Le 34:19 - Sơ̆p Hlabơar Nơ̆r 'Bok Kei-Dei

¹⁹ Đĭ-đăng kon drŏ-nglo kơdră jơ̆ gah Inh ngăl. Đĭ-đăng sem dơrong rơmo dah triu, tơno tuh blŭng-a kư̆m lei-lăi jơ̆ gah Inh mơ̆n,

Le 34:19 ပူးပေါင်းရင်းမြစ်များ

Ne 10:36

Pơm kiơ̆ tơdrong juăt, ba hloi kon drŏ-nglo kơdră păng kon sem dơrong tuh blŭng-a, triu dah rơmo tơ hnam akŭm 'Bok Kei-Dei lu nhôn, na pơjao ăn kơ lu 'bok soi wă kơ bơ̆jang lăm hnam akŭm 'Bok Kei-Dei lu nhôn.

Le 13:12

na ih athei pơyơ̆r ăn Kră Yang lu kon kơdră drŏ-nglo hăm lu kon tơno tuh blŭng-a lăm sem dơrong, yua kơ lu sư gô jing gah Kră Yang ngăl.

Le 13:2

Lăm kon pơlei Isơrael mă bơngai dah sem dơrong, athei pơyơ̆r 'măn lê̆ kơ Inh dôm kon kơdră yua kơ kon kơdră noh gah Inh.

Le 22:29

Ih 'nĕ kơ pơhiơ̆ pơyơ̆r kơ Inh dôm lu plei blŭng-a ih đơ̆ng mir chŭn păng sik hơmu ih, ih kư̆m athei pơyơ̆r ăn kơ Inh kon kơdră drŏ-nglo ih.

Êsêkiên 44:30

Lu plei 'long blŭng-a 'lơ̆ng hloh lăm tôm tơmam, lăm đĭ-đăng tơmam soi mă lu sư pơyơ̆r, noh gah lu 'bok soi ngăl. Lu iĕm kư̆m pơyơ̆r ăn kơ lu 'bok soi tơpŭng bơlah blŭng-a mă 'lơ̆ng hloh; wă kơ đei tơdrong pŭn hiôk pơdơh tơ hnam lu iĕm.

Luka 2:23

Bre sư pơm thoi noh wă kơ kiơ̆ thoi đe chih lăm tơdrong juăt Kră Yang thoi âu: “Rim kon gơgơ̆l, iĕm athei pơyơ̆r kơ Kră Yang ngăl.”