Le 35:5 - Sơ̆p Hlabơar Nơ̆r 'Bok Kei-Dei

⁵ Iŏk bĕ tơmam đơ̆ng lăm hnam lu iĕm na pơyơ̆r kơ Kră Yang, bu đei jơhngơ̆m hơmrah, sư athei pơyơ̆r kơ Kră Yang maih, hu, kong;

Le 35:5 ပူးပေါင်းရင်းမြစ်များ

II Pot 12:4

Jôas khan kơ lu 'bok soi: “Dôm jên tơmam 'lơ̆ng rơgoh đe juăt kơ ba 'măn tơ Hnam Akŭm kơkuh kơ Kră Yang, mă jên thuê̆ đêl hơgăt kơ rim kơ̆l kon bơngai mă jên đơ̆ng rim 'nu đei pơyơ̆r lăm năr akŭm kiơ̆ kơ jơhngơ̆m hiôk,

II Ho 29:31

Hesekia khan: “Dang ei lu iĕm đei hơmet akâu kơdih rơgoh ăn kơ Kră Yang boih; lei na năm tơ âu, chĕp ba tơmam soi pơyơ̆r bơnê mơ̆t tơ lăm Hnam Kră Yang. Kon pơlei khŭl akŭm chĕp ba tơmam soi 'buh păng tơmam soi pơyơ̆r bơnê; lu bơngai đei jơhngơ̆m hiôk na chĕp ba năm pơyơ̆r lu tơmam soi 'buh noh.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Le 25:1

Kră Yang khan kơ Môis:

Le 35:21

Đĭ-đăng lu bơngai đei jơhngơ̆m pơdrŭt, hăm lu bơngai mă đei jơhngơ̆m 'maih wă, chĕp ba tơmam pơyơ̆r ăn kơ Kră Yang, wă yua lăm tơdrong jang pơm Bơsŭn Anih Akŭm kơkuh păng đĭ-đăng tơdrong jang kăl lăm noh, hăm pơm hơbĕn ao rơgoh 'lơ̆ng.

Le 35:29

Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Le 35:4

Môis khan kơ đĭ-đăng lu bơngai Isơrael, 'nâu dôm nơ̆r Kră Yang tơtă khan boih.

Le 35:6

brai jơk, 'brê gôh, 'brê hơhĭm, che 'bui brai se, sŏk bơbe,

II Kor 9:7

Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.

Lu 5:9

Jơhngơ̆m inh 'mêm kơ lu yŏng pơgơ̆r linh Isơrael, Lu sư pơyơ̆r akâu sư kơdih hăm jơhngơ̆m hiôk; tơgŭm teh đak, tơgŭm kon pơlei hơri ư-ang kơ Kră Yang!