Le 37:16 - Sơ̆p Hlabơar Nơ̆r 'Bok Kei-Dei

¹⁶ Sư pơm tơmam yua tơ kơpal gơ'bang; pơnhan chhĕr, kơthao mong pơgang, 'bâu phu, klĭnh bô̆i, kơchŏk 'măn yua tuh tơmam pơyơ̆r huch sa, pơm lu sư păng maih rơgoh.

Le 37:16 ပူးပေါင်းရင်းမြစ်များ

I Pot 7:50

Dôm lu pơnhan, săng, kăt brai ŭnh kơđeng, kơthao, grang tơmam mă mong tơnuh păng grang mong ngar sư pơm păng maih, dôm lu gơwŏk 'măng, sư pơm kơ lu 'măng lăm anih Rơgoh Hloh, hăm 'măng Hnam akŭm, sư kư̆m pơm hăm maih ngăl.

II Pot 12:13

Mă-lei, đe ưh kơ yua jên mă pơyơ̆r ăn kơ Hnam akŭm kơkuh kơ Kră Yang noh na răt tơmam yua lăm hnam akŭm thoi pơnhan hu, kơthao dah săng kăt brai ŭnh kơđeng, tơgiĕp, dah tơmam nai, pơm hăm maih dah hăm hu tah yua lăm hnam akŭm,

Le 25:29

Ih kư̆m athei iŏk maih rơgoh pơm pơnhan chhĕr, pơnhan, klĭnh păng kơchŏk wă yua tuh tơmam pơyơ̆r huch sa.

Le 37:15

Sư pơm 'long ting tung păng 'long keo hăm lom sư păng maih, wă kơ ting-tung gơ'bang noh.

Le 37:17

Sư pơm jơ̆ng ŭnh kơđeng hăm maih rơgoh; jơ̆ng sư, akâu sư, gĕl sư, rơnôp, pơkao sư pơm hăm maih rơgoh păng klep băl hơbôl.

Jo 7:13

Tơmam sư pơyơ̆r noh minh hlak chhĕr hu trăp sư minh-hrĕng pêng-jĭt seikơl, minh hlak pơnhan hu trăp sư tơpơh-jĭt seikơl, kiơ̆ kơ seikơl lăm anih rơgoh; pơđĭ kơ 'bar hlak noh dan 'bĕnh kơ tơpŭng bơlŭ hăm đak rơmă ôliwơ, wă pơm tơmam soi pơyơ̆r phe 'ba;

II Tim 2:20

Pơtih gia lăm hnam bơngai mơdrŏng tih đei tôm khŭl pơnhan chhĕr, mơ'nah đe pơm păng maih, mơ'nah pơm păng hu, mơ'nah păng 'long, mơ'nah păng teh. Mơ'nah đe yua chhŏ sa rim năr, mơ'nah đe yua 'bơ̆t sŏng sa tih đĕch.