Le 4:27 - Sơ̆p Hlabơar Nơ̆r 'Bok Kei-Dei

²⁷ Kră Yang khan kơ Arôn thoi âu: Năm bĕ tơ char glă sơng Môis. Arôn năm hloi, tơ'bơ̆p Môis tơ kông Kră Yang 'Bok Kei-Dei păng sư chŭm Môis.

Le 4:27 ပူးပေါင်းရင်းမြစ်များ

Bl 29:11

Jakôp chŭm Rachel, sư nhơ̆m.

I Pot 19:8

Na sư iung sa păng nhă, sư đei jơhngơ̆m pran hloi đơ̆ng tơmam sa 'noh, đơ̆ng noh sư năm puăn-jĭt năr puăn-jĭt măng dĭng truh tơ Hôrêp kông Kră Yang 'Bok Kei-Dei.

Horiso 105:26

Sư wơh Môis đĭch đam Sư păng Arôn bơngai mă Sư rơih boih.

Le 18:5

Na, Jêthrô, tơnei Môis năm chông ba 'bar 'nu kon drŏ-nglo păng akăn Môis, năm ngôi apong tơ anih char glă, anih Môis oei pơdơh jê̆ kông Kră Yang 'Bok Kei-Dei.

Le 18:7

Môis năm sơng tơnei sư, drap tơ teh kơkuh păng chŭm sư, apinh jet gia dih băl hăm oei 'lơ̆ng akâu. Na mơ̆t lăm bơsŭn.

Le 19:3

Môis tŏk tơ kông năm tơ Kră Yang 'Bok Kei-Dei, Kră Yang krao sư đơ̆ng kơpal kông khan: Ih athei roi ăn kơ adrĕch Jakôp păng roi tơbăt dơ̆ng kơ kon pơlei Isơrael:

Le 20:18

Kơplah đĭ-đăng kon pơlei kơtơ̆ng grơ̆m păng jơwa tơgiĕp, 'bôh chêr 'blêt kơmlat, kông lĕch 'nhui, lu sư hli tơtey dơ̆ng tơ ataih.

Le 24:13

Môis iung hơdai hăm Jôsuê, bơngai jang kơ sư, na Môis năm tŏk hloi tơ kơpal kông Kră Yang 'Bok Kei-Dei.

Le 3:1

Môis wei triu Jêthrô tơnei sư, 'bok soi tơm dêh Mađian; sư wei chông ba khŭl triu tơ tơmăn 'nhĕt char glă, truh tơ kông Kră Yang 'Bok Kei-Dei, kông 'noh đe krao Hôrêp.

Le 4:26

Kră Yang lê̆ klo sư arih; Kơplah noh akăn sư khan: Ih jing klo inh tơpă! Yua kơ đơ̆ng kăt tơdra akar kon ba na ih arih hiôk.

Bôk Bơthô 4:9

'Bar 'nu hloh kơ minh 'nu, yua kơ jang hơdai đei yua kơ 'bar 'nu.

Jang 10:20

Ih jur mă tĕnh bĕ, năm hơdai păng lu sư, ưh kơ đei tơdrong kiơ ôh, yua kơ Inh athei sư năm tơ âu. Na dang ei ih 'nĕ pă tơchĕng giĕng tơdrong mơ̆t lăm hnam tơmoi ưh kơ khŭl Juđê.”