Le 33:12 - Sơ̆p Hlabơar Nơ̆r 'Bok Kei-Dei

¹² Môis khan kơ Kră Yang: Ih đei khan bơih kơ inh thoi âu: Ih athei chông ba lu kon pơlei pơla âu năm, mă-lei Ih ưh kơ ăn inh băt ôh bơngai bu Ih wơh năm hơdai păng inh. Ih khan: Inh băt kơ ih, băt anăn ih păng ih đei tơdrong mơnat boih 'bơ̆t anăp Inh!

Le 33:12 ပူးပေါင်းရင်းမြစ်များ

Bl 18:19

Inh đei rơih iŏk boih Abraham wă kơ bơtho tơ'bôh kơ kon sâu lăm hnam dơnŏ sư wei tơdrong lui yom kơ Kră Yang, wă pơsĭt nơ̆r mă Kră Yang đei pơkă boih hăm Abraham.”

II Sam 15:25

Pơtao khan dơ̆ng kơ Sadok 'bok soi: “Tung bĕ Hom pơgơ̆p Kră Yang 'Bok Kei-Dei wơ̆t tơ lăm pơlei tih. Tơdah inh đei tơdrong mơnat 'bơ̆t anăp Kră Yang sĭt Kră Yang ba inh wih, ăn kơ inh 'bôh dơ̆ng Hom Pơgơ̆p păng anih dan sư.

Horiso 1:6

Yua kơ Kră Yang băt trong lu bơngai tơpăt, Mă-lei trong lu bơngai kơnê̆ gô hiong răm.

Le 3:10

na dang ei, năm bĕ tơ âu, Inh wă wơh ih năm tơ Pharaôn, wă chông tơlĕch kon pơlei Inh, wă khan kon pơlei Isơrael lĕch đơ̆ng dêh Êyiptơ.

Le 3:4

Kră Yang 'bôh sư năm lăng rai jê̆, Kră Yang pơma đơ̆ng lăm jơla noh krao: Ơ Môis, Ơ Môis! Sư tơl khan: Đei inh tơ âu!

Le 32:34

Dang ei năm bĕ chông lu kon pơlei pơla năm tơ anih mă Inh đei khan bơih kơ ih. Âu, linh jang 'lơ̆ng Inh gô năm adrol kơ ih. Mă-lei năr ayơ Inh tơiung kơting, lei Inh gô phak lu sư yua kơ tơdrong yoch lu sư pơm bơih.

Le 33:1

Kră Yang khan kơ Môis: Năm bĕ đơ̆ng âu, ih hăm lu kon pơlei pơla ih đei chông lĕch đơ̆ng char Êyiptơ, năm bĕ tơ char Inh đei pơkă pơkăm boih kơ Abraham, Isăk, Jakôp: Inh gô ăn char noh kơ kon sâu ih.

Le 33:17

Kră Yang khan kơ Môis: Inh gô pơm thoi ih đei apinh Inh noh, yua kơ ih đei tơdrong mơnat bơih 'bơ̆t anăp Inh, Inh băt kơ ih; păng băt kơ anăn ih.

Le 33:2

Inh gô wơh minh 'nu linh jang 'lơ̆ng Inh năm adrol kơ ih, na Inh gô puh tơweh lu bơngai Kanaan, Amôrit, Hêtit, Pêrisit, Hêwit, hăm lu bơngai Jêbus,

Le 34:9

Sư khan: Ơ Kră Yang! Dang ei mưh khan inh đei bơih tơdrong mơnat 'bơ̆t anăp Ih inh apinh Ih năm hơdai lu nhôn, mă khan lu sư jing kon pơlei pơla arăng kơ̆l, apinh Ih mơnat ăn tơdrong yoch kơnê̆ lu nhôn, na jô̆ nhôn jing tơmam Ih yua.

Êsai 43:1

Dang ei Kră Yang khan thoi âu: Ơ Jakôp Sư Tơ'ngla pơjing iĕm, ơ Isơrael! Sư bơih Tơ'ngla pơjing iĕm, 'nĕ kơ hli yua kơ Inh huai iŏk iĕm bơih. Inh bơih krao iĕm hăm anăn iĕm păng iĕm gah Inh.

Êsai 45:3

Inh gô ăn kơ ih tơmam gĭt tah ôn lăm anih măng mu, Ăn kơ ih mŭk tơmam gĭt lăm anih hlơp, wă kơ ih băt kơ Inh bơih Kră Yang, 'Bok Kei-Dei đe Isơrael. Tơ'ngla krao ih hăm anăn ih.

Je 1:5

“Inh băt kơ ih adrol kơ Inh pơjing ih lăm klak mĕ ih; adrol kơ đe tơpŭ kơ ih, Inh rơih iŏk ih, Inh wă ăn kơ ih jing bơngai khan lê̆ adrol kơ jơ̆p teh đak.”

Hagai 2:5

‘Nơ̆r pơgơ̆p mă Inh đei pơkă hăm lu iĕm, kơplah iĕm lĕch hloi đơ̆ng dêh char Êyiptơ hăm Yang Bơhngol Inh oei hơdai iĕm. 'Nĕ kơ hli ôh.’

II Tim 2:19

Dôm tơdrong 'Bok Kei-Dei trŏ kơjăp tơpă. Sư pơkă thoi âu: “Inh Kră Yang 'Bok Kei-Dei băt kơnăl kơ đĭ-đăng bơngai lui kơ Inh păng đĭ-đăng bơngai lui kơ Inh sư athei tŭk lê̆ tơdrong yoch.”