Le 34:6 - Sơ̆p Hlabơar Nơ̆r 'Bok Kei-Dei

⁶ Kră Yang năm brih 'bơ̆t anăp Môis păng khan: Inh bơih Kră Yang, Kră Yang 'Bok Kei-Dei 'bĕnh tơdrong 'mêm mơnat, iơ̆m dim 'mêm kơeng hiơ̆ kơ hil, pơm trŏ 'blep đêl Sư pơkă hăm tơdrong sĭt.

Le 34:6 ပူးပေါင်းရင်းမြစ်များ

Bl 24:27

Păng khan: “Trŏ kơkuh bơnê tơpă kơ Kră Yang, Kră Yang 'Bok Kei-Dei yŏng tơ'ngla inh Abraham! Sư ưh kơ lê̆ tơdrong mơnat păng pơkă tơpăt hăm yŏng tơ'ngla inh! Kơplah inh oei yak, Kră Yang chông ba inh truh tơ hnam 'nhŏng oh yŏng tơ'ngla inh.”

II Sam 24:14

Pơtao Đawit khan kơ Gat bơngai khan lê̆ adrol: “Inh hơwơ̆l hơwang dêh, inh anat kơ wă rơih. Kơtrơ̆m lu bơ̆n jah huŏng lăm tơpang ti Kră Yang đĕch 'lơ̆ng hloh, yua kơ Sư đei tơdrong 'mêm mơnat tih dêh! Apinh Ih 'nĕ ăn kơ inh huŏng lăm ti kon bơngai!

I Pot 19:11

Kră Yang khan: “Lĕch bĕ păng dơ̆ng 'bơ̆t anăp Kră Yang tơ kơpal kông, yua kơ Kră Yang wă năm trong 'noh.” Đei hloi kial tih tơthu kơtang 'bơ̆t anăp Kră Yang, kial tơthu pơm kơ kông 'noh đah lang păng lu tơmo pơchah đĭ, mă-lei Kră Yang ưh kơ đei lăm kial 'noh. Đơ̆ng rŏng kơ kial hơbŭt 'noh đei teh tơdrŏ, mă-lei Kră Yang kư̆m ưh kơ đei lăm teh tơdrŏ.

I Pot 8:30

Mơ̆ng bĕ tơdrong kiơ mă lu đĭch đam Ih păng kon pơlei Ih krao khan tơ anih 'nâu, apinh Ih mơ̆ng bĕ đơ̆ng anih Ih oei đơ̆ng plĕnh ti; apinh Ih mơ̆ng mă nhen păng mơnat ăn.

II Ho 30:9

Tơdah lu iĕm wih brŏk tơ Kră Yang na 'nhŏng oh păng lu kon sâu iĕm gô đei mơnat 'bơ̆t anăp lu bơngai mă rôp lu sư pơm bơnă, lei na gô tơwih lu Sư brŏk tơ dêh char 'nâu, yua kơ Kră Yang 'Bok Kei-Dei lu iĕm Tơ'ngla găt băt 'mêm mơnat, huay pă tơwih rŏng kơ iĕm tơdah lu iĕm wih brŏk tơ Sư.”

Ne 9:17

Lu sư ưh kơ chu kiơ̆ păng ưh kơ 'blŏk dôm tơdrong mơsêh mơyang Ih đei pơm boih tŏk-bŏk lu sư; mă-lei lu sư arăng kơ̆l, lăm tơdrong lu sư pơm kơchu rơih chă minh 'nu bơngai pơm yŏng wă chông hơlơ̆k brŏk tơ dêh char Êyiptơ dơ̆ng mă đêl lu sư pơm đĭch. Mă-lei Ih boih Kră Yang 'Bok Kei-Dei huay kơ jô̆ yo băt kơ 'mêm mơnat, hiơ̆ kơ hil păng 'bĕnh hăm tơdrong 'mêm mơnat, Ih ưh kơ achăng lê̆ lu sư ôh.

Horiso 108:4

Yua kơ tơdrong 'mêm tih Ih kơjung hloh kơ plĕnh, Tơdrong 'lơ̆ng tơpăt Ih truh tơ hơmơ̆l.

Horiso 111:4

Sư tơ'blŏk tơdrong jang hlĭch chrơp Sư đei pơm boih. Kră Yang 'mêm păng mơnat.

Horiso 111:8

Kơjăp ling-lang, wă pơm kiơ̆ lăm tơdrong sĭt tơpă păng tơpăt.

Horiso 112:4

Hơdah pơchrang tơ anih măng mu, kơ bơngai tơpăt. Bơngai 'lơ̆ng băt mơnat, đei jơhngơ̆m 'mêm mơnat păng 'lơ̆ng tơpăt.

Horiso 116:5

Kră Yang 'lơ̆ng tơpăt păng ăn tơdrong mơnat. Kră Yang 'Bok Kei-Dei lu bơ̆n đei jơhngơ̆m mơnat.

Horiso 138:2

Inh gô drap kơkuh 'bơ̆t anih rơgoh Ih. Bơnê kơ anăn Ih yua kơ tơdrong 'mêm păng tơdrong sĭt tơpăt Ih. Yua kơ Ih đei pơm ăn kơ anăn păng nơ̆r Ih đei pơyom tih hloh kơ đĭ-đăng,

Horiso 145:8

Kră Yang băt mơnat păng đei jơhngơ̆m 'mêm. Hiơ̆ kơ blĕk păng 'bĕnh kơ tơdrong 'mêm mơnat.

Horiso 146:6

Sư boih Tơ'ngla pơjing kơ plĕnh teh, đak dơsĭ păng đĭ-đăng tơmam arih lăm noh; Kră Yang wei jơhngơ̆m tơpăt ling-lang;

Horiso 31:19

Tơdrong 'lơ̆ng tơpăt Ih tih dêh, Mă ăn boih kơ lu bơngai hli yom kơ Ih păng ăn boih kơ lu bơngai năm kơ'nơp lăm Ih. 'Bơ̆t anăp lu kon bơngai.

Horiso 57:10

Yua kơ tơdrong 'mêm mơnat Ih truh tơ plĕnh. Tơdrong 'lơ̆ng tơpăt Ih kơjung truh tơ hơmơ̆l.

Horiso 86:15

Mă-lei, ơ Kră Yang! Ih boih Kră Yang 'Bok Kei-Dei mă 'mêm băt mơnat. Hiơ̆ kơ hil, 'bĕnh kơ tơdrong 'mêm păng tơdrong tơpăt sĭt.

Horiso 86:5

Ơ Kră Yang! Ih 'lơ̆ng tơpăt băt mơnat ăn. Ih 'bĕnh kơ 'mêm mơnat rơkah rơkai kơ đĭ-đăng lu bơngai mă krao chă Ih.

Horiso 91:4

Sư gô pĕng bơwei ih hăm sŏk pơnăr sư. Ih gô kơ'nơp tơ ala pơnăr sư. Tơdrong tơpăt Sư jing khêl păng kơđông kơjăp pĕng ih.

Le 20:5

Iĕm 'nĕ drap kơkuh 'bơ̆t anăp lu rup noh păng kư̆m 'nĕ kơ soi sơmah kơ lu sư, yua kơ Inh boih Kră Yang 'Bok Kei-Dei iĕm, Inh Kră Yang 'Bok Kei-Dei băt kơ gar, dah bơngai bu areh kơ Inh, Inh gô jô̆ yoch đơ̆ng sư na phak truh tơ kon sâu se sư pêng puăn jơhnơr,

Le 22:27

yua kơ sư đei ao lăp klơ̆p akâu đĕch; tơmam yă kiơ dơ̆ng sư wă tep, tơdah sư ôr krao Inh, Inh gô mơ̆ng nơ̆r sư yua kơ Inh boih Tơ'ngla mă 'mêm mơnat.

Le 33:19

Kră Yang khan: Inh gô pơdah tơdrong 'lơ̆ng Inh 'bơ̆t anăp ih, klaih kơ noh Inh gô roi anăn Inh Kră Yang 'bơ̆t anăp ih, Inh gô mơnat kơ bơngai bu mă Inh 'maih mơnat, hăm Inh gô pơm 'lơ̆ng kơ bơngai bu mă inh 'maih pơm 'lơ̆ng.

Tơdrông Pơđơk 3:3

'Nĕ kơ lê̆ ôh tơdrong 'mêm mơnat păng tơnăp, 'Băk sư tơ hơko ih, chih răk sư tơ lăm jơhngơ̆m ih.

Bôk Bơthô 8:11

Yua kơ lu bơngai mă pơm kơnê̆ ră, đe ưh kơ đei phak hloi, lei na jơhngơ̆m kon bơngai oei 'maih pơm kơnê̆ dêh.

Êsai 12:4

Păng lăm năr noh kơnh lu iĕm gô khan: “Hơri bơnê bĕ kơ Kră Yang; krao khan bĕ kơ Anăn Sư, năm ră roi bĕ dôm tơdrong jang Sư kơ rim adrĕch adrung bơngai, roi bĕ Anăn Kră Yang Sư bơih mă bơ̆n athei ư-ang.

Êsai 65:16

Thoi noh, bơngai bu oei lăm dêh char wă sơkat tơdrong pŭn hiôk sư gô krao apinh tơdrong pŭn hiôk hăm anăn Kră Yang 'Bok Kei-Dei tơpăt; Bơngai bu oei tơ kơpal teh wă pơkă pơkăm, athei pao anăn Kră Yang 'Bok Kei-Dei tơpăt na pơkă pơkăm; Yua kơ lu tơdrong pơmat-tat adrol sơ̆ hiơt đĭ bơih, măt Inh ưh pă tăng bơih.

Je 32:18

Ih tơ'bôh boih tơdrong Ih 'mêm rơbâu rơngan jơhnơr, mă-lei gô phak tơpŭ tơdrong yoch đơ̆ng 'bă kơ lu kon sâu sư đơ̆ng rŏng. Ih boih Kră Yang, 'Bok Kei-Dei, Tơ'ngla mơsêh mơyang tih, anăn Ih Kră Yang Tih Hloh.

Je 9:24

Mă-lei bơngai bu wă pơang, pơang bĕ kơ kơdih tơdrong 'nâu, pơang kơ tơdrong sư đei đon hơgei băt kơ Inh. Băt Inh boih Kră Yang, Tơ'ngla 'mêm mơnat ưh kơ tơplih, Tơ'ngla mă pơm tơdrong tơpăt, tơdrong trŏ lăm teh đak âu; na Inh hiôk lăm tơdrong noh,” noh Kră Yang khan.

Nhom 3:23

Rim pơgê jing 'nao plơ̆ng, tơdrong pơmat Sư tih tơpă.

Jôel 2:13

Hek bĕ jơhngơ̆m lu iĕm, 'nĕ kơ hek hơbĕn ao lu iĕm.” Wih brŏk bĕ tơ Kră Yang 'Bok Kei-Dei lu iĕm, yua kơ Sư iơ̆m dim, păng băt mơnat hiơ̆ kơ hil, păng 'bĕnh kơ tơdrong 'mêm mơnat, păng Sư băt tơplih huay pă pơrăm.

Jôna 4:2

Sư krao khan kơ Kră Yang thoi âu: Ơ Kră Yang, noh hăm trŏ inh đei băt boih kơplah inh oei lăm dêh char nhôn sơ̆? Yua kơ noh na inh hăt hot kơdâu klĕnh tơ pơlei Tarisi. Yua kơ inh băt boih Ih jơ̆ Kră Yang 'Bok Kei-Dei iơ̆m dim, băt mơnat, hiơ̆ kơ hil, 'bĕnh hăm tơdrong 'mêm mơnat, ưh kơ wă pơrăm.

Mi 7:18

Hăm đei bu jing 'Bok Kei-Dei thoi Ih, huay kơ jô̆ yo kơ tơdrong kơnê̆ đe păng huay kơ 'blŏk tơdrong glăi đơ̆ng kon pơlei mă oei oei lăm pơlei Ih, Ih huay kơ oei blĕk khŏm khŏm, yua kơ Ih iŏk tơdrong 'mêm mơnat na hiôk chơt.

Mi 7:20

Ih gô pơm 'long tơpăt tơ'bôh kơ Jakôp păng 'mêm mơnat kơ Abraham, noh boih mă tơdrong Ih đei pơkăm pơkă hăm lu 'bok yă lu nhôn đơ̆ng năr sơ̆ ki sơ̆ kach.

Na 1:3

Kră Yang hiơ̆ kơ hil păng đei mơsêh pran kơtang tih; mă-lei Sư kư̆m ưh kơ lê̆ phak lu bơngai pơm yoch. Kră Yang yak năm lăm kial phŭt păng hơbŭt hơbang, lu hơmơ̆l păng 'mui tơ ala jơ̆ng Sư.

Jo 12:8

Inh pơma dơnuh hăm sư 'bơ̆r păng 'bơ̆r, hơđăl hơdah, ưh kơ đei tơdrong pơpơn ôn ôh; păng sư 'bôh boih rup Kră Yang. Thoi noh, liơ lu iĕm ưh kơ hli pơ̆n pơma 'bơm kơ đĭch đam Inh Môis?

Yo 1:17

Môis ată kơ bơ̆n tơdrong juăt đơ̆ng nơ̆r 'Bok Kei-Dei, na Yêsu Krist pơklaih bơ̆n đơ̆ng tơdrong yoch păng tơbăt ăn kơ bơ̆n tơdrong 'Bok Kei-Dei tơpă.

Rom 2:4

'Bok Kei-Dei ưh kơ ăn kơ iĕm tơdrong gleh yua kơ iĕm ưh kơ đei tơdrong yoch hă? Ưh ôh. Sư ưh kơ ăn kơ iĕm tơdrong gleh yua kơ Sư wă kơ iĕm jah tơbral kơdih tơdrong yoch ră. Sư mơnat kơ iĕm tơpă na Sư ăn kơ iĕm oei hiôk khŏm khŏm. Mă-lei iĕm oei pơm yoch hơnơ̆ng đĕch ưh kơ đei tơbral ôh.

Both 32:3

Inh ư-ang anăn Kră Yang. Bĕ bơ̆n hơri ư-ang kơ Kră Yang 'Bok Kei-Dei Tơ'ngla mă tih hloh!

Both 4:31

Yua kơ Kră Yang 'Bok Kei-Dei iĕm jơ̆ Kră Yang 'Bok Kei-Dei băt mơnat ưh kơ achăng lê̆ păng ưh kơ pơrăm pơlôch iĕm ôh; kư̆m ưh kơ hiơt kơ tơdrong pơgơ̆p mă đơ̆ng Sư pơkă pơkăm boih hăm 'bok lu iĕm.

Both 5:10

Păng gô 'mêm kơ lu bơngai mă 'mêm kơ Inh păng wei răk dôm lu nơ̆r Inh tơtă truh kơ rơbâu jơhnơr.

Ya 5:11

Bơ̆n ư-ang tơpă 'bôh lu bơngai đei tơdrong gleh truh mă sư oei lui kơjăp, thoi lĕ kơ 'bok Jop sơ̆ sư đei tơdrong gleh pơmat kơ sư dang noh mă sư oei adrin lui khŏm khŏm. Na đơ̆ng rŏng bơ̆n 'bôh 'Bok Kei-Dei mơnat kơ sư, ăn kơ sư hiôk jơnap, na bơ̆n kư̆m băt kơ 'Bok Kei-Dei mơnat kơ bơ̆n thoi sư noh mơ̆n.