Le 33:13 - Sơ̆p Hlabơar Nơ̆r 'Bok Kei-Dei

¹³ Thoi noh dang ei inh krao apinh Ih, tơdah inh đei bơih pŭn hiôk 'bơ̆t anăp Ih, lei inh apinh Ih tơ'bôh ăn kơ inh bĕ trong Ih, wă kơ inh băt kơnăl kơ Ih păng inh đei tơdrong mơnat 'bơ̆t anăp Ih, apinh Ih kư̆m 'blŏk kơ lu adrĕch adrung âu kon pơlei pơla Ih mơ̆n!

Le 33:13 ပူးပေါင်းရင်းမြစ်များ

II Sam 15:25

Pơtao khan dơ̆ng kơ Sadok 'bok soi: “Tung bĕ Hom pơgơ̆p Kră Yang 'Bok Kei-Dei wơ̆t tơ lăm pơlei tih. Tơdah inh đei tơdrong mơnat 'bơ̆t anăp Kră Yang sĭt Kră Yang ba inh wih, ăn kơ inh 'bôh dơ̆ng Hom Pơgơ̆p păng anih dan sư.

Horiso 103:7

Sư tơ'bôh ăn kơ Môis trong Sư, păng ăn kơ Isơrael băt dôm tơdrong mơsêh mơyang Sư.

Horiso 119:33

Ơ Kră Yang, apinh bơtho tơ'bôh kơ inh kiơ̆ trong Ih tơtă. Na inh gô wei răk dĭng truh tơ năr tôch.

Horiso 25:4

Ơ Kră Yang, apinh Ih Tơ'bôh kơ inh trong Ih, Păng bơtho inh băt dôm trong gơlong Ih.

Horiso 27:11

Ơ Kră Yang, bơtho tơ'bôh kơ inh trong Ih, Yua kơ đei lu bơngai pơm kơnê̆ kơ inh, Apinh Ih dui ba inh lăm trong tơhnă.

Horiso 51:13

Na inh gô bơtho trong Ih kơ lu pơm glăi, Păng lu bơngai đei yoch gô wih tơ Ih.

Horiso 86:11

Ơ Kră Yang, apinh Ih bơtho tơ'bôh kơ inh trong Ih. Na inh gô yak kiơ̆ tơdrong 'lơ̆ng tơpăt Ih; Apinh Ih ăn kơ inh đei jơhngơ̆m băt hli yom kơ Ih,

Le 3:10

na dang ei, năm bĕ tơ âu, Inh wă wơh ih năm tơ Pharaôn, wă chông tơlĕch kon pơlei Inh, wă khan kon pơlei Isơrael lĕch đơ̆ng dêh Êyiptơ.

Le 3:7

Kră Yang khan: Inh 'bôh boih tơdrong gleh pơmat-tat kon pơlei Inh tơ dêh Êyiptơ păng Inh kơtơ̆ng boih nơ̆r lu sư krao ôr yua kơ tơdrong jang pơmat, Inh băt hơđăl đĭ dôm tơdrong jang pơmat-tat lu sư,

Le 32:12

Liơ Ih wă lê̆ lu bơngai Êyiptơ khan: ‘Kră Yang chông tơlĕch lu sư đơ̆ng char bơ̆n wă pơrăm lê̆, pơlôch lê̆ lu sư tơ lăm kông, hăm pơrăm pơtôch lê̆ lu sư đơ̆ng lăm teh đak âu?’ Lê̆ bĕ tơdrong Ih blĕk tơtŏ păng tơplih tơdrong tơchĕng Ih wă pơm kơnê̆ kơ kon pơlei pơla Ih.

Le 32:14

Đơ̆ng noh Kră Yang tơplih tơdrong Sư tơchĕng wă pơm kơnê̆ lu kon pơlei pơla Sư.

Le 32:7

Kră Yang khan kơ Môis: Jah jur bĕ, yua kơ lu kon pơlei pơla ih, lu bơngai mă ih đei chông tơlĕch lu sư đơ̆ng char Êyiptơ, lu sư pơm glăi răm bơih,

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Le 5:1

Đơ̆ng rŏng kơ noh, Môis păng Arôn năm apinh Pharaôn khan thoi âu: Kră Yang 'Bok Kei-Dei kon pơlei Isơrael đei khan: Ăn bĕ kon pơlei Inh năm, wă kơ lu sư năm kơkuh kơ Inh tơ char glă.

Êsai 30:21

Mă lu iĕm weh gah 'ma dah gah 'ngiĕo, đon lu iĕm gô kơtơ̆ng nơ̆r pơma đơ̆ng rŏng lu iĕm khan: “Âu jơ̆ trong mă lu iĕm athei rok kiơ̆!”

Êsai 63:17

Ơ Kră Yang liơ Ih pơm ăn kơ lu nhôn tơklah jrok ataih kơ trong gơlong Ih? Liơ Ih pơm ăn lăm jơhngơ̆m lu nhôn arăng ưh kơ hli kơ Ih? Apinh Ih wih hơlơ̆k bĕ yua kơ lu đĭch đam Ih, păng yua kơ lu adrĕch adrung jing mŭk tơmam Ih.

Êsai 63:19

Đunh bơih, lu nhôn nhen thoi minh khŭl kon pơlei, mă Kră Yang ưh tam mă pơgơ̆r păng đe ưh tam mă krao hăm anăn Ih.

Jôel 2:17

Lu 'bok soi mă bơ̆jang kơ Kră Yang, nhơ̆m bĕ 'bơ̆t kơđeng cheng truh tơ chơnang soi, păng khan bĕ thoi âu: “Ơ Kră Yang, apinh Ih 'mêm mơnat kơ kon pơlei pơla Ih, păng 'nĕ ăn lu bơngai dêh đe pơ'brơh kơ kon pơlei pơla Ih, păng 'nĕ ăn kơ đe pơma khan thoi âu: ‘Tơ yơ Kră Yang 'Bok Kei-Dei lu sư?’ ”

Yo 17:3

Lu sư đei tơdrong arih ling-lang yua kơ lu sư lui kơ Ih Kră Yang 'Bă Tơm kơpal plĕnh păng băt kơ Inh Yêsu Krist mă Ih wơh jur tơ ala teh âu.

Rom 11:28

Dang ei lu bơngai Isơrael mơ'nah ưh tam mă lui kơ tơdrong 'nao 'lơ̆ng Yêsu, lu sư dang ayăt kơ 'Bok Kei-Dei. Mă-lei 'Bok Kei-Dei oei 'mêm kơ lu sư. Yua kơ thoi noh na Sư krao iĕm lui kơ Yêsu hơdrol kơ lu sư, wă kơ lu sư kiơ̆ iĕm. Sư 'mêm tơpă kơ lu bơngai Isơrael yua kơ Sư rơih iŏk lu yă 'bok lu sư đơ̆ng hơdrol sơ̆ hloi boih.

Êphêsô 1:17

'Bok Kei-Dei 'Bă Yêsu Krist Yŏng bơ̆n, Sư 'Bă tơm kơ đĭ-đăng păng Sư Yang tih tơpă, na inh ưh kơ hiơt krao khan apinh Sư tơgŭm iĕm hơgei, hăm tơhlôh ăn kơ iĕm tôm tơdrong Sư.

Both 9:26

Inh krao khan apinh thoi âu: Ơ Kră Yang mơsêh mơyang, apinh Ih 'nĕ kơ pơlôch kon pơlei Ih, noh jơ̆ tơmam Ih, đei dŏng pơklaih lu sư chông ba lu sư lĕch hlôi boih đơ̆ng dêh Êyiptơ hăm tơpang ti mơsêh pran kơtang Ih.

Both 9:29

Kon pơlei pơla âu jơ̆ kon pơlei Ih păng tơmam Ih, lu bơngai mă Ih hlôi yua tơdrong mơsêh pran kơtang tih chông tơlĕch lu sư đơ̆ng dêh Êyiptơ.

Kôlôsê 1:10

Thoi noh na iĕm gơh pơm trŏ thoi Sư wă, trŏ thoi Sư lăp đon. Iĕm gô pơm dôm tơdrong 'lơ̆ng dôm tơdrong tơpăt, rai đunh rai hlôh băt tơdrong 'Bok Kei-Dei.

II Pet 3:18

Inh roi lê̆ kơ iĕm thoi noh wă kơ iĕm gơnang kơ Kră Yang bơ̆n Yêsu Krist mă dŏng pơklaih bơ̆n. Thoi noh na tơdrong lui iĕm rai đunh rai wơ̆ kơjăp. Păng inh wă kơ iĕm rai đunh rai hlôh wao tôm tơdrong Sư. Bĕ bôl jơ̆p teh ư-ang Sư đơ̆ng dang ei truh ning-mônh ưh kơ layơ tôch. A-men.