Le 33:9 - Sơ̆p Hlabơar Nơ̆r 'Bok Kei-Dei

⁹ Kơplah Môis mơ̆t boih lăm bơsŭn, anih krao apinh đei hơmơ̆l thoi jrăng jur gom 'bơ̆t 'măng bơsŭn, noh na Kră Yang pơma dơnuh hăm sư.

Le 33:9 ပူးပေါင်းရင်းမြစ်များ

Bl 17:22

Đang kơ Kră Yang 'Bok Kei-Dei đei khan boih, na sư weh đơ̆ng Abraham tŏk tơ plĕnh.

Bl 18:33

Lăp Kră Yang pơma đang boih hăm Abraham, na sư tŏk tơ ti, gah Abraham wih brŏk tơ bơsŭn sư.

Horiso 99:7

Đơ̆ng lăm jrăng hơmơ̆l Sư pơma hăm lu sư: Lu sư bơwei tơdrong Kră Yang bơtho; Păng tơdrong juăt mă Sư đei ăn.

Le 25:22

Inh gô tơ'bơ̆p ih tơ noh, tơ kơpal tơnglơ̆p tơdrong 'mêm mơnat sơlam 'bar tŏ rup chêrubim, tơ kơpal hom tơdrong pơgơ̆p noh Inh gô bơtho tơ'bôh kơ ih dôm tơdrong tơtă kơ lu bơngai Isơrael.

Le 31:18

Lăp Kră Yang khan kơ Môis tơ kơpal kông Sinai, đang bơih sư ăn hloi 'bar tŏ gơ'bang tơdrong pơgơ̆p pơm păng tơmo blat đơ̆ng hơnglâu ti Kră Yang 'Bok Kei-Dei chih.

Le 33:10

Kơplah đĭ-đăng kon pơlei pơla 'bôh hơmơ̆l thoi jrăng dơ̆ng 'bơ̆t 'măng bơsŭn, đĭ-đăng kon pơlei dơ̆ng 'bơ̆t 'măng bơsŭn lu sư drap kơkuh.

Le 33:11

Kră Yang juăt pơma dơnuh hăm Môis tơm măt thoi noh nhen thoi minh 'nu bơngai pơma dơnuh hăm buăl juăt sư. Đơ̆ng noh Môis wơ̆t brŏk tơ anih kon pơlei, mă-lei Jôsuê bơngai tơdăm tơgŭm sư kon drŏ-nglo Nun, ưh kơ đei lĕch đơ̆ng bơsŭn krao apinh noh ôh.

Le 33:8

Rim wơ̆t mưh Môis lĕch năm tơ bơsŭn noh đĭ-đăng kon pơlei pơla iung dang dơ̆ng, rim 'nu dơ̆ng 'bơ̆t 'măng bơsŭn sư, kiơ̆ hnhoi lăng Môis dĭng sư mơ̆t lăm bơsŭn anih krao apinh.

Le 34:3

'Nĕ ăn bơngai bu năm tŏk kiơ̆ hơdai hăm ih, ưh kơ gơh ăn bơngai bu chă ngôi tăp dăr kơ kông. Kŭm ưh kơ ăn triu, rơmo sa 'nhĕt jê̆ tơ kông noh mơ̆n.

Le 34:5

Kră Yang jur lăm hơmơ̆l, dơ̆ng hơdai hăm Môis tơ noh păng roi anăn sư.

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Êsêkiên 3:22

Tơ noh ti Kră Yang dan kơpal inh, Kră Yang khan kơ inh: “Iung bĕ năm tơ teh thŭng dơnă Inh gô khan kơ ih tơ noh.”

Jo 11:17

Na Inh gô jur, pơma dơnuh hăm ih tơ noh; Inh gô iŏk ăn Yang Bơhngol Inh oei lăm ih păng oei lăm lu sư mơ̆n, wă kơ lu sư wang pŭ tơdrong trăp kon pơlei hơdai ih păng ih huay pă pŭ minh drô̆ ih.

Jo 7:89

Kơplah Môis mơ̆t tơ lăm Bơsŭn Anih Akŭm wă pơma dơnuh hăm Kră Yang, na sư kơtơ̆ng nơ̆r pơma hăm sư đơ̆ng lăm Tơnglơ̆p Mơnat ăn dan kơpal Hom tơdrong Roi Tơbăt, tŏk-bŏk sơlam kơ 'bar tŏ chêrubim; Kră Yang pơma dơnuh hăm sư.

Both 31:14

Kră Yang khan kơ Môis: Năr ih lôch wă jê̆ boih; ih krao Jôsuê na măr iĕm năm 'bơ̆t anăp Inh tơ Bơsŭn Anih Akŭm. Tơ noh Inh wă pơjao ăn kơ Jôsuê jang. Thoi noh, Môis păng Jôsuê năm truh tơ Bơsŭn Anih Akŭm.

Both 31:15

Kră Yang tơ'bôh akâu Sư, lăm jrăng hơmơ̆l păng hơmơ̆l dơ̆ng 'bơ̆t 'măng Bơsŭn Anih Akŭm.