Le 35:25 - Sơ̆p Hlabơar Nơ̆r 'Bok Kei-Dei

²⁵ Lu bơngai drŏ-kăn gơh dui tơroi, na chĕp ba pơyơ̆r brai đêl lu sư dui noh brai jơk 'brê gôh, 'brê hơhĭm, hăm che 'bui brai se.

Le 35:25 ပူးပေါင်းရင်းမြစ်များ

II Pot 23:7

Sư kư̆m yuih hŭt teh pơchah lê̆ anih drŏ-nglo ngôi pơm kư̆ kă lăm Hnam akŭm kơkuh kơ Kră Yang, tơ anih noh lu drŏ-kăn tanh che ăn kơ yang Asêra.

I Ho 28:21

Đei lu 'bok soi păng bơngai Lêwi, wă jang pơm hnam akŭm 'Bok Kei-Dei; đei lu sư gơh hơgei dôm tơdrong jang tơgŭm noh; lu 'bok pơgơ̆r păng đĭ-đăng kon pơlei, lu sư gô chu yom pơm kiơ̆ nơ̆r kon pơkă ngăl.”

Le 28:3

Ih athei lu bơngai gơh tanh sĭt hơgei, bơngai mă Inh ăn kơ lu sư gơh hơgei kơ pơm, wă kơ lu sư sĭt ăn kơ Arôn ao, wă kơ sư hrŭk năr đe pôk sư jing 'bok soi, wă kơ sư bơ̆jang kơ Inh.

Le 31:6

Inh kư̆m krao Ôhôliap kon drŏ-nglo Ahisamak, đơ̆ng adrĕch adrung Đan jing bơngai tơgŭm sư. Inh kư̆m ăn bơih đei đon tơchĕng wă kơ gơh hơgei jang lăm tôm tơdrong jang. Inh kư̆m krao bơngai plơ̆ng wă kơ lu sư gơh pơm đĭ-đăng tơdrong jang mă inh đei pơkă khan kơ ih.

Le 35:24

Bơngai bu đei tơmam pơm păng hu dah păng kong kư̆m chĕp ba pơyơ̆r kơ Kră Yang mơ̆n păng dah bơngai bu đei 'long keo (sitim) pơyơ̆r wă yua lăm tơdrong jang kư̆m pơyơ̆r mơ̆n.

Le 35:26

Na lu drŏ-kăn mơ'nah lăm jơhngơ̆m đei pơdrŭt păng hơgei lu sư dui tơroi hăm sŏk bơbe kư̆m pơyơ̆r mơ̆n.

Le 36:1

Bêsalel, Ôhôliap hăm đĭ-đăng bơngai mă Kră Yang ăn boih tơdrong tơchĕng đei đon hlôh wao gơh hơgei kơ pơm tôm tơdrong jang lăm anih rơgoh 'lơ̆ng, lu sư bơ̆jang dôm tơdrong kiơ̆ thoi Kră Yang đei pơkă khan boih:

Tơdrông Pơđơk 14:1

Bơngai drŏ-kăn gơh hơgei đei pơm pơjing hnam sư. Mă-lei bơngai drŏ-kăn kơwao hrăn kuăr ti noh yuih lê̆ hnam sư.

Jang 9:39

Na Pêtrôs năm kiơ̆ hloi bre sư tơ Pơlei Japa. Lăp sư truh tơ hnam boih, đe năm ba sư tŏk lăng tơ hnam kơpal ei. Lu yă adro tơ'bôh kơ Pêtrôs ao yă Đêka đêl sĭt boih, wă kơ Pêtrôs băt kơ yă Đêka sư oei arih sư gơh tơgŭm đe. Lu yă adro hơdai nhơ̆m hmoi ơh mơ̆n.

Rom 16:12

Păng inh kư̆m wă jet gia lăng bre duch Triphen păng duch Triphô, bre sư kư̆m hơdai jang tơdrong Kră Yang Yêsu Krist. Păng inh wă jet gia duch Phersi, inh băt sư jang tơdrong Kră Yang Yêsu Krist gleh dêh na bơ̆n 'mêm kơ sư tơpă.

Rom 16:6

Inh kư̆m đei nơ̆r wă jet gia duch Mari, sư jang tơgŭm iĕm gleh tơpă.

Galati 3:28

Kră Yang Yêsu Krist đih sơng glơng iŏk đĭ-đăng bơngai lui kơ Sư, ưh kơ đei achăng lê̆ bu bu ôh, mă khan bơngai Juđê, bơngai tơmoi nai, mă bơngai đĭch đe, mă bơngai rơngei, bơngai drŏ-nglo dah drŏ-kăn, đĭ-đăng kơ bơ̆n pôm đon dih băl păng pôm đon hăm Yêsu Krist.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.