Le 36:1 - Sơ̆p Hlabơar Nơ̆r 'Bok Kei-Dei

¹ Bêsalel, Ôhôliap hăm đĭ-đăng bơngai mă Kră Yang ăn boih tơdrong tơchĕng đei đon hlôh wao gơh hơgei kơ pơm tôm tơdrong jang lăm anih rơgoh 'lơ̆ng, lu sư bơ̆jang dôm tơdrong kiơ̆ thoi Kră Yang đei pơkă khan boih:

Le 36:1 ပူးပေါင်းရင်းမြစ်များ

I Pot 7:14

Hiram minh 'nu kon drŏ-nglo, mĕ sư bơngai drŏ-kăn adro đơ̆ng lăm adrĕch Neptali, 'bă sư sơ̆ đơ̆ng bơngai Tirơ, 'bă sư pơm bơ̆jang hling đak kong, Huram sư kư̆m minh 'nu bơngai gơh hơgei thoi 'bă sư sơ̆ bơ̆jang hling đak kong, sư năm truh tơ pơtao Sôlômôn, sư jang ăn kơ pơtao Sôlômôn.

I Ho 2:20

Hur pơjing Uri, Uri pơjing Bêsalel.

I Ho 28:21

Đei lu 'bok soi păng bơngai Lêwi, wă jang pơm hnam akŭm 'Bok Kei-Dei; đei lu sư gơh hơgei dôm tơdrong jang tơgŭm noh; lu 'bok pơgơ̆r păng đĭ-đăng kon pơlei, lu sư gô chu yom pơm kiơ̆ nơ̆r kon pơkă ngăl.”

Horiso 119:6

Inh ưh kơ đei mơlâu ôh. Kơplah inh lăng tơ lu nơ̆r Ih tơtă,

Le 12:28

Kon pơlei Isơrael pơm kiơ̆ thoi nơ̆r Kră Yang tơtă boih kơ Môis păng Arôn.

Le 25:8

Lu sư gô pơm ăn kơ Inh minh anih kơkuh rơgoh păng Inh gô oei tŏk-bŏk lu sư.

Le 28:3

Ih athei lu bơngai gơh tanh sĭt hơgei, bơngai mă Inh ăn kơ lu sư gơh hơgei kơ pơm, wă kơ lu sư sĭt ăn kơ Arôn ao, wă kơ sư hrŭk năr đe pôk sư jing 'bok soi, wă kơ sư bơ̆jang kơ Inh.

Le 31:11

Đak rơmă 'lơ̆ng rơgoh păng pơgang 'bâu phu 'lơ̆ng rơgoh 'măn lăm Anih Rơgoh. Lu sư gô pơm đĭ tôm tơdrong kiơ̆ thoi nơ̆r Inh đei pơkă ăn kơ ih.

Le 36:2

Môis krao Bêsalel, Ôhôliap păng lu bơngai gơh hơgei jang đei tơdrong tơchĕng mă Kră Yang ăn boih kơ lu sư mă đei jơhngơ̆m mơn pơdrŭt lu sư pơtơm năm bơ̆jang.

Le 38:23

Bơngai tơgŭm sư Ôhôliap kon drŏ-nglo Ahisamak, đơ̆ng adrĕch adrung Đan. Bơngai jang chrek, gơh chhơ̆ tơchĕng pơm dôm tơmam păng gơh tanh brai jơk 'brê gôh, 'brê hơhĭm păng brai se.

Le 39:1

Bêsalêel iŏk brai jơk 'brê gôh, 'brê hơhĭm. Lu sư tanh che hơbĕn ao 'lơ̆ng 'măn kơ yua lăm tơdrong jang lăm anih rơgoh 'lơ̆ng, lu sư pơm hơbĕn ao rơgoh 'lơ̆ng ăn kơ Arôn kiơ̆ thoi Kră Yang pơkă boih kơ Môis.

Jo 7:9

Mă-lei sư ưh kơ pơjao gre hăm rơmo dăm kơ kon sâu Kôhat, yua kơ lu sư jang wei-lăng păng tung tơmam rơgoh tơ kơpal hơngiĕng lu sư.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

Luka 1:6

Bre sư pơm 'lơ̆ng tơpăt kơ 'Bok Kei-Dei păng rok kiơ̆ dôm tơdrong juăt 'Bok Kei-Dei pơkă.

Hêbrơ 8:2

Sư jang tơ lăm hnam 'Bok Kei-Dei tơ plĕnh ti, tơ lăm anih mă 'Bok Kei-Dei oei hloi. Hnam noh 'Bok Kei-Dei pơjing 'lơ̆ng tơpă, 'lơ̆ng hloh kơ hnam 'Bok Kei-Dei mă kon bơngai pơm tơ teh âu.