Le 33:10 - Sơ̆p Hlabơar Nơ̆r 'Bok Kei-Dei

¹⁰ Kơplah đĭ-đăng kon pơlei pơla 'bôh hơmơ̆l thoi jrăng dơ̆ng 'bơ̆t 'măng bơsŭn, đĭ-đăng kon pơlei dơ̆ng 'bơ̆t 'măng bơsŭn lu sư drap kơkuh.

Le 33:10 ပူးပေါင်းရင်းမြစ်များ

I Pot 8:14

Đơ̆ng noh pơtao Sôlômôn sư tơwih muh măt tơ kon pơlei Isơrael, đĭ-đăng kon pơlei Isơrael oei dơ̆ng iung na sư krao khan hơpơi tuh ăn tơdrong pŭn hiôk.

I Pot 8:22

Đang kơ noh pơtao Sôlômôn dơ̆ng 'bơ̆t anăp chơnang soi Kră Yang 'bơ̆t anăp đĭ-đăng kon pơlei Isơrael. Sư yơ̆r ti tơ kơpal:

Le 13:21

Kră Yang năm adrol kơ kon pơlei, tơ kơ'năr hăm minh pôm jrăng hơmơ̆l, wă ba trong yak năm; tơ kơmăng hăm minh pôm jrăng ŭnh, wă pơchrang ăn kơ lu sư, wă kơ lu sư gơh năm ling-lang kơ'năr păng kơmăng.

Le 33:11

Kră Yang juăt pơma dơnuh hăm Môis tơm măt thoi noh nhen thoi minh 'nu bơngai pơma dơnuh hăm buăl juăt sư. Đơ̆ng noh Môis wơ̆t brŏk tơ anih kon pơlei, mă-lei Jôsuê bơngai tơdăm tơgŭm sư kon drŏ-nglo Nun, ưh kơ đei lĕch đơ̆ng bơsŭn krao apinh noh ôh.

Le 33:9

Kơplah Môis mơ̆t boih lăm bơsŭn, anih krao apinh đei hơmơ̆l thoi jrăng jur gom 'bơ̆t 'măng bơsŭn, noh na Kră Yang pơma dơnuh hăm sư.

Le 4:31

Lu sư lui kơ nơ̆r 'noh, băt kơ Kră Yang oei hơdai hăm kon pơlei Isơrael păng 'bôh dôm tơdrong pơmat-tat lu sư; na lu sư kŭp kơ̆l kơkuh kơ Kră Yang hloi.

Luka 18:13

“Mă-lei bơngai mă chă iŏk jên thuê̆ noh oei ataih đơ̆ng bơngai Pharisi ei. Sư ưh kơ pơ̆n ngơk muh măt sư tơ plĕnh, mă-lei sư tŭr kơdih kơtơh păng khan: ‘Ơ 'Bok Kei-Dei, apinh Ih mơnat kơ inh 'biơ̆ yua kơ inh bơngai yoch.’ ”