Le 40:18 - Sơ̆p Hlabơar Nơ̆r 'Bok Kei-Dei

¹⁸ Môis pơdơ̆ng tơiung Bơsŭn dan dôm bơlôh rơnuh, pơ̆ng tơ̆r, roh hơbăt păng tơiung lu jrăng.

Le 40:18 ပူးပေါင်းရင်းမြစ်များ

II Sam 7:6

Đơ̆ng năr Inh anhăk kon pơlei Isơrael lĕch đơ̆ng dêh Êyiptơ truh tơ dang ei, Inh ưh kơ đei oei tơ lăm hnam ayơ, mă-lei kơplah chă năm tơ âu tơ noh Inh oei lăm bơsŭn đĕch.

Le 40:17

Lăm năr mă mônh khei mônh lăm sơnăm mă 'bar, lu sư pơm tơiung Bơsŭn Anih Akŭm.

Le 40:19

Na Sư bơyar che bơbŭng tơ kơpal Bơsŭn, na sư klơ̆p tơ kơpal bơbŭng kiơ̆ thoi nơ̆r Kră Yang pơkă kơ Môis.

Le 40:2

Năr mă mônh lăm khei mônh ih athei pơdơ̆ng tơiung Bơsŭn Anih Akŭm.

Êsai 33:24

Kon pơlei pơla gô ưh pă đei pơma bơih khan: “Inh jĭ bơlŏ” Lu kon pơlei oei tơ noh gô đei tơdrong mơnat ăn kơ tơdrong yoch lu sư.

Lêwi 26:11

Inh gô pơm anih oei Inha tŏk-bŏk lu iĕm, Inh ưh kơ đei weh đơ̆ng lu iĕm ôh.

Mathiơ 16:18

Ơ Pêtrôs, Inh wă khan kơ ih, ih thoi lĕ kơ tơmo kŭk; kơpal tơmo kŭk noh boih Inh wă pơm hnam Inh, hnam noh wă khan lu bơngai lui kơ Inh. Na dôm lu yang kơnê̆ ưh kơ kĕ blah lu bơngai lui noh ôh.

Yo 1:14

Yêsu Krist dang nơ̆r 'Bok Kei-Dei, Sư jur jing kon bơngai. Sư oei hơdai păng kon bơngai bơ̆n. Bơngai bơ̆n 'bôh Sư gơh pơm tơdrong mơsêh mơyang; Sư 'noh boih Kon pôm 'Bok Kei-Dei tơpă; Sư 'mêm mơnat kơ bơ̆n, pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.

I Tim 3:15

Dah inh ưh kơ yĕng năm, inh chih kơthơ âu boih wă kơ ih băt bơ̆n 'nhŏng oh bơngai lui wă pơm thoi yơ lăm hnam 'Bok Kei-Dei. Bơ̆n bơngai lui jing kon Kră Yang 'Bok Kei-Dei. Sư boih arih ling-lang ưh kơ đei layơ lôch, na lu bơ̆n bơngai lui mă răk tơdrong 'Bok Kei-Dei kơjăp, trŏ kơ bơ̆n bơtho tơdrong Sư kơ đe nai dơ̆ng.

I Pet 1:5

Yua kơ bơ̆n lui păng gơnang kơ Sư tơpă, na 'Bok Kei-Dei tơ'ngla mă mơsêh mơyang, Sư wei-lăng lu bơ̆n ling-lang truh tơ năr Sư wă ăn kơ bơ̆n tôm tơdrong mă Sư đei hơmet lê̆ boih tơ năr tôch noh kơnh.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.