Le 34:18 - Sơ̆p Hlabơar Nơ̆r 'Bok Kei-Dei

¹⁸ Ih athei 'blŏk răk kơ năr giĕng sa 'bĕng ưh kơ đei hăm 'buih pông, iĕm athei sa 'bĕng ưh kơ đei hăm 'buih pông lăm tơpơh năr, thoi Inh đei pơkă ăn kơ ih boih yua kơ trŏ 'bơ̆t khei mônh 'noh iĕm lĕch đơ̆ng dêh Êyiptơ.

Le 34:18 ပူးပေါင်းရင်းမြစ်များ

Le 12:2

Khei 'nâu wă pơm khei blŭng-a kơ lu iĕm; wă khan khei mônh lăm sơnăm.

Le 12:42

Măng noh Kră Yang dui pơklaih kon pơlei Isơrael lĕch đơ̆ng dêh Êyiptơ; yua kơ thoi noh rim jơhnơr, đĭ-đăng kon pơlei Isơrael athei răk 'blŏk lăm măng noh, wă kơkuh pơyom kơ Kră Yang.

Le 13:3

Môis pơma hăm kon pơlei, iĕm athei 'blŏk hơdơ̆r kơ năr 'nâu, yua năr 'nâu năr Kră Yang yua ti mơsêh Sư pơklaih lu iĕm đơ̆ng dêh Êyiptơ, klaih đơ̆ng teh đak pơm đĭch đam; na 'nĕ sa 'bĕng đei 'buih pông.

Le 13:4

Năr 'nâu, trŏ khei mônh, lu iĕm lĕch.a

Le 23:14

Lăm rim sơnăm pêng wơ̆t pơm giĕng et sa kơkuh kơ Inh.

Le 23:15

Ih athei pơm giĕng et sa 'Bĕng ưh kơ đei 'Buih Pông, athei sa 'bĕng noh lăm tơpơh năr trŏ kơ lăm khei mônh thoi nơ̆r Inh đei pơma pơkă; Yua kơ lăm khei 'noh lu iĕm lĕch đơ̆ng char Êyiptơ ưh kơ đei bu năm 'bơ̆t anăp Inh hăm ti hoh đĕch.

Lêwi 23:6

Na truh năr mơjĭt-pơđăm khei noh đe pơm giĕng 'Bĕng Ưh Kơ Đei 'Buih Pông. Wă kơkuh pơyom kơ Kră Yang, na lu iĕm gô sa 'bĕng ưh kơ đei 'buih noh lăm tơpơh năr.

Jo 28:16

Năr mơjĭt-puăn khei mônh, athei pơm giĕng năm brih kơ Kră Yang.

Jo 28:17

Truh năr mơjĭt-pơđăm lăm khei noh jing năr giĕng; sa 'bĕng ưh kơ đei 'buih pông lăm tơpơh năr.

Markôs 14:1

'Bar năr hơdrol kơ Năr Giĕng Năm Brih păng giĕng sa 'Bĕng Mi Ưh Kơ Đei 'Buih Pông na lu 'bok soi tih hăm lu thây bơtho tơdrong juăt đe Juđê, lu sư pơđâu chă tơdrong gơh rôp tơtông Yêsu na pơlôch.

Luka 22:1

Wă jê̆ truh năr giĕng sa 'Bĕng Mi Ưh Kơ Đei 'Buih Pông mă đe kư̆m anăn Giĕng Năm Brih.

Jang 12:3

Hêrôt 'bôh đe 'bok tih Juđê lăp đon tơpă, na lăp đe Juđê pơm giĕng sa 'Bĕng Mi Ưh Kơ Đei 'Buih Pông, Hêrôt rôp Pêtrôs.