Le 40:29 - Sơ̆p Hlabơar Nơ̆r 'Bok Kei-Dei

²⁹ Sư dan chơnang soi 'buh 'bơ̆t 'măng mơ̆t tơ Bơsŭn Anih Akŭm sư pơyơ̆r tơmam soi 'buh păng tơmam soi phe 'ba tơpŭng, kiơ̆ thoi nơ̆r Kră Yang đei pơkă kơ Môis.

Le 40:29 ပူးပေါင်းရင်းမြစ်များ

II Pot 16:14

Chơnang soi đe pơm păng kong dan 'bơ̆t anăp Kră Yang, sư iŏk lê̆ đơ̆ng anih mă đe dan chơnang soi ei 'bơ̆t 'măng Hnam akŭm, sơlam chơnang soi 'nao hăm hnam Kră Yang, đơ̆ng noh iŏk dan tơ gah yă-nơ̆m kơ chơnang soi sư 'nao pơm.

Le 40:28

Sư iŏk che pĕng 'bơ̆t 'măng mơ̆t tơ Bơsŭn Anih Akŭm.

Le 40:30

Sư dan kơthŭng đak 'bơ̆t sơlam Bơsŭn Anih Akŭm păng chơnang soi, sư tuh đak lăm noh wă răk kơ ôp 'nhao;

Le 40:6

Dan chơnang soi 'buh noh 'bơ̆t anăp 'măng wă mơ̆t tơ Bơsŭn Anih Akŭm;

Êsêkiên 40:47

Sư pơtŏ cham lăm, tor đei minh-hrĕng hơgăt, wơ̆l đei minh-hrĕng hơgăt, cham dơ'bŭng wơ̆l tor tŏ ăi. Chơnang soi dan 'bơ̆t anăp hnam akŭm.

Êsêkiên 43:18

Sư pơma hăm inh: “Ơ kon bơngai, Kră Yang khan thoi âu: Âu boih khôi juăt gah chơnang soi mưh pơm keh yua wă pơyơ̆r tơmam soi 'buh păng tơtreh pham kơpal ei.

Lêwi 1:1

Đơ̆ng lăm Bơsŭn Anih Akŭm, Kră Yang krao Môis khan:

Mathiơ 23:19

Ơ bơngai dang kơ măt tol, iĕm hăm băt chơnang 'măn tơmam soi kăl hloh kơ tơmam soi? Tơmam soi yua kơ 'măn kơpal chơnang soi noh đĕch na lăng thoi lĕ kăl.

Hêbrơ 13:10

Yêsu soi akâu Sư kơ 'Bok Kei-Dei sơ̆ kư̆m thoi tơmam đe soi kơ 'Bok Kei-Dei tơ anih giĕng tih. Mă dôm tơmam đe soi tơ lăm anih giĕng tih noh, đĭ-đăng kơ lu bơngai jang lăm hnam 'Bok Kei-Dei ưh kơ đei bu gơh sa; mă-lei kư̆m dang bơ̆n gơh sa mơ̆n, yua kơ Yêsu khan bơ̆n gơh sa akâu Sư, huch pham Sư.

Hêbrơ 9:12

Yêsu mơ̆t boih hnam ei, truh tơ anih giĕng tih hloi. Sư mơ̆t soi minh 'măng đĕch tôm hloi kơ tơdrong soi boih yua kơ Sư soi hăm pham Sư kơdih. Ưh kơ sĭ Sư soi hăm pham bơbe pham rơmo ôh. Sư soi thoi noh đĕch, na bu wă gơnang kơ tơdrong Sư soi noh, bơngai noh gô klaih hloi kơ tơdrong yoch.