Le 32:32 - Sơ̆p Hlabơar Nơ̆r 'Bok Kei-Dei

³² Mă-lei, dang ei apinh Ih mơnat ăn tơdrong yoch lu sư. Dah ưh, apinh sŭt lê̆ bĕ anăn inh đơ̆ng lăm sơ̆p hla bơar Ih đei chih bơih noh;

Le 32:32 ပူးပေါင်းရင်းမြစ်များ

II Sam 18:33

Pơtao Đawit 'mêm kơ kon tơdăm sư dêh, na tŏk hloi tơ kơpal 'măng jang pơlei păng nhơ̆m hmoi sư năm rah pơma rah khan: “Ơ, Apsalôm, kon dăm inh! Kon dăm inh! Apsalôm kon drŏ-nglo inh! Rŏ kơ inh lôch tang kon! Ơ, Apsalôm kon dăm inh! Kon dăm inh!”

Horiso 139:16

Măt Ih 'bôh boih inh kơplah oei tam mă jing bơngai. Dôm năr mă đei hơgăt boih kơ inh đei chih jô̆ boih lăm sơ̆p hla bơar Ih. Adrol kơ tim mă đei 'năr kơ inh lăm lu năr noh.

Horiso 56:8

Kră Yang jô̆ rim yak inh, mă năm mă brŏk;f Ih mong đak măt inh lăm kơhnŏk Ih. Đak măt inh Ih ưh kơ chih lăm sơ̆p hla bơar ih hă?

Horiso 69:28

Sŭt lê̆ anăn lu sư đơ̆ng lăm sơ̆p hla bơar tơdrong arih. Ưh kơ gơh chih tơmơ̆t hơdai hăm lu bơngai tơpăt

Le 32:10

Thoi noh dang ei, lê̆ Inh hil mĭl kơ lu sư, pơrăm pơtôch lê̆ lu sư; mă-lei Inh gô pơjing đơ̆ng ih minh adrĕch adrung tih tơpă.

Êsai 4:3

Lu bơngai oei arih lăm pơlei Siôn, lu bơngai oei oei arih lăm pơlei Jêrusalem gô krao lu sư bơngai rơgoh wă khan đĭ-đăng lu bơngai đei chih jô̆ oei arih lăm Jêrusalem.

Êsêkiên 13:9

Ti Inh gô tơblah plơ̆ kơ lu bơngai khan lê̆ adrol 'bôh tơdrong tơ'bôh hơlĕnh, pơm pơjâu ưh kơ trŏ. Lu sư ưh pă oei lăm kon pơlei Inh dơ̆ng, lu sư ưh pă đei anăn lăm sơ̆p hla bơar adrĕch Isơrael; păng ưh kơ gơh mơ̆t tơ lăm teh đak Isơrael; lu sư gô băt Inh boih Kră Yang tih hloh.

Da 12:1

Lăm chăl noh, Mikael, Linh jang tih, noh boih yŏng wă iung wei kơ kon pơlei ih. Kơplah noh gô đei tơdrong gleh truh, iŏk đơ̆ng đei pơjing dêh char truh tơ dang ei tam mă đei tơdrong truh tih thoi noh. Dang ei lăm lu kon pơlei ih, dôm lu bơngai mă đei chih măt lăm sơ̆p hla bơar noh gô klaih păng arih ling-lang.

Am 7:2

Đơ̆ng rŏng kơ lep sa đĭ 'nhĕt lăm teh boih, inh khan: Ơ Kră Yang, inh apinh Ih mơnat ăn! Liơ Jakôp gơh kĕ arih? Yua kơ sư tŏ sĕt păng tơrăn dêh.

Malachi 3:16

Dang ei lu bơngai hli yom kơ Kră Yang pơma tơduă lu sư thoi noh Kră Yang kơtơ̆ng păng mơ̆ng; păng sơ̆p hla bơar đei chih 'bơ̆t anăp Sư wă kơ tơ'blŏk ăn kơ lu bơngai mă hli yom kơ Kră Yang păng 'blŏk kơ anăn Sư.

Malachi 3:17

Kră Yang Tih Hloh khan: “Lu bơngai noh lu sư jing gah Inh, jing tơmam 'măn kơ Inh yua lăm năr Inh wă pơm. Inh gô mơnat ăn kơ lu sư thoi 'bă mơnat ăn kơ kon tơdăm sư bơ̆jang kơ sư kơdih.

Jo 11:15

Tơdah Ih pơm kơ inh thoi noh păng dah inh đei tơdrong mơnat 'bơ̆t anăp ih, 'lơ̆ng hloh Ih jah pơlôch inh đĕch, wă kơ inh huay pă 'bôh tơdrong pơmat-tat inh!

Jo 11:25

Kră Yang jur hăm hơmơ̆l, pơma hăm Môis. Sư iŏk Yang Bơhngol ăn oei hăm Môis păng ăn kơ tơpơh-jĭt 'nu lu kră wei-lăng. Lăp Yang Bơhngol jur oei hăm lu kră, lu sư pơtơm pơma khan lê̆ adrol, mă-lei lu sư ưh kơ pơma khan lê̆ adrol ling-lang hloi ôh.

Jo 14:19

Apinh Ih mơnat 'nĕ jô̆ tơdrong kon pơlei âu pơm yoch kiơ̆ thoi tơdrong mơnat tih đơ̆ng Ih, thoi Ih đei mơnat ăn boih kơ lu nhôn đơ̆ng char Êyiptơ sơ̆ khơ̆ dang ei.

Luka 10:20

Iĕm 'nĕ chhôk kơ yang kơnê̆ chu iĕm, mă-lei iĕm athei chhôk kơ 'Bok Kei-Dei chih anăn iĕm tơ Pơlei 'lơ̆ng.”

Luka 23:34

Na Yêsu khan kơ 'Bă Sư 'Bok Kei-Dei thoi âu: “Ơ 'Bă, apinh Ih 'nĕ jô̆ yo kơ lu sư, yua kơ lu sư ưh kơ băt lu sư oei pơm kiơ ôh.” Na lu linh ei pơpơn dih băl wă kơ băt bu gơh iŏk ao Yêsu, bu iŏk ao ayơ, bu iŏk ao ayơ. Lu sư asong băl ao Yêsu thoi noh.

Rom 9:3

Inh 'mêm ră kơ lu bơngai Isơrael tă kơ 'nhŏng oh inh ngăl. Đon inh hơdơ̆r kơ lu sư lui kơ Yêsu Krist đĭ, lê̆ kơ inh ưh, pŭ dôm tơdrong phak lu sư ning-mônh.

Both 25:19

Layơ Kră Yang 'Bok Kei-Dei lu iĕm ăn tơdrong hiôk hơđơ̆ng pơdơh đơ̆ng lu bơngai dăr wang tăp dăr kơ iĕm lăm dêh mă Kră Yang 'Bok Kei-Dei iĕm ăn kơ lu iĕm iŏk bơ̆jang sa, asong băl athei sŭt lê̆ tơdrong 'blŏk đơ̆ng Amalek đơ̆ng ala teh âu, 'nĕ kơ hiơt hŏ.

Both 29:20

Kră Yang ưh kơ mơnat tơdrong yoch bơngai noh, mă-lei tơdrong Kră Yang hil mĭl păng gar sư noh chhông blah bơngai noh păng đĭ lu tơdrong hiap pơtê̆ chih lăm sơ̆p hla bơar 'nâu gô tơpŭ tơ kơpal sư; păng Kră Yang gô sŭt lê̆ anăn sư đơ̆ng lăm teh đak 'nâu.

Both 9:14

Lê̆ Inh pơlôch pơđĭ lu sư păng sŭt lê̆ anăn lu sư đơ̆ng lăm teh đak âu, đơ̆ng noh inh gô pơm ăn kơ ih jing minh adrĕch pran kơtang păng lơ kơdrâ̆m hloh kơ lu sư.

Philip 4:3

Ơ 'nhŏng mă jang pôm đon hăm inh, inh wă kơ ih tơgŭm bre sư, yua kơ ki bre sư jang tơgŭm inh bơtho tơdrong 'nao 'lơ̆ng gleh tơpă. Bre sư jang hơdai nhôn đe 'bok Klêmang, hăm đĭ kơ lu bơngai jang hơdai nhôn; 'Bok Kei-Dei chih boih anăn lu sư tơ hla bơar tơdrong arih Sư.

Tơdrông Tơ'bôh 17:8

Sem mă ih 'bôh noh hei, sơ̆ sư arih hiôk, mă dang ei sư lôch ưh pă 'bôh boih. Ning-mônh sư arih mơ̆n, mă ưh pă arih hiôk boih, yua kơ ning-mônh sư tŏk đơ̆ng sơlŭng jrŭ năm tơ anih 'Bok Kei-Dei phak pơrăm. Pôm lu bơngai mă Kră Yang Yêsu ưh kơ đei chih anăn sư lăm hla bơar tơdrong arih đĕch ư-ang kơ sư. Dôm lu bơngai lui tơpă Sư chih anăn sư lăm noh đơ̆ng blŭng-a pơjing plĕnh teh sơ̆. Lu bơngai ưh kơ lui ư-ang kơ sem noh yua kơ sơ̆ sư arih hiôk, dang ei lôch ưh pă 'bôh boih, mă-lei ning-mônh gô iung arih dơ̆ng.

Tơdrông Tơ'bôh 21:27

Tơdrong 'mê̆-'mach ưh kơ gơh mơ̆t ôh tơ lăm pơlei noh. Bơngai hơlĕnh, bơngai oei kơkuh kơ yang nai, ưh kơ gơh mơ̆t ôh. Pôm lu bơngai đei chih anăn lăm sơ̆p hla bơar Kon Triu đĕch gơh mơ̆t. Sơ̆p hla bơar Kon Triu noh chih anăn dôm lu bơngai mă gô arih hăm Sư ling-lang.

Tơdrông Tơ'bôh 22:19

Bơngai bu tŭk nơ̆r 'Bok Kei-Dei đơ̆ng lăm sơ̆p hla bơar Sư âu, bơngai noh Sư ưh kơ ăn sa plei 'long kon bơngai arih ôh, plei 'long mă Sư đei roi kơ bơ̆n lăm sơ̆p hla bơar âu. Sư kư̆m ưh kơ ăn sư mơ̆t tơ Pơlei Jêrusalem 'nao, pơlei mă Sư đei roi kơ bơ̆n tơ lăm sơ̆p hla bơar âu.

Tơdrông Tơ'bôh 3:5

‘Tơdrong tơblah păng yang kơnê̆ jei bu, Inh gô ăn kơ sư hrŭk ao kok thoi noh mơ̆n. Inh ưh kơ sut lê̆ anăn sư tơ hla bơar mă đêl Inh chih wă ăn kơ sư arih ôh. Inh rai roi kơ 'Bă Inh păng roi kơ lu linh jang 'lơ̆ng tơdrong sư lui kơ Inh kơjăp.