Le 32:27 - Sơ̆p Hlabơar Nơ̆r 'Bok Kei-Dei

²⁷ Sư khan kơ đe noh: Kră Yang 'Bok Kei-Dei Isơrael khan thoi âu. Rim 'nu lu iĕm athei kiĕo đao tơ kơiĕng lu iĕm, chă yơyak jơ̆p lăm anih kon pơlei đơ̆ng 'măng jang 'nâu, tơ 'măng jang to păng rim 'nu lu iĕm athei pơlôch 'nhŏng oh iĕm, buăl juăt iĕm hăm lu bơngai tăp dăr kơ lu iĕm.

Le 32:27 ပူးပေါင်းရင်းမြစ်များ

II Pot 10:25

Lăp lu sư pơyơ̆r tơmam soi 'buh pơkhôi đang bơih, Jêhu khan kơ lu linh gak păng lu yŏng tih linh: “Mơ̆t pơlôch lu sư bĕ, pơlôch pơđĭ, 'nĕ kơ ăn bu gơh lĕch.” Thoi noh na lu sư pơlôch lu đe ei hăm đao gưm, lu bơngai gak păng lu yŏng tih linh klơ̆m lê̆ atâu lu đe ei tơ 'nguaih, na mơ̆t lăm anih hnam yang Baal.

Le 32:26

Yua thoi noh Môis oei dơ̆ng 'bơ̆t 'măng jang anih kon pơlei păng khan: “Bu gah Kră Yang, năm bĕ tơ inh, đĭ-đăng lu kon drŏ-nglo bơngai Lêwi akŭm hăm sư.

Le 32:28

Lu kon drŏ-nglo bơngai Lêwi pơm kiơ̆ hloi thoi nơ̆r Môis pơkă noh; lăm năr noh lu sư pơlôch dang pêng-rơbâu 'nu bơngai.

Le 32:29

Na Môis khan: Năr âu rim 'nu lu iĕm pơyơ̆r boih lu iĕm kơ tơdrong jang Kră Yang, ưh pă rong minh 'nu kon drŏ-nglo, dah 'nhŏng oh kơdih, thoi noh Kră Yang ăn kơ iĕm pŭn hiôk năr âu.

Êsêkiên 9:5

Inh kơtơ̆ng Kră Yang khan kơ lu bơngai nai: “Athei năm kiơ̆ đơ̆ng rŏng bơngai noh, năm pơlôch jơ̆p pơlei, iĕm 'nĕ lăng mơnat.

Jo 25:5

Thoi noh Môis khan kơ lu 'bok sek tơlang: Rim 'nu lu iĕm athei pơlôch lu bơngai mă kơkuh kơ yang Baal, Pêôr.

Luka 14:26

“Bơngai bu wă kiơ̆ Inh, mă-lei sư 'mêm kơ mĕ 'bă sư, kon akăn sư, 'nhŏng oh sư hloh kơ sư 'mêm kơ Inh păng sư 'mêm kơ akâu sư kơdih, lei sư ưh kơ gơh jing bơngai kiơ̆ Inh ôh.

II Kor 5:16

Thoi noh na dang ei nhôn ưh pă lăng đe thoi kon bơngai ala teh juăt kơ lăng dih băl boih. Sơ̆ nhôn lăng Yêsu Krist thoi lĕ kơ kon bơngai đĕch, mă dang ei nhôn ưh pă lăng Sư thoi kon bơngai boih.

Both 13:10

Iĕm athei iŏk tơmo klơ̆m pơlôch sư, yua kơ sư chă đon pơhlŭ ih iĕm achăng lê̆ Kră Yang 'Bok Kei-Dei iĕm, Tơ'ngla chông iĕm lĕch đơ̆ng dêh Êyiptơ lĕch hlôi đơ̆ng pơm đĭch.

Both 13:6

Tơdah đei 'nhŏng oh pôm mĕ 'bă, kon drŏ-nglo dah kon drŏ-kăn iĕm, akăn iĕm mă 'mêm kơeng, dah buăl juăt iĕm năm pơtơm pơhlŭ iĕm, khan: Bĕ bơ̆n năm kơkuh kơ yang nai, mă iĕm hăm lu 'bok iĕm kư̆m ưh tam băt,