Le 34:15 - Sơ̆p Hlabơar Nơ̆r 'Bok Kei-Dei

¹⁵ 'Nĕ kơ pơgơ̆p hơdai hăm lu bơngai tơ lăm char noh. Mưh lu sư pơm pơyô kư̆ kă kơplah lu sư pơm yang, sư pơtơm ih sa, đơ̆ng noh ih gô sa hloi tơmam sư pơm yang.

Le 34:15 ပူးပေါင်းရင်းမြစ်များ

I Ho 5:25

Mă-lei lu sư pơm yoch hăm Kră Yang 'Bok Kei-Dei 'bok lu sư, lu sư kiơ̆ lu rup yang lu bơngai dêh char noh, mă Kră Yang 'Bok Kei-Dei đei pơrăm lê̆ boih 'bơ̆t anăp lu sư.

Esơra 6:9

Rim năr athei ăn kơ lu 'bok soi tơ Jêrusalem lu tơmam soi mă kăl hloh wă kơ sư pơyơ̆r ăn kơ Kră Yang 'Bok Kei-Dei rơmo tơno, triu tơno, triu tơno kon, 'ba mi, 'boh, sik, dah đak rơmă, 'nĕ kơ kơ'bah ôh,

Esơra 9:12

Kơlih kơ thoi noh, na 'nĕ ăn kon adruh lu iĕm iŏk kon tơdăm lu sư păng kư̆m 'nĕ ăn kon tơdăm lu iĕm iŏk kon adruh lu sư; 'nĕ kơ layơ chă tơdrong hiôk-hian lu sư păng wă kơ chă đei jing mơdrŏng đơ̆ng lu sư, wă kơ lu iĕm jing nuih pran, sŏng sa yua tơmam 'lơ̆ng đơ̆ng lăm dêh char păng 'măn lê̆ kơ kon lu iĕm dêh char âu jing tơmam lu sư yua ling-lang ling-lang hloi.

Horiso 106:28

'Bok lu nhôn kơkuh kơ yang Baal tơ Pêôr, Sa tơmam soi pơm yang kơ bơngai lôch;

Horiso 73:27

To lu bơngai ataih đơ̆ng Ih gô hiong răm; Ih gô pơrăm lê̆ lu bơngai kuă kơ chu Ih.

Le 22:19

Bơngai bu ngôi kư̆ kă păng sem brem đe gô pơlôch.

Le 22:20

Bơngai bu kơkuh soi sơmah kơ lu yang nai ưh kơ trŏ kơ Kră Yang đe gô pơlôch sư.

Le 23:32

Ih 'nĕ kơ pơgơ̆p hăm lu sư, dah hăm yang lu sư.

Le 32:8

lu sư đĭ hăt kơ tơklah boih đơ̆ng trong Inh đei tơtă ăn kơ lu sư. Lu sư man pơm rup kon rơmo kơdih lu sư bơih, lu sư kơkuh păng pơyơ̆r tơmam soi kơ rup noh, klaih kơ noh lu sư khan; Ơ bơngai Isơrael, 'nâu yang ih, tơ'ngla mă đei chông tơlĕch ih đơ̆ng char Êyiptơ!

Le 34:10

Kră Yang khan: Âu Inh pơm minh tơdrong pơgơ̆p. Inh gô pơm minh tơdrong, mơsêh hlĭch chrơp 'bơ̆t anăp kon pơlei pơla ih, tơdrong mă tam lah 'bôh tơ lăm minh adrĕch ayơ lăm teh đak âu. Na đĭ-đăng kon bơngai, gô 'bôh tơdrong jang Kră Yang; Inh gô pơm tơdrong hli krưp dêh.

Le 34:12

Ih athei kơchăng kơdih, ih 'nĕ pơgơ̆p hơdai hăm lu bơngai lăm dêh char mă ih wă mơ̆t, tơdrong noh hli kơ lu sư jing thoi hơđong hơ'năk kơ ih.

Je 3:9

Yua kơ lu sư tơchĕng khan pơm pơyô kư̆ kă huay kơ yoch kơnê̆, na pơm ăn kơ dêh char jing 'mê̆-'mach, ngôi kư̆ kă hăm tơmo hăm 'long.

Hôsia 4:12

Kon pơlei Inh apinh yang rup pơm păng 'long, na 'long jra gô tơl lu sư; yua kơ jơhngơ̆m 'maih pơm kư̆ kă jing pơm kơ lu sư achăng lê̆ Kră Yang 'Bok Kei-Dei lu sư 'maih wă pơm pơyô kư̆ kă.

Hôsia 9:1

'Nĕ kơ chhôk hal. Ơ bơngai Isơrael! 'Nĕ kơ chơt hiôk dêh thoi adrĕch adrung nai! Ih achăng lê̆ boih Kră Yang 'Bok Kei-Dei lu iĕm. Păng pơm kơnê̆, pơm pơyô kư̆ kă boih, Lăp đon boih iŏk drŏ-kăn đi tơ jơ̆p-jang anih preh 'ba.

Lêwi 17:7

Kon pơlei Isơrael ưh pă pơyơ̆r tơmam soi lu sư kơ yang kơnê̆ păng ưh pă tơ'bưh pơm pơyô kư̆ kă hăm lu sư dơ̆ng. Noh jing tơdrong juăt ling-lang kơ lu sư lăm đĭ chăl đơ̆ng rŏng.

Jo 15:39

lu iĕm athei đei sĭt reng noh tơ hơbĕn dah ao, mưh iĕm lăng 'bôh reng noh lu iĕm gô 'blŏk kơ dôm khôi juăt nơ̆r Kră Yang tơtă păng pơm kiơ̆, ưh kơ kiơ̆ jơhngơ̆m lăp măt lăng, ngăl pơm kơ iĕm pơm yoch ngôi kư̆ kă.

Jo 25:1

Kơplah lu bơngai Isơrael oei 'bơ̆t Sitim lu kon pơlei pơtơm ngôi kư̆ kă hăm lu drŏ-kăn Môap.

Jo 25:2

Lu kon drŏ-kăn 'nâu pơtơm kon pơlei Isơrael et sa pơm yang hơdai lu sư; kon pơlei Isơrael et sa păng drap kơkuh kơ yang lu sư.

Jang 15:20

Mă-lei bơ̆n chih kơ sư kơthơ athei sư 'nĕ kơ sa tơmam đe sơmah kơ yang kơnê̆ yua kơ bơ̆n rơgoh boih. Bơ̆n 'nĕ ngôi pơyô kư̆ kă. 'Nĕ kơ sa pham dôm sem bơ̆n rong păng sem bri. Hơdrol kơ wă pơm tơmam sa bơ̆n athei kăt dah 'bet tŭk lê̆ pham sư.

I Kor 10:27

Dah lu 'nhŏng oh bơ̆n mă tam lui kơ 'Bok Kei-Dei, sư krao bơ̆n tŏk sŏng por tơ hnam sư, mă sư pôk kơ bơ̆n 'nhĕm 'nhot kiơ kiơ, bơ̆n kư̆ kơ sa đĕch, 'nĕ kơ jet sư: “'Nhĕm iĕm hăm sơmah ưh?”

I Kor 8:10

Dah iĕm kiơ̆ đe năm sa et tơmam tơ hnam đe sơmah kơ yang, lei inh hli kơ lu bôl bơ̆n mă 'nao lui sư tơchĕng kơ rup yang hli kơ sư khan yang tơpă, mưh sư 'bôh iĕm năm sa et, hli kơ sư 'maih kiơ̆ iĕm năm sa et tơmam đe sơmah 'noh mơ̆n.

I Kor 8:4

Thoi noh na gah tơdrong sa tơmam đe sơmah kơ yang bơ̆n băt mơ̆n rup yang ưh kơ sĭ yang tơpă ôh. Mă tơpă bơ̆n băt kơ minh 'nu đĕch Kră Yang Tih Hloh.

I Kor 8:7

Bơ̆n băt kơ rup yang ưh kơ yang tơpă ôh, mă-lei ưh kơ sĭ đĭ-đăng kơ bơngai lui ôh băt. Đei lu bơngai mơ'nah sư ưh kơ băt; hơtai sư tam mă lui sơ̆ sư kơkuh kơ rup yang, sư tơchĕng khan 'noh yang tơpă. Na dang ei sư lui kơ Yêsu Krist boih, dah sư sa 'bơm tơmam đe sơmah, jơhngơ̆m sư hli yua kơ sư juăt juăi tơdrong lui sư thoi noh boih; sư tơchĕng đe sơmah kơ yang tơpă, dah sư sa, sư khan sư pơm yoch boih.

Both 31:16

Kră Yang khan kơ Môis: Ih gô pơdơh hăm lu 'bok ih; kon pơlei 'nâu gô kơkuh kơ yang nai lăm dêh lu sư wă năm mơ̆t lu sư gô achăng lê̆ Inh păng pơm glăi kơ tơdrong pơgơ̆p mă Inh đei pơgơ̆p boih hăm lu sư.

Both 31:18

Mă-lei lăm năr noh, Inh gô ôn muh măt Inh, yua kơ đơ̆ng đĭ-đăng lu tơdrong yoch kơnê̆ lu sư pơm năm kiơ̆ lu yang nai.

Both 32:37

Kră Yang gô apinh: Dang ei lu yang lu sư tơ yơ, Tơmo tih mă lu sư kơ'nơp,

Both 32:38

lu yang sa rơmă tơmam soi sư pơyơ̆r păng huch đak sik hơmu lu sư pơyơ̆r, dang ei oei tơ yơ boih? Liơ ưh kơ iung tơgŭm, liơ ưh kơ krôp bơwei lu sư?

Both 7:2

Layơ Kră Yang 'Bok Kei-Dei jao lu adrĕch noh kơ iĕm păng iĕm blah pơrăm đĭ lu sư jei iĕm, kơplah noh iĕm athei pơlôch đĭ lu sư, 'nĕ kơ pơgơ̆p hơdai hăm lu sư păng kư̆m 'nĕ kơ mơnat kơ lu sư mơ̆n.

Both 7:3

Lu iĕm kư̆m 'nĕ kơ pơm pô̆ 'băn hăm lu sư, kư̆m 'nĕ kơ ăn kon drŏ-kăn iĕm oei kơ kon drŏ-nglo lu sư, kư̆m 'nĕ kơ iŏk oei kon drŏ-kăn lu sư ăn kơ kon drŏ-nglo iĕm.

Jôsuê 23:12

Mă-lei tơdah lu iĕm wơ̆t hơlơ̆k oei pơgơ̆p hăm lu adrĕch adrung mă oei đei 'nâu păng lu iĕm pơm pô̆ 'băn tơăn băl kon hăm lu sư, dah lu iĕm mơ̆t hơdai hăm lu sư,

Tơdrông Tơ'bôh 2:20

Mă-lei minh tơdrong âu Inh ưh kơ lăp đon kơ iĕm, minh tơdrong iĕm kuă kơ pơpuh yă Jesebel bơngai kơnê̆ dêh. Sư khan sư bơngai pơtruh nơ̆r 'Bok Kei-Dei, mă-lei sư oei pơhlŭ lu đĭch đam Inh pơm pơyô ngôi kư̆ kă, sa tơmam đe soi sơmah kơ rup yang.

Lu 2:17

Mă-lei lu sư kư̆m ưh kơ wă mơ̆ng lu 'bok sek tơlang lu sư kiơ̆ kơkuh kơ yang nai. Lu sư ưh kơ rok kiơ̆ trong mă đêl yă 'bok lu sư yak, ưh kơ rok kiơ̆ păng ưh kơ wei răk tơdrong juăt Kră Yang.

Lu 3:6

lu sư iŏk kon adruh đe noh pơm akăn păng ăn kon drŏ-kăn lu sư oei kơ kon tơdăm đe noh păng kơkuh kiơ̆ kơ yang đe noh. Chih roi gah lu 'bok sek tơlang