Le 34:13 - Sơ̆p Hlabơar Nơ̆r 'Bok Kei-Dei

¹³ Ih athei pơrăm lê̆ chơnang soi teh pơchah lê̆ gơ̆ng păng kăl tơpăk lê̆ rup yang Asêrim lu sư.

Le 34:13 ပူးပေါင်းရင်းမြစ်များ

I Pot 14:15

Kră Yang gô teh pơrăm lu bơngai Isơrael thoi 'nhĕt trang gơlăr hoch lăm đak, sư gô buch lê̆ đơ̆ng rơh lu bơngai Isơrael đơ̆ng lăm char 'lơ̆ng rŏ, mă Kră Yang ăn kơ 'bok kơdră lu sư păng pơm kơ lu sư tơklah tơklang tơ pah to đak krong Ơphrat, yua kơ lu sư pơm gơ̆ng rup yang Asera wă tơblĕk Kră Yang.

II Pot 10:27

Teh pơchah lê̆ rup man yang Baal, hăm yuih lê̆ hnam sư, pơm kơ anih noh jing anih chă bơyơ̆ng 'bâu ôm, truh tơ dang ei,

II Pot 18:4

Sư yuih lê̆ đĭ dôm lu hnam kơkuh kơ yang tơ anih kơjung, teh pơchah lê̆ chơnang soi, teh tơhuŏng lê̆ rup yang Asêra păng teh pơchah lê̆ 'bih mă Môis pơm hăm kong sơ̆, yua kơ truh kơ jơhnơr sư, lu bơngai Isơrael oei soh ăn 'long 'bâu phu kơ rup yang 'bih. Đe krao rup 'bih noh Nêhustan.

II Pot 23:14

Sư teh pơchah lê̆ lu rup yang pơm păng tơmo, kăl tơpăk lê̆ gơ̆ng rup yang yă Asêra păng tuh pơlŭl lê̆ kơting bơngai tơ noh.

II Ho 14:3

Sư yuih hŭt lê̆ đĭ chơnang soi kơkuh kơ lu yang bơngai tơmoi păng tơ lăm anih kơjung, sư teh pơchah đĭ lu jrăng gơ̆ng soi păng kăl tơlơ̆ lê̆ rup yang drŏ-kăn Asêra.

II Ho 15:16

Pơtao Asa ưh pă ăn kơ yă sư Maaka jang dơ̆ng yua kơ sư pơm gơ̆ng kơkuh kơ rup yang Asêra. Pơtao Asa teh pơrăm lê̆ gơ̆ng rup yang noh teh pơchah hĕch hoch đĭ păng soh lê̆ tơ thŭng Kidrôn.

II Ho 17:6

Sư đei jơhngơ̆m hiôk kơjăp kiơ̆ trong Kră Yang; kư̆m oei đei pơrăm lê̆ lu anih kơjung păng lu rup yang Asêra lăm char Juđa.

II Ho 24:18

Lu sư achăng lê̆ Hnam Kră Yang 'Bok Kei-Dei 'bok lu sư, na kơkuh kơ yang Asêra păng kơkuh kơ lu rup man; đơ̆ng tơdrong yoch 'nâu, na đei Kră Yang 'Bok Kei-Dei hil mĭl kơ lu bơngai Juđa păng kon pơlei Jêrusalem.

II Ho 31:1

Wă đĭ-đăng tơdrong noh đang boih, lu bơngai Isơrael mă oei tơ noh lu sư năm tơ lu pơlei lăm char Juđa teh pơchah lê̆ lu jrăng gơ̆ng, teh pơhĕch lê̆ lu rup yang Asêria, pơrăm đĭ lu anih kơjung păng lu chơnang soi tơ lăm jơ̆p char Juđa, Bênjamin, Êphraim păng Manase dĭng pơrăm đi boih. Đơ̆ng noh đĭ-đăng lu kon pơlei Isơrael wih brŏk tơ pơlei lu sư kơdih tơ anih hnam lu sư.

II Ho 33:19

Nơ̆r sư krao apinh Kră Yang 'Bok Kei-Dei đei tơl tơwih ăn kơ sư thoi yơ, dôm lu tơdrong yoch kơnê̆ mă sư đei pơm, lu anih kơjung mă sư đei pơm, man rup yang Asêria păng traih rup yang adrol kơ sư tam mă tơbral tơjur akâu sư, âu đei chih răk đĭ tơ lăm sơ̆p hla bơar Hôsai.

Le 23:24

Ih 'nĕ drap kơkuh păng soi sơmah kơ lu yang lu sư, 'nĕ kơ pơm rok kiơ̆ tơdrong jang lu sư, mă-lei athei pơrăm đĭ dôm lu rup yang păng juă pơhĕch dôm lu gơ̆ng rup yang sư.

Êsai 17:8

Lu sư gô ưh pă lăng tơ chơnang soi mă đêl ti lu sư pơm, păng kư̆m ưh pă lăng dơ̆ng ti lu sư pơjing kơdih, mă rup yang Arsêrim, păng chơnang soi lu sư soh 'long 'bâu phu.

Êsai 27:9

Thoi noh, đơ̆ng tơdrong âu na tơdrong yoch Jakôp gơh mơnat ăn; păng 'nâu jơ̆ lĕch đơ̆ng tơdrong sŭt lê̆ tơdrong yoch sư, layơ sư teh lê̆ tơmo chơnang soi pơchah hĕch nhen tơmo chŭr, ưh pă đei rup yang Asêrim păng chơnang soh 'long 'bâu phu kơ yang nai dơ̆ng.

Je 17:2

Kon sâu lu sư kư̆m 'blŏk dơ̆ng kơ chơnang soi păng lu gơ̆ng rup yang Asêra mă đêl lu sư pơm, Tơ yơ̆p 'long hơmŭl. Tơ grôn groi kơjung.

Mi 5:14

Inh gô iung kơting, hil areh păng Inh gô pơm 'mong kơ teh đak mă ưh kơ chu kiơ̆ nơ̆r Inh.

Jo 33:52

Puh bĕ pơđĭ kon pơlei oei lăm char noh đơ̆ng anăp lu iĕm, pơrăm pơđĭ lu rup yang mă lu sư mam hling kơtă păng kư̆m athei pơrăm lê̆ đĭ lu anih kơjung mă lu sư pơm yang.

Both 16:21

'Bơ̆t cheng chơnang soi kơ Kră Yang 'Bok Kei-Dei iĕm, 'nĕ kơ pơm gơ̆ng rup yang Asêrim.

Both 16:22

Kŭm ưh kơ gơh pơdơ̆ng pơm minh pôm jrăng tơmo wă kơkuh Kră Yang 'Bok Kei-Dei iĕm areh kơ dôm lu tơmam noh.

Both 7:5

Mă-lei 'nâu iĕm athei pơm kơ lu sư: Pơrăm lê̆ lu chơnang soi, teh pơchah lê̆ lu gơ̆ng pơm yang lu sư păng athei kăl tơpăk lê̆ yang Asêrim păng soh pơđĭ rup yang đơ̆ng sư man dah traih.

Lu 2:2

Mă gah lu iĕm, 'nĕ kơ pơgơ̆p băl hăm lu bơngai mă oei tơ char âu; iĕm athei pơrăm lê̆ lu rup yang lu sư.’ Mă-lei iĕm ưh kơ mơ̆ng nơ̆r Inh khan. Yua kơ kiơ lu iĕm pơm tơdrong noh?

Lu 6:25

Kŭm lăm măng noh, Kră Yang khan kơ Giđêôn: Rôp iŏk bĕ kon rơmo dăm 'bă ih păng rôp minh pôm kon rơmo dăm mă 'bar đei tơpơh sơnăm; na pơrăm lê̆ bĕ chơnang soi kơkuh kơ yang Baal. Păng kăl kơ tơpăk lê̆ bĕ gơ̆ng rup yang Asêra 'bơ̆t cheng chơnang soi noh.

Lu 6:26

Đơ̆ng noh ih athei man minh pơm chơnang soi kơ Kră Yang 'Bok Kei-Dei ih, tơ kơpal tơmo 'nâu kiơ̆ thoi đei pơkă boih. Đơ̆ng noh rôp bĕ kon rơmo dăm mă 'bar, pơm tơmam soi 'buh pơyơ̆r. Iŏk 'long gơ̆ng Sêra noh pơm ŭnh 'buh tơmam soi.