Le 33:16 - Sơ̆p Hlabơar Nơ̆r 'Bok Kei-Dei

¹⁶ Lei liơ đe gơh băt kơnăl kơ inh hăm lu kon pơlei pơla Ih? Đei tơdrong mơnat 'bơ̆t anăp Ih, Dah Ih ưh kơ năm hơdai hăm nhôn? Mưh Ih năm hơdai inh hăm kon pơlei pơla Ih âu phara kơ kon pơlei pơla nai oei lăm teh đak âu?

Le 33:16 ပူးပေါင်းရင်းမြစ်များ

II Sam 7:23

Tơ jơ̆p lăm teh đak hăm đei adrĕch ayơ nhen thoi adrĕch Isơrael Ih, lăp minh pôm adrĕch đĕch lăm teh âu mă Kră Yang 'Bok Kei-Dei dŏng pơklaih wă pơm kon pơlei pơla Ih. Anăn Ih đei pơyom tih, iŏk đơ̆ng Ih pơm tơdrong tih-tin trŏ kơ hli krưp tơpă, kơ kon pơlei Ih lăm teh đak Ih. Kră Yang đei puh lê̆ dôm lu adrĕch nai, păng rup yang lu sư đơ̆ng lăm teh đak 'bơ̆t anăp kon pơlei pơla Ih mă Ih đei dŏng pơklaih đơ̆ng dêh char Êyiptơ.

I Pot 8:53

Ơ Kră Yang Tih Hloh, Ih klah lê̆ lu sư phara đơ̆ng lăm khŭl kon bơngai lăm teh đak âu, ih wă ăn kơ lu sư jing tơmam Ih, trŏ 'blep thoi Ih đei khan kơ 'bok Môis đĭch đam Ih sơ̆, đơ̆ng năr Ih pơklaih lu 'bok yă nhôn đơ̆ng lăm dêh char Êyiptơ.”

Horiso 147:20

Sư ưh kơ đei pơm thoi noh ôh kơ adrĕch adrung nai; Lu sư ưh kơ băt hlôh ôh nơ̆r tơtă đơ̆ng Kră Yang. Halêluya!

Le 34:10

Kră Yang khan: Âu Inh pơm minh tơdrong pơgơ̆p. Inh gô pơm minh tơdrong, mơsêh hlĭch chrơp 'bơ̆t anăp kon pơlei pơla ih, tơdrong mă tam lah 'bôh tơ lăm minh adrĕch ayơ lăm teh đak âu. Na đĭ-đăng kon bơngai, gô 'bôh tơdrong jang Kră Yang; Inh gô pơm tơdrong hli krưp dêh.

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Le 8:22

Mă-lei năr noh, lăm tơring Gôsen, anih kon pơlei Inh oei, ưh kơ đei roi wŏng iam, wă kơ ih băt kơ Inh, Kră Yang oei lăm dêh 'nâu.

Lêwi 20:24

Inh khan kơ lu iĕm, lu iĕm gô iŏk teh đêl lu sư oei, Inh ăn kơ lu iĕm đei teh noh, wă pơm tơmam iĕm kơdih, noh jơ̆ teh đak toh, đak sut kơdrot, Inh boih Kră Yang 'Bok Kei-Dei lu iĕm, plah iŏk lu iĕm đơ̆ng kon pơlei nai.

Lêwi 20:26

Ăn kơ lu iĕm arih hăm Inh 'lơ̆ng rơgoh; yua kơ Inh boih Kră Yang 'lơ̆ng rơgoh, Inh klah lu iĕm bơih đơ̆ng kon pơlei âu, wă kơ lu iĕm jing khŭl kon pơlei gah Inh.

Jo 14:14

păng đei roi tơbăt ăn kơ kon pơlei char 'nâu. Ơ! Kră Yang lu sư băt Ih oei hơdai hăm lu kon pơlei âu, yua kơ Ih tơ'bôh kơ lu sư, hơmơ̆l dơ̆ng boih kơpal lu kon pơlei âu păng Ih yak adrol, jrăng hơmơ̆l gah kơ'năr, jrăng ŭnh gah kơmăng.

Jo 23:9

Đơ̆ng kơpal kơ̆l kông, inh 'bôh lu sư đơ̆ng kông groi kơjung, inh lăng lu sư: To, minh khŭl kon pơlei oei hơdrô̆ phara ưh kơ jô̆ lu sư hơdai thoi kon bơngai lăm teh đak ôh.

Mathiơ 1:23

“Đei minh 'nu adruh gô anăp wă tơpŭ kon drŏ-nglo, Đe anăn kon Sư noh Êmanuel,” Êmanuel wă khan: 'Bok Kei-Dei oei hơdai hăm bơ̆n.

II Kor 6:17

“Thoi noh yua kơ Inh Kră Yang iĕm na Inh athei iĕm lĕch jăk đơ̆ng lu bơngai ưh kơ lui. Tơklah đơ̆ng lu sư, 'nĕ pă pel 'bơm dôm tơdrong kơnê̆ 'mê̆-'mach lu sư, na Inh gô sơng iŏk iĕm.

Both 4:34

Hăm tam đei yang kiơ rơih iŏk minh adrĕch kon pơlei 'nâu đơ̆ng adrĕch kon pơlei nai kơ sư kơdih, hăm tơdrong pơlong lăng, hăm tơdrong hlĭch chrơp, hăm tơdrong mơsêh mơyang pran kơtang đơ̆ng ti sư, hăm tơdrong tơblah, hăm tơdrong hli krưp thoi đĭ-đăng tơdrong Kră Yang 'Bok Kei-Dei lu iĕm đei pơm boih kơ lu iĕm hăm dêh char Êyiptơ 'bơ̆t tơm măt lu iĕm?

Both 4:7

Ưh kơ đei adrĕch tih ayơ mă đei yang jê̆ lu sư thoi Kră Yang 'Bok Kei-Dei oei jê̆ lu bơ̆n ling-lang na mơ̆ng rim nơ̆r krao khan thoi bơ̆n: