Le 32:13 - Sơ̆p Hlabơar Nơ̆r 'Bok Kei-Dei

¹³ Apinh Ih athei 'blŏk bĕ kơ Abraham, Isăk, hăm Isơrael, lu đĭch đam Ih mă Ih đei yua anăn Ih kơdih, na pơkă: Inh gô ăn kon sâu lu iĕm lơ thoi lu sơnglŏng kơpal plĕnh păng Inh gô ăn kơ kon sâu lu iĕm đĭ-đăng teh đak âu mă Inh đei pơkă boih kơ lu sư gô oei tơ noh jang sa ling-lang khŏm khŏm.

Le 32:13 ပူးပေါင်းရင်းမြစ်များ

Bl 12:2

Inh gô ăn kơ ih jing minh adrĕch adrung tih, Inh gô ăn kơ ih pŭn hiôk, đe kư̆m gô ư-ang kơ ih, păng ih gô jing tơm kơ tơdrong pŭn hiôk,

Bl 12:7

Kră Yang pơdah kơ Abram păng pơkă khan: Inh gô ăn adrĕch adrung ih teh đak âu! Đơ̆ng noh, Abram pơm minh pôm chơnang soi kơ Kră Yang, Tơ'ngla mă đei pơdah akâu sư kơ Abram.

Bl 15:18

Lăm năr noh Kră Yang đei nơ̆r pơkă pơgơ̆p pơkăm hăm Abram, na khan thoi âu: “Inh gô ăn kơ adrĕch adrung ih dêh char âu, đơ̆ng glung Êyiptơb dĭng truh tơ glung tih noh, wă khan glung Ơphrat.

Bl 15:5

Na Kră Yang chông sư tơ đaih păng khan: “Ih athei ngoi lăng tơ plĕnh. Dah ih kĕ jô̆ lu sơnglŏng jô̆ bĕ.” Kră Yang khan dơ̆ng: “Adrĕch adrung ih kư̆m gô thoi noh.”

Bl 15:7

Kră Yang 'Bok Kei-Dei khan dơ̆ng kơ Abram thoi âu: “Inh jơ̆ Kră Yang, Kră Yang mă chông anhăk ih đơ̆ng Ur, lăm char Kalđê, gô ăn kơ ih char âu jang sa.”

Bl 17:8

Dêh char mă lu iĕm oei dang ei thoi tơmoi đĕch Inh gô ăn kơ ih păng lu adrĕch adrung ih dêh Kanaan, wă jang sa ling-lang hloi. Inh boih Kră Yang 'Bok Kei-Dei lu sư.”

Bl 22:16

Na Kră Yang khan thoi âu: “Yua kơ ih đei pơm boih tơdrong, noh huay kơeng kơ kon ih, mă khan kon pôm ră, na kơdih akâu Inh pơkă pơkăm:

Bl 22:17

Gô tuh ăn pŭn hiôk kơ ih, thim ăn kơ ih đei adrĕch adrung lơ thoi sơnglŏng tơ plĕnh ti, kư̆m thoi chuơh đak dơsĭ păng adrĕch adrung noh blah iŏk kơđông lu ayăt.

Bl 24:7

Kră Yang, Kră Yang 'Bok Kei-Dei plĕnh teh, jơ̆ Kră Yang mă chông ba inh, lê̆ mĕ 'bă, lê̆ 'nhŏng oh, lê̆ dêh char inh, đei pơma pơkăm pơkă hăm inh thoi âu: Inh gô ăn kơ adrĕch adrung ih dêh char âu. Sư gô wơh linh jang sư năm adrol kơ ih păng tơ anih ih gô chă ăn kơ kon inh akăn.

Bl 48:16

Linh jang đei dŏng pơklaih inh đơ̆ng tơdrong pơmat-tat, apinh Ih tuh ăn tơdrong pŭn hiôk kơ bre hơ'lơ̆p âu; wă pơtrơp ioi adrĕch inh păng 'bok yă inh Abraham hăm Isăk păng ăn kơ lu sư hrôh rai lơ jơ̆p-jang kơ teh đak!

Le 13:11

Layơ Kră Yang chông iĕm mơ̆t tơ dêh Kanaan, kiơ̆ thoi Sư pơkă pơ'ngam bơih hăm ih păng 'bok ih, sư gô pơjao dêh noh kơ ih,

Le 13:5

Mưh layơ Kră Yang ba lu iĕm tơ dêh kon pơlei Kanaan, kon pơlei Hêtit, kon pơlei Amôrit, kon pơlei Hêwit păng kon pơlei Jêbus boih, dêh teh mơ̆r 'lơ̆ng thoi đak sut đak toh păng dêh Kră Yang mă pơkă hăm lu 'bok iĕm, na truh lăm khei 'nâu ih athei wei răk tơdrong giĕng 'nâu.

Le 33:1

Kră Yang khan kơ Môis: Năm bĕ đơ̆ng âu, ih hăm lu kon pơlei pơla ih đei chông lĕch đơ̆ng char Êyiptơ, năm bĕ tơ char Inh đei pơkă pơkăm boih kơ Abraham, Isăk, Jakôp: Inh gô ăn char noh kơ kon sâu ih.

Lêwi 26:42

Lei Inh gô 'blŏk kơ tơdrong Inh pơgơ̆p hăm Jakôp, 'blŏk kơ tơdrong pơgơ̆p hăm Isăk đơ̆ng noh 'blŏk kơ tơdrong Inh pơgơ̆p hăm Abraham păng Inh gô 'blŏk hơdơ̆r kơ dêh char.

Both 1:10

Kră Yang 'Bok Kei-Dei lu iĕm ăn kơ iĕm bơngai rai lơ, năr 'nâu lu iĕm lơ thoi sơnglŏng kơpal plĕnh.

Both 7:8

Mă-lei yua kơ Kră Yang 'mêm kơ lu iĕm păng wei nơ̆r pơkă hăm lu 'bok iĕm sơ̆, Kră Yang yua tơpang ti pran kơtang Sư dui lu iĕm lĕch hlôi đơ̆ng pơm đĭch păng dŏng pơklaih đơ̆ng tơpang ti Pharaôn, pơtao dêh Êyiptơ.

Both 9:27

Apinh Ih 'blŏk kơ lu đĭch đam Ih, Abraham, Isăk păng Jakôp; păng 'nĕ pă jô̆ dôm tơdrong kơ chu arăng kơ̆l, tơdrong yoch kơnê̆ lu kon pơlei 'nâu.

Hêbrơ 6:13

Kiơ̆ kơ tơdrong juăt kon bơngai, mưh wă pơkă băl tơdrong kiơ wă kơ kơjăp, sư pao anăn tơ'ngla Kră Yang sư kơdih wă kơ đĭ-đăng bơngai lui kơ nơ̆r sư. Kơplah 'Bok Kei-Dei pơkă kơ Abraham sơ̆, Sư wă kơ đe băt kơ Sư gô tơgŭm tơpă, na Sư ưh kơ đei pao anăn bu nai ôh yua kơ ưh kơ đei bu tih hloh kơ Sư, Sư pao anăn Sư kơdih đĕch. Sư khan kơ Abraham thoi âu: “Inh wă tơgŭm ih tơpă, Inh gô ăn kơ ih đei lu kon sâu lơ.” Abraham lui tơpă, sư chang gô truh tơ 'Bok Kei-Dei ăn kơ sư tơpă.