Le 40:12 - Sơ̆p Hlabơar Nơ̆r 'Bok Kei-Dei

¹² Đang kơ noh, ih chông Arôn hăm lu kon drŏ-nglo sư năm jê̆ 'bơ̆t 'măng Bơsŭn Anih Akŭm, na tuh hum lu sư.

Le 40:12 ပူးပေါင်းရင်းမြစ်များ

Le 40:11

Ih kư̆m pik rơmă 'bâu phu tơ kơthŭng đak păng jơ̆ng sư păng pơyơ̆r kơthŭng noh.

Jo 8:9

Ih athei pơdah lu bơngai Lêwi âu 'bơ̆t anăp Bơsŭn hăm 'bơ̆t anăp đĭ-đăng lu bơngai Isơrael.

Mathiơ 3:16

Hlôi Sư iŏk 'batem boih, lăp Sư iung đơ̆ng đak, na Sư 'bôh hloi plĕnh tơpơih păng 'bôh Yang Bơhngol 'Lơ̆ng thoi sem kơtơp jur oei tơ Sư.

Luka 1:35

Linh jang 'lơ̆ng ei khan kơ sư dơ̆ng: “Gô đei Yang Bơhngol 'Lơ̆ng jur tơ ih, tơdrong mơsêh mơyang mă 'Bok Kei-Dei wă ăn kơ ih. Thoi noh na kon nge mă ih tơpŭ noh, Sư Kon 'Bok Kei-Dei mă 'lơ̆ng tơpăt.

Yo 3:34

yua kơ 'Bok Kei-Dei wơh Kon Sư Yêsu, na Yêsu jur bơtho nơ̆r 'Bă Sư 'Bok Kei-Dei tơpă. 'Bok Kei-Dei ăn kơ Sư Yang Bơhngol 'Lơ̆ng oei hơdai hăm Sư ling-lang, na Yang Bơhngol 'Lơ̆ng tơgŭm Sư lăm tôm tơdrong tơpă ưh kơ đei kơ'bah kiơ.

Rom 8:3

Tơ̆ng bơ̆n oei gơnang kơ akâu bơ̆n kơdih wă kiơ̆ tơdrong juăt 'Bok Kei-Dei pơkă sơ̆, bơ̆n ưh kơ gơh klaih rơngei păng ưh kơ gơh pơm 'lơ̆ng hăm 'Bok Kei-Dei ôh yua kơ akâu kon bơngai bơ̆n ưh kơ kĕ ĕnh kơ tơdrong pơm yoch. Yua kơ thoi noh na 'Bok Kei-Dei Sư wă tơgŭm bơ̆n, Sư tơgŭm tơpă. Sư wơh Kon pôm Sư jur jing thoi kon bơngai bơ̆n, Kon Sư noh pơklaih bơ̆n đơ̆ng dôm tơdrong kơnê̆ ngăl pơm kơ bơ̆n yoch, na dang ei bơ̆n ưh pă hli kơ yoch dơ̆ng, yua kơ jei Yêsu boih.

Galati 4:4

Mă-lei truh boih năr 'Bok Kei-Dei pơkă, Sư wơh Kon Sư jur tơ ala teh âu. Kon bơngai bơ̆n tơpŭ kơ Sư, thoi noh na Sư kiơ̆ tôm tơdrong juăt kon bơngai.