Le 35:29 - Sơ̆p Hlabơar Nơ̆r 'Bok Kei-Dei

²⁹ Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Le 35:29 ပူးပေါင်းရင်းမြစ်များ

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

I Ho 29:17

Ơ Kră Yang 'Bok Kei-Dei inh, inh băt kơ Ih 'bôh nhen lăm jơhngơ̆m klơm klak kon bơngai păng Ih hiôk gah tơdrong 'lơ̆ng tơpăt. Gah inh kư̆m kiơ̆ tơdrong 'lơ̆ng tơpăt lăm jơhngơ̆m hiôk pơyơ̆r ăn kơ ih lu tơmam 'nâu. Dang ei inh hiôk dêh inh 'bôh kon pơlei Ih oei tơ âu kư̆m đei pơyơ̆r ăn kơ Ih hăm jơhngơ̆m hiôk.

I Ho 29:3

Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

I Ho 29:6

Thoi noh lu bơngai pơgơ̆r lăm adrĕch adrung, lu bơngai pơgơ̆r lăm adrĕch adrung Isơrael, lu yŏng pơgơ̆r minh-rơbâu linh păng minh-hrĕng linh, lu bơngai pơgơ̆r lăm tơdrong jang hnam pơtao lăp đon kơ pơyơ̆r.

II Ho 35:8

Lu yŏng pơgơ̆r kư̆m đei jơhngơ̆m wă asong kon sem pơm tơmam soi pơyơ̆r ăn kơ kon pơlei, ăn kơ lu 'bok soi păng lu bơngai Lêwi. Hilkia, Sachari păng Jêhiêl lu kră wei-lăng Hnam Kră Yang 'Bok Kei-Dei ăn kơ lu 'bok soi 'bar-rơbâu tơdrâu-hrĕng tŏ triu bơbe pơm tơmam soi Năm Brih păng pêng-hrĕng tŏ rơmo wă sa lăm năr giĕng Năm Brih.

Esơra 3:5

Đơ̆ng rŏng kơ noh, lu sư soi pơyơ̆r lu tơmam soi 'buh ling-lang, pơyơ̆r lu tơmam soi 'bơ̆t khei tơ'bang păng pơyơ̆r tơmam soi lăm lu năr giĕng tih 'măn năr 'lơ̆ng rơgoh kơ Kră Yang; kư̆m pơyơ̆r lu tơmam soi kiơ̆ kơ rim 'nu đei pơyơ̆r kơ Kră Yang.

Esơra 8:28

Na inh khan kơ lu sư thoi âu: Lu iĕm jơ̆ bơngai 'lơ̆ng rơgoh Kră Yang păng lu tơmam yua lăm hnam Kră Yang 'Bok Kei-Dei noh kư̆m 'lơ̆ng rơgoh mơ̆n. Hu păng maih âu jơ̆ tơmam soi pơyơ̆r lăp đon Kră Yang Kră Yang 'Bok Kei-Dei 'bok lu iĕm.

Le 35:4

Môis khan kơ đĭ-đăng lu bơngai Isơrael, 'nâu dôm nơ̆r Kră Yang tơtă khan boih.

Le 35:5

Iŏk bĕ tơmam đơ̆ng lăm hnam lu iĕm na pơyơ̆r kơ Kră Yang, bu đei jơhngơ̆m hơmrah, sư athei pơyơ̆r kơ Kră Yang maih, hu, kong;

Le 36:3

Lu sư iŏk đơ̆ng Môis dôm tơmam pơyơ̆r đơ̆ng kon pơlei pơla Isơrael ba ăn wă yua pơm Bơsŭn Anih Akŭm rơgoh 'lơ̆ng. Rim pơgê đei bơngai năm ba tơ Môis tơmam pơyơ̆r kiơ̆ thoi tơdrong kăl yua.

Êsai 8:20

Kiơ̆ kơ khôi juăt păng nơ̆r tơbăt âu! Tơdah kon pơlei ưh kơ pơma thoi noh lei lu sư ưh kơ đei tơdrong hơdah ôh.

Mathiơ 28:20

Bơtho kơ lu sư pơm kiơ̆ tôm tơdrong Inh đei pơkă kơ lu iĕm. Inh oei hơdai hăm lu iĕm ling-lang truh năr tôch ning-mônh.”

I Kor 3:5

Thoi noh iĕm tơchĕng Apôlê 'noh bu, sư bơngai thoi yơ? Păng bĭ Pôl, iĕm ngêh kơ bu, sư bơngai thoi yơ? Nhi bơngai đĭch đam 'Bok Kei-Dei đĕch. Nhi jang tơgŭm iĕm, wă kơ iĕm lui kơ Sư. Sư ăn kơ nhi jang thoi yơ, nhi jang thoi ei.

I Kor 9:17

Dah inh jang bơtho đe yua kơ inh wă kơdih đĕch, lei inh gơh iŏk jên đe apah. Mă-lei inh ưh kơ gơh iŏk, yua kơ Kră Yang wơh inh jang, na inh athei jang ăn kơ Sư đĕch.

II Kor 9:7

Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.

Galati 6:16

Inh apinh 'Bok Kei-Dei mơnat ăn kơ dôm lu bơngai lui kiơ̆ tơdrong noh, lu sư boih kon 'Bok Kei-Dei tơpă, lu sư boih đe anăn bơngai Isơrael. Inh apinh 'Bok Kei-Dei ăn kơ lu sư hiôk-hian.

Both 11:32

lu iĕm athei pơkă tơpă pơm kiơ̆ đĭ dôm tơdrong juăt păng nơ̆r tơtă mă inh đei bơtho tơ'bôh kơ lu iĕm năr 'nâu.

Both 12:32

Lu iĕm athei kơchăng; pơm kiơ̆ mă trŏ thoi noh 'nĕ kơ hŭt dah pơthim kiơ.

Both 4:2

Lu iĕm 'nĕ kơ thim kiơ păng kư̆m 'nĕ kơ hŭt lê̆ kiơ dôm nơ̆r inh wă khan kơ iĕm, mă-lei athei wei răk dôm nơ̆r tơtă đơ̆ng Kră Yang 'Bok Kei-Dei lu iĕm, nơ̆r tơtă mă inh wă bơtho kơ lu iĕm.

II Pet 1:19

Mă ưh kơ sĭ kơtơ̆ng kơdrô̆ tơdrong 'noh đĕch ôh, bơ̆n kư̆m kơtơ̆ng dôm tơdrong lu bơngai pơtruh nơ̆r 'Bok Kei-Dei khan lê̆ hơdrol sơ̆ mơ̆n. Sư kư̆m roi gah tơdrong 'Bok Krist mơsêh mơyang wă pơgơ̆r ning-mônh, na dang ei bơ̆n băt nhên tơpă boih. Iĕm athei 'blŏk hơdơ̆r kơ tơdrong lu sư khan lê̆ hơdrol noh ling-lang, yua kơ tơdrong noh thoi lĕ kơ ŭnh pơchrang hơdah prăt măng truh tơ pơgê, na sơnglŏng wŏng-tar tơ pơgê gô pơchrang lăm jơhngơ̆m đon iĕm.

Lu 5:2

Kơplah lu 'bok pơgơ̆r wei-lăng lăm bơngai Isơrael, Păng kơplah kon pơlei pơla pơyơ̆r akâu lu sư hăm jơhngơ̆m hiôk! Kơkuh hơri ư-ang Kră Yang.

Lu 5:9

Jơhngơ̆m inh 'mêm kơ lu yŏng pơgơ̆r linh Isơrael, Lu sư pơyơ̆r akâu sư kơdih hăm jơhngơ̆m hiôk; tơgŭm teh đak, tơgŭm kon pơlei hơri ư-ang kơ Kră Yang!