Le 33:20 - Sơ̆p Hlabơar Nơ̆r 'Bok Kei-Dei

²⁰ Kră Yang Sư khan dơ̆ng: Mă-lei ih ưh kơ đei 'bôh muh măt Inh ôh; yua kơ kon bơngai ưh kơ gơh 'bôh Inh na mă oei arih.

Le 33:20 ပူးပေါင်းရင်းမြစ်များ

Bl 32:30

Jakôp krao anăn anih noh Phênielc Yua kơ sư khan thoi âu: Inh 'bôh boih Kră Yang 'Bok Kei-Dei 'bơ̆t tơm măt inh păng inh gơh oei arih.

Le 24:10

Tơmang 'bôh Kră Yang 'Bok Kei-Dei Isơrael tơ ala jơ̆ng Sư đei minh pôm tơmam thoi trong lơ̆k tơmo gĭt rang, nhen thoi hơdah plĕnh.

Le 24:9

Klaih kơ noh Môis Arôn, Nađap, Abihu hơdai păng tơpơh-jĭt 'nu kră wei-lăng bơngai Isơrael đĭ-đăng lu sư tŏk tơ kông.

Le 3:6

Kră Yang 'Bok Kei-Dei pơma dơ̆ng: Inh boih Kră Yang 'Bok Kei-Dei 'bok ih, Kră Yang 'Bok Kei-Dei Abraham, Kră Yang 'Bok Kei-Dei Isăk păng Kră Yang 'Bok Kei-Dei Jakôp. Môis đơ̆p măt sư hloi yua kơ sư hli ưh kơ pơ̆n lăng tơ Kră Yang 'Bok Kei-Dei.

Le 33:18

Môis khan: Inh apinh Ih, tơ'bôh bĕ kơ inh tơdrong ư-ang 'lơ̆ng rŏ Ih.

Le 33:23

Inh gô dui lê̆ ti Inh đơ̆ng noh ih 'bôh gah rŏng Inh đĕch mă-lei ih ưh kơ gơh 'bôh muh măt Inh ôh.

Êsai 6:5

Inh ôr khan: “Răm-'băm dêh kơ inh! Inh đĭ răm bơih! Yua kơ inh jơ̆ minh 'nu bơngai đei 'bơ̆r kơnê̆ 'mê̆-'mach, oei hơdai hăm kon pơlei đei 'bơ̆r kơnê̆ 'mê̆ mach, yua kơ măt inh lăng 'bôh bơih pơtao, noh bơih Kră Yang Tih Hloh!”

Yo 1:18

Kră Yang 'Bok Kei-Dei, ưh kơ đei bu gơh 'bôh Sư, lăp minh 'nu Kon pôm Sư đĕch 'bôh Sư păng oei hơdai Sư tơpă. Kon Sư tơbăt ăn kơ bơ̆n tơdrong 'Bă Sư.

Both 5:24

Na khan: Kră Yang 'Bok Kei-Dei lu nhôn tơ'bôh boih tơdrong rang mơnhal păng tơdrong krưp tih Sư kơ lu nhôn păng lu nhôn đei kơtơ̆ng boih nơ̆r Sư đơ̆ng lăm ŭnh; năr âu lu nhôn 'bôh boih Kră Yang 'Bok Kei-Dei pơma dơnuh hăm kon bơngai mă-lei lu nhôn oei arih.

I Tim 6:16

Sư ưh kơ layơ lôch. Sư oei tơ anih rang mơnhal, ưh kơ đei bu gơh năm jê̆ Sư. Đơ̆ng sơ̆ khơ̆ ning-mônh kon bơngai ala teh ưh kơ đei bu 'bôh Sư. Na bĕ bơ̆n pơư pơang 'Bok Kei-Dei mă pơgơ̆r ling-lang. A-men.

Hêbrơ 1:13

'Bok Kei-Dei tam layơ khan kơ linh jang thoi Sư khan kơ Kon Sư thoi âu: “Ih kư̆ oei gah 'ma kơ Inh pơgơ̆r, Tơ̆p Inh blah rôp lu bơngai mă ayăt kơ Ih thuơ tơ kơnơl jơ̆ng Ih.”

Lu 13:22

Sư pơma dơnuh hloi hăm akăn sư: Tơpă, băt ba gô lôch yua kơ ba 'bôh boih Kră Yang 'Bok Kei-Dei!

Lu 6:22

Giđêôn sư băt tơpă kơ noh linh jang 'lơ̆ng Kră Yang na Giđêôn khan: Ơ, Kră Yang mă Mơsêh Mơyang. Băt inh lôch Yua kơ inh 'bôh boih linh jang 'lơ̆ng Kră Yang tơm măt inh!