Le 35:31 - Sơ̆p Hlabơar Nơ̆r 'Bok Kei-Dei

³¹ Kră Yang ăn kơ sư 'bĕnh blai boih yang bơhngol 'lơ̆ng Kră Yang 'Bok Kei-Dei, hăm tơdrong gơh hơgei, tơdrong hơdah, tơdrong hlôh wao, wă kơ gơh bơ̆jang pơm tôm tơdrong jang.

Le 35:31 ပူးပေါင်းရင်းမြစ်များ

I Pot 7:14

Hiram minh 'nu kon drŏ-nglo, mĕ sư bơngai drŏ-kăn adro đơ̆ng lăm adrĕch Neptali, 'bă sư sơ̆ đơ̆ng bơngai Tirơ, 'bă sư pơm bơ̆jang hling đak kong, Huram sư kư̆m minh 'nu bơngai gơh hơgei thoi 'bă sư sơ̆ bơ̆jang hling đak kong, sư năm truh tơ pơtao Sôlômôn, sư jang ăn kơ pơtao Sôlômôn.

II Ho 2:14

Mĕ sư đơ̆ng adrĕch Đan, 'bă sư bơngai đơ̆ng Pơlei Tirơ. Sư bơngai hơgei gơh hơjơ̆m hling hu, maih, kong, mam blah tơmo, traih 'long, gơh tanh brai 'brê hơhĭm, jơk 'brê gôh hăm che kok se, chhơ̆ chrek păng hơgei gơh pơm tôm, kiơ̆ kơ đe chă wơh athei sư pơm. Sư gô jang hơdai lu bơngai hơgei ih kư̆m thoi mă jang kơ 'bă ih 'bok Đawit yŏng inh.

Le 28:3

Ih athei lu bơngai gơh tanh sĭt hơgei, bơngai mă Inh ăn kơ lu sư gơh hơgei kơ pơm, wă kơ lu sư sĭt ăn kơ Arôn ao, wă kơ sư hrŭk năr đe pôk sư jing 'bok soi, wă kơ sư bơ̆jang kơ Inh.

Le 31:3

Inh ăn bơih kơ sư 'bĕnh kơ Yang Bơhngol 'Lơ̆ng 'Bok Kei-Dei, hăm tơdrong hơgei, hlôh wao băt đei đon tơchĕng, wă kơ jang tanh sĭt, hling maih.

Le 35:30

Môis khan kơ kon pơlei pơla Isơrael: Ăn kơ lu iĕm băt Kră Yang krao boih anăn Bêsalel kon drŏ-nglo Uri, Sâu Hur, đơ̆ng adrĕch adrung Juđa,

Le 35:32

Wă kơ gơh tuh hling pơm tơmam, hăm maih, hu, klaih kơ noh hăm kong,

Le 35:35

Kră Yang sư ăn kơ 'bar 'nu bre noh 'bĕnh blai tơdrong gơh hơgei, jang tôm tơdrong gơh sĭt, gơh reng gơh tanh brai jơk, 'brê gôh, 'brê hơhĭm, che 'bui brai se; păng pơm lơ tơdrong chă đon hơgei dôm tơdrong jang.

Êsai 28:26

Noh Kră Yang 'Bok Kei-Dei bơtho kơ sư păng pơhrăm ăn kơ sư pơm trŏ.

Kôlôsê 2:3

Yua kơ bơ̆n lui kơ Yêsu Krist, na Yêsu Krist tơbăt ăn kơ bơ̆n tôm tơdrong noh mă tam mă tơbăt kơ đe đơ̆ng sơ̆.

Ya 1:17

Yua kơ tơdrong hiôk tơdrong 'lơ̆ng ưh kơ lĕch đơ̆ng nai ôh, tă lĕch đơ̆ng 'Bok Kei-Dei ngăl. Sư boih pơjing ăn kơ bơ̆n tôm tơdrong hơdah, thoi kơ măt 'năr, măt khei, lu sơnglŏng. Sư pơchrang hơdah kơ bơ̆n ling-lang ưh kơ tơplih kiơ phara ôh.