Le 38:21 - Sơ̆p Hlabơar Nơ̆r 'Bok Kei-Dei

²¹ 'Nâu đe jô̆ tơmam yua lăm pơm Bơsŭn Anih Akŭm, anih mă tah 'bar hlak tơmo chih mơjĭt khôi juăt kiơ̆ thoi Môis pơkă kơ bơngai Lêwi bơwei, chih răk đĭ-đăng 'nâu đơ̆ng Ithamar kon drŏ-nglo 'bok soi tơm Arôn pơgơ̆r.

Le 38:21 ပူးပေါင်းရင်းမြစ်များ

I Ho 6:3

Kon drŏ-nglo Amram noh: Arôn, Môis păng Miriam. Kon drŏ-nglo Arôn: Nađap, Abihu, Êlêasar păng Ithamar.

II Ho 24:6

Pơtao krao Jêhôiada 'bok soi tơm păng khan: “Yua kơ kiơ ih ưh kơ pơkă kơ lu bơngai Lêwi chĕp ba jên lu bơngai Juđa păng lu bơngai oei lăm pơlei Jêrusalem ra ăn kiơ̆ kơ Môis đĭch đam Kră Yang 'Bok Kei-Dei mă đei pơkă boih hăm lu kon pơlei Isơrael athei pơyơ̆r ăn kơ Bơsŭn Roi Tơbăt?”

Jop 11:4

Yua kơ ih khan kơ Kră Yang 'Bok Kei-Dei: “Tơdrong lui inh trŏ; păng inh rơgoh 'bơ̆t anăp Kră Yang 'Bok Kei-Dei.”

Jop 22:23

Tơdah ih wih dơ̆ng tơ Kră Yang Tih Hloh, lei ih gô gơh đei hơmet ming dơ̆ng. Tơdah ih hŭt lê̆ tơdrong kơnê̆ ataih đơ̆ng anih bơsŭn ih.

Jop 26:1

Jop tơl khan:

Horiso 15:1

Ơ Kră Yang, bu gô oei lăm Hnam Yang Ih? Bu gô oei tơ kông rơgoh Ih?

Le 25:16

Ih athei tah lăm hom tơdrong pơgơ̆p khôi juăt nơ̆r mă tơtă Inh gô ăn kơ ih.

Le 26:33

Gơwŏk mă dan hom tơdrong pơgơ̆p tơ gah lăm che; pĕng che 'nâu wă klah asong anih rơgoh păng anih tôch rơgoh.

Le 38:20

Hơdrơ̆ng tăp dăr yua pơdơ̆ng Bơsŭn Anih Akŭm păng tăp dăr kơ cham đe pơm păng kong.

Le 38:22

Bêsalel kon drŏ-nglo Uri sâu Hur đơ̆ng adrĕch adrung Juđa, pơm pơkeh đĭ tôm dôm tơdrong kiơ̆ thoi Kră Yang đei pơkă boih.

Le 40:3

Dan hom pơgơ̆p tơ lăm noh păng iŏk che pĕng găn lê̆.

Le 6:23

Arôn oei kơ Êlisêba, kon drŏ-kăn Aminađap, oh Nahasôn; duch ei tơpŭ kơ sư Nađap, Abihu, Êlêasar păng Ithamar.

Jo 1:50

Mă-lei athei klah lê̆ adrĕch Lêwi wă kơ lu sư wei-lăng Bơsŭn Anih Akŭm Pơgơ̆p Sĭt păng đĭ-đăng lu tơmam yua lăm anih akŭm đe pơm păng khăn noh, wă kơ lu sư tơiung pơdơ̆ng păng tung anhăk anih, wei-lăng đĭ lu tơmam yua lăm anih noh bơ̆jang lăm hnam noh păng pơm bơsŭn oei tăp dăr kơ Anih Akŭm noh.

Jo 1:53

Mă-lei lu adrĕch Lêwi gô oei tăp dăr kơ Bơsŭn Anih Akŭm Pơgơ̆p Sĭt, wă kơ huay tơhil pơjăng pơjah hăm lu adrĕch bơngai Isơrael; adrĕch Lêwi lu sư gô wei-lăng bơ̆jang lăm Bơsŭn Anih Akŭm Pơgơ̆p Sĭt.

Jo 10:11

Lăm sơnăm mă 'bar, khei 'bar, năr 'bar-jĭt, hơmơ̆l đông đơ̆ng bơbŭng Bơsŭn Anih Akŭm roi tơbăt.

Jo 18:2

Chông ba bĕ lu 'nhŏng oh ih hơdai ih mă adrĕch Lêwi, adrĕch 'bă ih, wă kơ lu sư pơgơ̆p hơdai ih păng tơgŭm ih jang; 'bơ̆t kơplah ih păng lu kon drŏ-nglo dơ̆ng 'bơ̆t anăp Bơsŭn Anih Akŭm Roi Tơbăt.

Jo 24:5

Ơ Jakôp anih kơđông ih 'lơ̆ng pă băt dang yơ! Ơ Isơrael bơsŭn ih 'lơ̆ng tơpă!

Jo 9:15

Lăm năr đei pơdơ̆ng tơiung Bơsŭn Anih Akŭm đei hơmơ̆l gom Bơsŭn noh, Bơsŭn Tơdrong Tơbăt; đơ̆ng drơ̆m kơsơ̆ đei ŭnh kơpal Bơsŭn Anih Akŭm dĭng truh pơgê dơning.

Mathiơ 17:4

Na Pêtrôs khan kơ Yêsu: “Ơ 'Bok, bơ̆n oei tơ âu hiôk dêh. Lê̆ kơ inh pơm kơ bơ̆n pêng tŏ bơsŭn; minh pôm pơm kơ Ih, minh pôm pơm kơ Môis, minh pôm pơm kơ Êli.”

Jang 7:44

'Bok Êtien oei pơma: “Lu kră bơ̆n oei tơ char glă ei sơ̆, lu sư đei hnam akŭm kơkuh kơ 'Bok Kei-Dei. 'Bok Kei-Dei athei Môis pơm Bơsŭn Anih Akŭm ei kiơ̆ kơ 'Bok Kei-Dei tơ'bôh.

II Kor 5:1

Akâu bơ̆n tơ ala teh âu thoi lĕ kơ hnam oei. Tơ̆ng bơ̆n băt kơ hnam bơ̆n oei noh răm boih, bơ̆n gô đei hnam 'nao tơ plĕnh ti kơjăp hloh, ưh kơ layơ răm dơ̆ng. Hnam noh đơ̆ng tơ'ngla 'Bok Kei-Dei pơm kơ bơ̆n, ưh kơ sĭ đơ̆ng ti kon bơngai pơm ôh.

Hêbrơ 8:2

Sư jang tơ lăm hnam 'Bok Kei-Dei tơ plĕnh ti, tơ lăm anih mă 'Bok Kei-Dei oei hloi. Hnam noh 'Bok Kei-Dei pơjing 'lơ̆ng tơpă, 'lơ̆ng hloh kơ hnam 'Bok Kei-Dei mă kon bơngai pơm tơ teh âu.

Hêbrơ 9:11

Na dang ei Yêsu Krist truh boih, Sư pơm 'bok soi ăn dôm tơdrong hiôk 'lơ̆ng kơ bơ̆n. Sư jang awih awăn tơ lăm hnam 'Bok Kei-Dei rŏ hloh kơ hnam akŭm lu bơngai noh sơ̆. Hnam Sư ei ưh kơ pơm păng ti kon bơngai ôh păng hnam ei ưh kơ trŏ kơ tơ teh âu ôh, hnam ei tơ plĕnh ti.

II Pet 1:13

Inh arih tơ ala teh âu dang yơ, inh bơtho tơ'blŏk kơ iĕm dang noh,

Tơdrông Tơ'bôh 11:19

Inh 'bôh hnam 'Bok Kei-Dei tơ plĕnh ti pơih 'măng, na inh 'bôh hom tih đe tah tơmo lat chih tơdrong 'Bok Kei-Dei pơkă kơ kon bơngai sơ̆. Na đei grơ̆m glaih tơdrăng kơmlat kơchêr kơchar, teh adrŏ mơ'nưt mơ'nat păng 'mi pru prĕl tih.

Tơdrông Tơ'bôh 15:5

Đơ̆ng noh inh lăng dơ̆ng tơ kơpal plĕnh na 'bôh hnam 'Bok Kei-Dei oei thoi hnam akŭm lu bơngai Isơrael pơm păng tua-la-tăng tơ dêh char glă sơ̆, hnam ei 'măng tơpơih.

Tơdrông Tơ'bôh 21:3

Păng inh kư̆m kơtơ̆ng 'bơ̆r đe pơma re đơ̆ng tang-dŏ 'Bok Kei-Dei khan thoi âu: “'Nâu boih đe khan 'Bok Kei-Dei oei hơdai hăm kon bơngai. Sư oei tŏk-bŏk hăm kon bơngai, na kon bơngai jing kon Sư păng Sư jing Kră Yang kon bơngai.