Le 34:29 - Sơ̆p Hlabơar Nơ̆r 'Bok Kei-Dei

²⁹ Kơplah Môis jur đơ̆ng kông Sinai ti sư chĕp ba 'bar hlak gơ'bang tơdrong pơgơ̆p, Môis ưh kơ băt ôh muh măt kơdih sư hơdah yua kơ đơ̆ng sư pơma dơnuh hăm Kră Yang.

Le 34:29 ပူးပေါင်းရင်းမြစ်များ

Le 16:15

Lăp kon pơlei Isơrael 'bôh tơmam noh, lu sư apinh dih băl: Kiơ 'noh? Yua kơ lu sư ưh kơ băt ôh tơmam 'noh yă kiơ. Môis khan kơ lu kon pơlei: “'Noh 'bĕng mă Kră Yang ăn kơ lu iĕm sa.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 32:15

Môis jur brŏk đơ̆ng kông chĕp ba 'bar tŏ gơ'bang tơdrong pơgơ̆p, 'bar tŏ gơ'bang pơgơ̆p noh đei chih 'bar pah.

Le 34:35

Lu kon pơlei pơla Isơrael lăng 'bôh muh măt Môis hơdah rang mơnhal na Môis klơ̆p dơ̆ng muh măt sư dĭng truh tơ sư mơ̆t pơma dơnuh hăm Kră Yang dơ̆ng.

Bôk Bơthô 8:1

Bu kiơ̆ tam lu bơngai hơgei? Bu gơh tơblang dôm tơdrong dôm tơmam? Tơdrong hơgei pơm kơ măt kon bơngai hơdah hơdong, đêl muh măt ưh kơ praih, tơplih jing praih.

Mathiơ 17:2

Na Yêsu tơwir akâu Sư kơdih 'bơ̆t anăp lu đe pêng 'nu noh, muh măt Sư, ao Sư, rang hơdah dang măt 'năr.

Markôs 14:40

Klaih kơ noh Sư wih, 'bôh lu sư oei tep lei-lăi yua kơ măt lu sư trăp ưh kơ kĕ kral. Na lu sư ưh pă gơh tơl Sư thoi yơ dơ̆ng.

Markôs 9:6

Pêtrôs sư pơma thoi noh yua kơ sư ưh pă gơh pơma thoi yơ boih kơlih kơ lu sư hli dêh.

Luka 2:49

Na Yêsu khan kơ mĕ 'bă Sư: “Biĕm chă kiơ kơ Inh jơ̆p-jang? Biĕm ưh kơ băt kơ Inh wă hăt kơ jang tơdrong 'Bă Inh âu dah kiơ?”

Luka 9:29

Kơplah Yêsu oei krao khan, muh măt Sư tơwir hloi păng ao Sư rang hơdah mơnhal.

Yo 5:13

Bơngai 'nao klaih kơ jĭ ei, sư ưh kơ băt anăn 'Bok mă pơklaih jĭ sư hei, kư̆m ưh pă 'bôh Sư tăm yua kơ đei bơngai tơpôl 'bơ̆t ei na Yêsu năm tơ nai boih.

Jang 12:9

Na Pêtrôs asu khăn sư, iung yak kiơ̆ linh jang 'lơ̆ng tơ 'ngoaih hloi. Mă-lei Pêtrôs khan nhen lĕ apo đĕch.

Jang 23:5

Pôl khan: “Ơ lu 'nhŏng oh, inh ưh kơ băt kơ sư 'bok soi tơm ôh. Inh băt mơ̆n sơ̆p hla bơar 'Bok Kei-Dei chih athei bơ̆n 'nĕ pơma hơwĕng kơ kră pơgơ̆r lu bơ̆n.”

Jang 6:15

Đĭ-đăng bơngai oei tơ hnam sek tơlang 'bloh pơchơ̆k kơ Êtien, 'bôh muh măt sư nhen lĕ muh măt linh jang 'lơ̆ng 'Bok Kei-Dei mơ̆n.

II Kor 3:13

Môis iŏk khăn kơlŭk lum kuă ăn lu bơngai Isơrael 'bôh muh măt sư rai đunh ưh pă rang hơdah. Nhôn dang ei ưh kơ pơm thoi noh ôh. Nhôn bơtho tơbăt tôm hloi.

Both 10:5

Inh jur wih đơ̆ng kông, tah lê̆ 'bar hlak tơmo lat noh tơ lăm hom mă đêl inh pơm păng lê̆ 'bar hlak tơmo lat tơ noh truh dang ei, kiơ̆ thoi Kră Yang pơkă kơ inh boih.

Jôsuê 2:4

Mă-lei Rahap năm chông ôn lê̆ bre 'bar 'nu bơngai drŏ-nglo noh păng khan: Tơpă đei bre sư truh tơ hnam inh, mă-lei inh ưh kơ băt ôh bre sư đơ̆ng yơ.

Jôsuê 8:14

Wă pơtao Ahi 'bôh tơdrong noh, lu sư hăt hot iung đơ̆ng hrôih, pơtao hăm kon pơlei sư sơng blah Isơrael, tơ anih tơmang 'bôh Araba. Mă-lei pơtao ưh kơ băt, đei minh khŭl linh răp tơ gah rŏng kơ pơlei,

Tơdrông Tơ'bôh 1:16

Tơpang ti Sư gah 'ma, Sư chĕp tơpơh tŏ sơnglŏng. Đei minh hlak đao han dêh, đao noh đei 'bar pah măt, lĕch đơ̆ng 'bơ̆r Sư pơma. Muh măt Sư rang hơdah dang măt 'năr pơchrang tŏk-bŏk 'năr dơ̆ng.

Tơdrông Tơ'bôh 10:1

Klaih kơ noh dơ̆ng inh 'bôh minh 'nu linh jang 'lơ̆ng nai, sư jur đơ̆ng plĕnh đei hơmơ̆l gom akâu sư thoi hrŭk ao, sư pran tih. Păng đei plĕnh chro wăr kơpal kơ̆l sư; muh măt sư lăng mơnhal dang măt 'năr, jơ̆ng sư 'bak đum thoi pla ŭnh.

Lu 16:20

Drŏ-kăn ei khan: Ơ Samsơn bơngai Philistin năm blah rôp ih. Sư iung khan: Inh gô lĕch klaih hlôi thoi brei mơsơ̆ păng inh gô klaih đơ̆ng ti lu sư. Mă-lei sư ưh kơ băt ôh Kră Yang lĕch jăk đơ̆ng sư boih.