Le 35:21 - Sơ̆p Hlabơar Nơ̆r 'Bok Kei-Dei

²¹ Đĭ-đăng lu bơngai đei jơhngơ̆m pơdrŭt, hăm lu bơngai mă đei jơhngơ̆m 'maih wă, chĕp ba tơmam pơyơ̆r ăn kơ Kră Yang, wă yua lăm tơdrong jang pơm Bơsŭn Anih Akŭm kơkuh păng đĭ-đăng tơdrong jang kăl lăm noh, hăm pơm hơbĕn ao rơgoh 'lơ̆ng.

Le 35:21 ပူးပေါင်းရင်းမြစ်များ

II Sam 7:27

Kơkuh kơ Ih, ơ Kră Yang Tih Hloh jơ̆ Kră Yang 'Bok Kei-Dei bơngai Isơrael, kơdih Ih 'mơ̆i đei tơ'bôh tơbăt nơ̆r 'nâu hăm đĭch đam Ih khan, Ih gô pơjing pơdơ̆ng hnam đĭch đam Ih kơjăp, na mă đĭch đam Ih âu jing pơ̆n pơyơ̆r kơ Ih dôm nơ̆r apinh 'nâu.

I Ho 28:2

Pơtao Đawit iung pơma khan: “Ơ lu 'nhŏng oh păng kon pơlei inh, mơ̆ng bĕ inh! Inh đei đon tơchĕng pơm minh pôm hnam Hom Pơgơ̆p Kră Yang, anih Kră Yang 'Bok Kei-Dei sư dan jơ̆ng, inh chă đon hơmet lê̆ tơmam tôm boih wă pơm.

I Ho 28:9

Bĕ ih, ơ! Sôlômôn, kon drŏ-nglo inh, athei băt kơ Sư Kră Yang 'Bok Kei-Dei inh 'bă ih, athei đĭ jơhngơ̆m đĭ bơhngol bơ̆jang kơ Kră Yang yua kơ Kră Yang băt hlôh 'bôh nhen lăm jơhngơ̆m klơm klak, păng băt dôm đon tơchĕng. Tơdah ih chă Kră Yang, kon gô tơ'bơ̆p; mă-lei tơdah ih achăng lê̆ Kră Yang, sĭt Kră Yang gô achăng lê̆ ih ling-lang.

I Ho 29:14

Mă-lei inh bu, păng kon pơlei inh kiơ, na mă gơh đei jơhngơ̆m pơyơ̆r thoi noh? Đĭ-đăng dôm tơmam tă kơ đơ̆ng Ih ăn ngăl păng dôm tơmam mă lu nhôn pơyơ̆r ăn kơ Ih noh tă kơ lĕch đơ̆ng ti Ih ngăl.

I Ho 29:3

Yua kơ đei jơhngơ̆m 'mêm kơ hnam Kră Yang 'Bok Kei-Dei bơ̆n, na 'nguaih kơ dôm tơmam inh ăn wă pơm hnam 'lơ̆ng rơgoh, inh kư̆m pơyơ̆r ăn kơ pơm hnam Kră Yang 'Bok Kei-Dei inh lu tơmam maih hu đơ̆ng hnam tah tơmam inh kơdih.

I Ho 29:8

Bơngai bu đei tơmo gĭt, lei pơjao ăn kơ Jêhiêl adrĕch Gersôn, mă pơgơ̆r lăm hnam tah tơmam Kră Yang.

I Ho 29:9

Kon pơlei chơt hiôk gah tơdrong lu sư kơdih akâu đei pơyơ̆r, lu sư đĭ jơhngơ̆m pơyơ̆r kơ Kră Yang; păng pơtao Đawit kư̆m chơt hiôk dêh.

Esơra 2:68

Đei lu kră kơdră lăm adrĕch adrung kơplah lu sư năm truh boih tơ hnam akŭm Kră Yang tơ pơlei Jêrusalem, na pơyơ̆r tơmam lu sư đei păng lăp đon lăm hnam Kră Yang 'Bok Kei-Dei, wă pơdơ̆ng pơm ming 'bơ̆t anih so.

Esơra 7:27

Na Esơra khan thoi âu: Trŏ bơnê ư-ang dêh tơpă kơ Kră Yang Kră Yang 'Bok Kei-Dei lu 'bok yă bơ̆n, đei hơmet jơhngơ̆m pơtao wă hơmet pơrŏ ming hnam akŭm Kră Yang tơ pơlei Jêrusalem.

Horiso 110:3

Lu kon pơlei pơgơ̆r lu sư kơdih năm. Năm năr Ih năm tơblah, pơdah tơdrong mơsêh Ih, Nhen thoi đak ngom pơgê hrôih. Lu bơngai hơmuh hơmŏng pơguăng ao rơgoh năm tơ Ih.

Le 25:2

Athei khan kơ bơngai Isơrael pơyơ̆r tơmam ăn kơ Inh; ih athei iŏk tơmam đơ̆ng bơngai bu đei jơhngơ̆m hiôk pơyơ̆r ăn kơ Inh noh.

Le 35:20

Đĭ-đăng tơpôl kon pơlei pơla Isơrael đang kơ akŭm lĕch wih.

Le 35:22

Thoi noh mă lu drŏ-nglo mă lu drŏ-kăn năm mơ̆n, đĭ-đăng bơngai bu bu đei jơhngơ̆m 'maih wă chĕp ba le đon, tơkhiĕn, kong 'bot, hăm dôm lu tơmam pơhrôp păng maih, đĭ-đăng lu sư pơyơ̆r maih kơ Kră Yang.

Le 35:26

Na lu drŏ-kăn mơ'nah lăm jơhngơ̆m đei pơdrŭt păng hơgei lu sư dui tơroi hăm sŏk bơbe kư̆m pơyơ̆r mơ̆n.

Le 35:29

Đĭ-đăng lu drŏ-nglo drŏ-kăn lăm kon pơlei pơla Isơrael. Đei jơhngơ̆m pơdrŭt wă tơgŭm tơdrong jang Kră Yang pơkă kơ Môis noh, lu sư chĕp ba tơmam pơyơ̆r kơ Kră Yang kiơ̆ thoi lu sư wă kơdih.

Le 35:5

Iŏk bĕ tơmam đơ̆ng lăm hnam lu iĕm na pơyơ̆r kơ Kră Yang, bu đei jơhngơ̆m hơmrah, sư athei pơyơ̆r kơ Kră Yang maih, hu, kong;

Le 36:2

Môis krao Bêsalel, Ôhôliap păng lu bơngai gơh hơgei jang đei tơdrong tơchĕng mă Kră Yang ăn boih kơ lu sư mă đei jơhngơ̆m mơn pơdrŭt lu sư pơtơm năm bơ̆jang.

Tơdrông Pơđơk 4:23

Kơchăng bĕ ling-lang wă kơ wei-lăng jơhngơ̆m ih, Yua kơ tơdrong arih tơm lĕch đơ̆ng noh.

Je 30:21

Lu sư gô đei pơtao lĕch đơ̆ng adrĕch adrung lu sư, Kră pơgơ̆r lu sư kư̆m đei đơ̆ng lăm lu sư. Inh gô krao sư năm jê̆ Inh, wă kơ sư năm jê̆ Inh; yua kơ ưh kơ đei bơngai bu nuih pơ̆n năm jê̆ Inh.” Noh Kră Yang khan.

Mathiơ 12:34

Iĕm âu bơngai dang 'bih, iĕm ưh kơ layơ wă pơma 'lơ̆ng 'biơ̆ tŏ sĕt, yua kơ iĕm bơngai kơnê̆ dêh. Lăm to iĕm tơchĕng thoi yơ, 'bơ̆r iĕm pơma kiơ̆ thoi noh mơ̆n.

II Kor 8:12

Mă tơ̆ng iĕm 'maih ra jên hơdai bôl ră, mă iĕm ưh kơ đei, noh huay ôh, 'Bok Kei-Dei kư̆m hiôk mơ̆n.

II Kor 9:7

Rim 'nu athei ăn kiơ̆ kơ đon sư 'maih kơdih, ăn athei ăn kiơ̆ kơ jơhngơ̆m mă hiôk, 'nĕ kơ ăn thoi đe pơgŏ, yua kơ 'Bok Kei-Dei 'mêm kơ lu bơngai mă ăn hiôk kơ jơhngơ̆m.

Lu 5:12

Ơ Đêbôra, Hơđơ̆r bĕ, hơđơ̆r bĕ! Hơđơ̆r bĕ, hơđơ̆r bĕ, hơri bĕ minh bai hơri! Ơ Barak, iung bĕ! Chông ba lu bơnă ih, Ơ kon drŏ-nglo Abinôam,

Lu 5:3

Ơ lu pơtao, mơ̆ng bĕ! Ơ lu 'bok pơgơ̆r, pơđêng bĕ đon! Inh gô hơri ăn kơ Kră Yang, minh bai. Inh gô hơri bơnê kơ Kră Yang, 'Bok Kei-Dei Isơrael.

Lu 5:9

Jơhngơ̆m inh 'mêm kơ lu yŏng pơgơ̆r linh Isơrael, Lu sư pơyơ̆r akâu sư kơdih hăm jơhngơ̆m hiôk; tơgŭm teh đak, tơgŭm kon pơlei hơri ư-ang kơ Kră Yang!