kơkuh kiơ̆ trŏ thoi Sư wă.

Tơdrông Tơ'bôh 15:8

Kơplah lu linh jang 'lơ̆ng tuh đak pơgang đơ̆ng pơnhan lu sư ei tơ teh, tơ lăm hnam 'Bok Kei-Dei 'bĕnh-'bang kơ 'nhui. 'Nhui noh wă tơbăt ăn kơ kon bơngai, mơsêh 'Bok Kei-Dei pơm ưh kơ đei bu gơh mơ̆t, mă đơ̆ng năr lu sư iŏk tơpơh tŏ pơnhan ei truh tuh đĭ.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.