Le 37:17 - Sơ̆p Hlabơar Nơ̆r 'Bok Kei-Dei

¹⁷ Sư pơm jơ̆ng ŭnh kơđeng hăm maih rơgoh; jơ̆ng sư, akâu sư, gĕl sư, rơnôp, pơkao sư pơm hăm maih rơgoh păng klep băl hơbôl.

Le 37:17 ပူးပေါင်းရင်းမြစ်များ

I Ho 28:15

Kŏng ăn dôm yơ maih wă pơm lu jơ̆ng ŭnh kơđeng păng akâu kơđeng, kŏng ăn maih kơ rim jơ̆ng ŭnh kơđeng păng akâu sư. Kŏng ăn dôm yơ hu wă pơm jơ̆ng păng akâu ŭnh kơđeng; kŏng ăn tôm kơ wă pơm jơ̆ng păng akâu ŭnh kơđeng păng hu.

II Ho 13:11

Rim pơgê hrôih păng kơsơ̆ lu sư soh pơyơ̆r tơmam soi 'buh păng pơgang 'bâu phu ăn kơ Kră Yang; lu sư kư̆m dan 'bĕng 'lơ̆ng rơgoh kơpal gơ'bang rơgoh păng kư̆m tơ̆k ŭnh kơđeng tơ rim jơ̆ng kơđeng maih wă kơ sư khơ̆ng kiơ̆ kơmăng. Lu nhôn pơm kiơ̆ nơ̆r Kră Yang 'Bok Kei-Dei lu bơ̆n bơtho khan, gah lu iĕm achăng lê̆ Sư boih.

Le 31:8

Gơ'bang păng tơmam yua lăm sư, jơ̆ng ŭnh kơđeng maih rơgoh păng đĭ-đăng tơmam yua lăm sư, chơnang soi tơmam 'bâu phu.

Le 37:16

Sư pơm tơmam yua tơ kơpal gơ'bang; pơnhan chhĕr, kơthao mong pơgang, 'bâu phu, klĭnh bô̆i, kơchŏk 'măn yua tuh tơmam pơyơ̆r huch sa, pơm lu sư păng maih rơgoh.

Le 37:18

Akâu ŭnh kơđeng đei pơm tơdrâu tŏ tơ'bla, pêng tŏ pah âu, pêng tŏ pah to.

Lêwi 24:4

Arôn gô wei ŭnh kơđeng dan kơpal jơ̆ng kơđeng hăm maih. Wă kơ ŭnh kơđeng khơ̆ng hơnơ̆ng 'bơ̆t anăp Kră Yang.

Sa 4:11

Inh tơl sư thoi âu: “'Bar tơnơm 'long ôliwơ minh tơnơm gah 'ma minh tơnơm gah 'ngiĕo kơ jơ̆ng ŭnh kơđeng noh wă khan kiơ?”

Sa 4:2

Sư khan kơ inh: “Ih 'bôh kiơ?” Inh tơl: “To inh 'bôh boih minh pôm jơ̆ng ŭnh kơđeng pơm păng maih ngăl păng đei minh hlak pơnhan chhĕr kơpal sư, đei tơpơh tŏ pla ŭnh kơđeng, đei tơpơh tŏ đing kơ rim kơpal ŭnh kơđeng noh.

Jo 8:4

Đe pơm jơ̆ng ŭnh jrĕnh păng maih, iŏk đơ̆ng jơ̆ng truh tơ lu pơkao đei hơjơ̆m, thoi noh đe hơjơ̆m pơm kiơ̆ thoi Kră Yang mă pơma tơ'bôh kơ Môis rup.

Mathiơ 5:15

Bơ̆n tơ̆k ŭnh kơđeng wă kơ hơdah, bơ̆n ưh kơ iŏk reo klơ̆p lê̆ ôh. Bơ̆n iŏk ŭnh kơđeng noh tơ'băk tơ jrăng na hơdah jơ̆p kơ bơngai lăm hnam.

Philip 2:15

thoi noh đe anăn kon 'Bok Kei-Dei, adrin pơm 'lơ̆ng ling-lang, na huay kơ đei tơdrong yoch, mă khan iĕm oei tŏk-bŏk lu bơngai kơnê̆, lu bơngai hơlĕnh pơdăr, lu bơngai dang lĕ kơ oei lăm măng mu na lu sư gơh pơm dôm tơdrong 'noh. Gah iĕm hlôh wao tôm tơdrong boih, thoi lĕ kơ hơdah ŭnh, na iĕm athei pơchrang ăn tơdrong hơdah iĕm kơ lu sư kơplah oei tơ teh âu.

Hêbrơ 9:2

Hnam noh đe pơm păng tua-la-tăng đei 'bar tŏ lăm, rŏ dêh. Lăm mă mônh đe 'măn jơ̆ng kơđeng păng chơnang soi wă 'măn 'bĕng mi đơ̆ng đe pơyơ̆r kơ 'Bok Kei-Dei. Anih noh đe anăn anih giĕng soi.

Tơdrông Tơ'bôh 1:12

Na inh hue lăng tơ rŏng wă kơ băt bu pơma kơ inh noh hei. Lăp inh hue lăng inh 'bôh tơpơh tŏ jơ̆ng kơđeng maih.